Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Constructur / Constructura da puntanadas AFQ

Constructurs e constructuras da puntanadas erigian e demonteschan puntanadas. Cun lur lavur procuran els ch’auters spezialists da construcziun possian exequir lur lavurs vi da fatschadas e tetgs.

Lavurs

Constructurs da puntanadas installeschan e demonteschan puntanadas vi da fatschadas, auzaders da construcziun, tetgs provisorics, puntanadas spezialas ed autras construcziuns temporaras sco tribunas e passarellas. Els segireschan las puntanadas cun tschabargals e raits da protecziun.

Sin basa da plans e skizzas calculeschan constructuras da puntanadas il material che vegn duvrà. Ellas organiseschan il transport da la tocca da construcziun al plazzal, endrizzan il plazzal e planiseschan il process da lavur. Sin il plazzal procuran ellas per in deposit professiunal dal material ed al monteschan cun quità.

Constructurs da puntanadas ston avair grondas enconuschientschas professiunalas e precisiun. Els èn spezialmain dumandads cura ch’els ston construir puntanadas purtantas per la construcziun da punts u per autras construcziuns artifizialas.

Constructuras da puntanadas  planiseschan e construeschan era  auzaders da construcziun per persunas e material. L'installaziun e la demontascha da  passarellas provisoricas, tribunas, cumposiziuns da plattafurmas ed autras construcziuns temporaras procura per variaziun en questa professiun.

Constructurs da puntanadas lavuran en l’autezza e ston perquai esser senza sturnizi. Els enconuschan ils privels dal plazzal e resguardan adina las prescripziuns davart la segirezza da la lavur e la prevenziun d’accidents.

Scolaziun

Basa legala

Ordinaziun federala 21-10-2016 (versiun dal 1-1-2018)

Durada

3 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs da bloc a las scolas professiunalas ad Uzwil/SG ed a Les Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • montascha da stresas e sistems sin paraids e mirs exteriurs
  • planisaziun e preparaziun da las construcziuns da puntanadas
  • montar, demontar e mantegnair ils sistems da puntanadas
  • Curs ordaifer il manaschi

    Emprender ed exercitar en la pratica las basas professiunalas

    Maturitad professiunala

    Cun fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "constructur / constructura da puntanadas AFQ"

Premissas

Furmaziun preliminara
  • scola obligatorica terminada cun pretensiuns da basa
Pretensiuns
  • senza sturnizi
  • inschign da raiver
  • abilitad da lavurar en in team
  • inschign manual
  • chapientscha pratica
  • chapientscha tecnica
  • imaginaziun dal spazi
  • constituziun sauna e robusta
  • agilitad

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs exteriurs d’edifizis

Furmaziun da basa scursanida

emprendissadi supplementar da dus onns sco isolatur / isolatura AFQ, cuvratetgs AFQ, constructur / constructura da fatschadas AFQ u montader / montadra da storas AFQ

Examen professiunal (EP)

cun diplom federal: manader / manadra da construcziun da paraids e mirs exteriurs, cussegliader energetic / cussegliadra energetica d'edifizis u manader / manadra da project en montascha solara

Examen professiunal superiur (EPS)

maister / maistra en policonstrucziun

Scola spezialisada superiura (SSS)

studis en champs parentads, p. ex. tecnicist / tecnicista SSS dipl. surveglianza da construcziun

Scola auta spezialisada (SAS)

studis en champs parentads, p. ex. Bachelor of Science en inschigneria da construcziun (direcziun paraids e mirs exteriurs d'edifizis) a la scola auta Lucerna

Cundiziuns da lavur

Constructurs da puntanadas lavuran en manaschis da la construcziun da puntadas u tar interpresas da construcziun. Quai èn per gronda part manaschis pitschens u mesauns.

Era construiders d'events u produciders da puntanadas pon vegnir en dumonda sco patruns da lavur.

Ulteriuras infurmaziuns

Uniun Polybau
Lindenstr. 4
Chascha postala
9240 Uzwil
Tel: +41 71 955 70 41
URL: www.polybau.ch




berufsberatung.ch