![[object Object],[object Object]](https://media.sdbb.ch/transform/86722594-599c-4736-afb3-8c4e8c6969e6/_HSC0997-jpg?io=transform:fill,width:740,height:490)
1. onn d’emprendissadi: CHF 800–1000.–
2. onn d’emprendissadi: CHF 1100–1300.–
3. onn d’emprendissadi: CHF 1600–1800.–
Sco lavurera u lavurer da betun produceschas ti elements da construcziun da betun u da crap artifizial. Questas parts vegnan alura duvradas en la construcziun d'edifizis e da stabiliments al liber, p.ex. sco elements da fatschadas, bancs da fanestras, balcuns, roms d'ischs, stgalims da stgalas, vaschs da plantas, craps da l'ur u conducts.
Incumbensas
- leger ed interpretar ils plans da producziun
- far plans d'entulada e d'elavuraziun dals elements da construcziun
- mesirar las dimensiuns d'elements da construcziun e transponer quellas en il dissegn
- determinar la quantitad da material ch'è necessaria, p.ex. sablun, glera, aua, substanzas liantas u aditivs
- metter a disposiziun entuladas per cular il betun
- preparar las maschinas ed ils apparats da lavur
- producir u montar a maun u cun maschinas l'entulada d'atschal, da lain u da materia sintetica
- tagliar e storscher atschal per producir rinforzaments per il betun
- montar las fixaziuns ed ils accessoris tenor ils plans d'execuziun
- maschadar il betun, la maulta u auters products cun maschinas
- emplenir betun en l'entulada
- gulivar u densifitgar il betun frestg tenor las instrucziuns
- distatgar elements da betun prefabritgads or da la cuppa
- giuditgar mancanzas pussaivlas ed examinar pussaivladads da reparatura
- realisar tractaments da la surfatscha: far vegnir grugl cun sablun, glimar, sgrattar giu
- metter en moviment, depositar e proteger singuls elements da construcziun cun in plunader u ina crana
- chargiar ils elements da betun sin in vehichel, resguardar en quest connex la segirezza da transport
- crear documents da furniziun
- montar elements da betun pli pitschens
- serrar las foras da fixaziun e las averturas da montascha
- crear differentas chavas
- nettegiar il plaz da lavur
- mantegnair maschinas ed apparats
- dismetter ils ruments en moda ecologica
Ambient da lavur
Sco lavurera u lavurer da betun lavuras ti en il team, principalmain en il lavuratori. Mo excepziunalmain vas ti sin plazzals per prender mesira u per garantir la furniziun respectivamain la montascha d'in element. Ti has uras da lavur regularas.
Lavureras e lavurers da betun lavuran tar producents d'elements da betun e d'auters products da betun. En interpresas pli grondas has ti suenter intgins onns professiunals la pussaivladad da surpigliar supplementarmain responsabladad, p.ex. sco capolavurera u sco persuna responsabla per la producziun.
Pretensiuns e interess
- Inschign manual
- Chapientscha tecnica
- Imaginaziun tridimensiunala
- Gronda toleranza da canera
- Abilitad da lavurar en in team
- Resistenza corporala
- Lavurar cun arschiglia, crap e vaider
- Lavurar cun maschinas
- Lavurar cun ils mauns
- Esser corporalmain activ
Scolaziun
La scolaziun vegn fatga sco emprendissadi en in manaschi.
furmaziun pratica en ina interpresa da construcziun: 4 dis per emna
1 di per emna en la scola professiunala spezialisada Zofingen
Sursee: 60 dis durant 3 onns
3 onns
- terminà la scola obligatorica
- intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Lavurer / Lavurera da betun AFQ
Furmaziun cuntinuonta
Curs
curs da la Societad svizra dals impressaris constructurs (SSIC)
Examen professiunal (EP)
- Polier / Poliera da construcziun EP
- Manader / Manadra da construcziun EP
- Controllader / Controlladra da material da construcziun EP
Examen professiunal superiur (EPS)
- Maister constructur / Maistra constructura EPS
Scola spezialisada superiura (SSS)
- Tecnicist / Tecnicista SSS planisaziun da construcziun
Scola auta spezialisada (SAS)
- Bachelor of science en scienzas d'inschigneria da construcziun
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Professiuns sumegliantas
