Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Suflavaider d'apparats AFQ

Ils suflavaiders, las suflavaiders d'apparats fabritgeschan parts da precisiun ed accessoris da labor ord vaider. Ils elements da construcziun prefabritgads e producì dad els sez ord vaider elavuran els tar apparaturas per la scienza, medischina, chemia, farmaceutica e l'industria.

Lavurs

Suflavaiders d'apparats elavuran vaider tar apparats sco pistuns u sfradentaders, ils quals vegnan duvrads en ils labors da chemia ni da la scienza. Dissegns tecnics u skizzas fatgas dals/dal las suflavaiders vegnan dissegnads a maun u al computer cun agid da software da dissegn ed èn nizzaivels sco model.

Suflavaiders elavuran vaider sin maisa u sin il turn tras tractament chaud e fraid. Enten stgaudar cuntinuadamain a moda controllada, tras volver, trair, far vegnir pli stretg, centrar, storscher, e suflar defurman els il corps e bischens da vaider. En quest connex fan els stim dal maletg da la flomma dal brischader ed adatteschan quel cuntinuadamain a l'andament da la flussiun plastica dal vaider.

Cun agid dil brischader fabritgeschan las suflavaiders elements da basa per apparats da vaider sco funs, colliaziuns d'uders, cullas e spiralas isotermicas. Alura monteschan ellas ils differents elements da vaider tenor incumbensa tar apparats da vaider. En il furn da detensiun schluccan las suflavaiders d'apparats ils corps da vaider per disfar tensiuns ed impedir sfessas. Suenter controlleschan las suflavaiders sche la tocca da producziun ha anc restanzas da tensiun cun agid da l 'examinatur da tensiun.

Tar l'elavuraziun fraida dals corps da vaider separan suflavaiders d'apparats bischens e bastuns da vaider cun sgriflar il vaider e rumper u resgiar el a maun u cun maschinas. Cun agid da differentas metodas gliman, puleschan u surtiran els la surfatscha dal vaider.

Da temp en temp èn ils suflavaiders exponids ad autas temperaturas durant lur lavur cun brischaders e furns. Perquai ston els resguardar rigurusas prescripziuns davart la segirezza da lavur e davart la protecziun da l’ambient e da la sanadad. Els utiliseschan ils materials ed ils meds auxiliars spargnusamain e dismettan quels a moda cumpetenta.

Scolaziun

Basa legala

Ordinaziun federala 14-12-2018

Durada

3 onns

Furmaziun en la pratica

en in manaschi da suflavaiders

Furmaziun en scola

trais giadas durant mintg'onn d'emprendissadi instrucziun da bloc al Center da scola professiunal a Wertheim en Germania durant trais fin tschintg emnas

Roms professiunals

  • preparar a las lavurs
  • elavuraziun chauda dal vaider
  • elavuraziun fraida dal vaider
  • terminar e controllar las lavurs
  • Curs ordaifer il manaschi

    Emprender a moda pratica ed exercitar la basa professiunala

    Diplom

    Attestat federal da qualificaziun "suflavaider d'apparats AFQ"

Premissas

Furmaziun preliminara
  • Scola obligatorica terminada cun premissas da basa
Pretensiuns
  • imaginaziun spaziala
  • inschign manual
  • plaschair vi da la tecnica
  • svelta capacitad cumprensiva
  • moda da lavur exacta
  • perseveranza

Furmaziun supplementara

Curs

Dieta da spezialists en Svizra ed en l'ester sco purschidas da scolas professiunalas e spezialisadas

En Germania

Examen da maister sco suflavaider e suflavaider d'apparats, inschigneria en economia direcziun tecnica da vaider, tecnica da material: vaider e cheramica

Cundiziuns da lavur

Apparats da vaider vegnan duvrads en differentas branschas sco per exempel en l'industria da chemia e farmaceutica, en l'industria da maschinas, en la producziun da nutriment industriala, da la diagnostica medicinala, da la tecnica medicinala e tar ils furniturs da las energias regenerablas. Pervia da lur auta spezialisaziun èn ils suflavaiders d'apparats glieud da professiun tschertgada, schebain en Svizra sco er en l'exteriur.

Ulteriuras infurmaziuns

GVS Glasbläser Verband
Schweiz
c/o büchiglasuster Büchi AG
Gschwaderstr. 12
8610 Uster
Tel: +41 44 905 51 14
URL: www.apparateglasblaeser.ch

Revistas dal fatg professiunalas:
"VDG-Nachrichten"



berufsberatung.ch