Lavurs
Lur lavurs èn las suandantas:
Preparaziun ed elavuraziun posteriura
- preparar – a maun dals maletgs, ch'il dentist ha fatg cun il scanner da la bucca – in model da gip u in squitsch 3D da la missella
- reciclar u dismetter ruments tenor las prescripziuns davart l'ambient
Fabritgar curunas e punts
- modellar curunas u punts or da tschaira u las crear cun la software CAD, pia al computer, quai tenor il model da gip u da plastic
- inserir las curunas e las punts modelladas en materia resistenta al fieu e las cular, adattar e pulir cun liaments da metals prezius u betg prezius, suenter che la tschaira è arsa ora
- fresar – or da cheramica u or d'oxid da metal cun maschinas che vegnan regladas per computer – curunas e punts ch'èn vegnidas preparadas cun agid da la software CAD
- dar si cheramica sin la curuna e l'arder per furmar in dent
- mular las surfatschas
- far attenziun tar la cheramica, che la colur dal dent artifizial correspundia a la colur dals dents da la pazienta
Preparar protesas
- tscherner ensemen cun il pazient e la dentista la furma e la colur da la protesa
- montar ed adattar models en in articulatur, pia en in apparat che imitescha ils moviments da la missella
- preparar ina construcziun da metal e modellar vidlonder ils dents artifizials per laschar empruvar il pazient
- far protesas cumplettas per persunas senza dents
- assister il dentist tar l'emprova da la protesa e far las adattaziuns ch'i dovra
Producir apparaturas ortodonticas
- producir apparaturas ortodonticas cun fildaroms storts e struvas e controllar, sch'ellas funcziunan
- far fermagls da plastic, tagliar e pulir ils urs u crear ils fermagls cun software CAD ed als stampar en 3D
Scolaziun
Durada
4 onns
Furmaziun en la pratica
En in labor dental
Furmaziun en scola
1 di per emna en la scola professiunala spezialisada
Roms professiunals
- organisar il process da lavur
- fabritgar remplazzaments da dents demontabels
- fabritgar remplazzaments da dents stabels
- fabritgar apparaturas ortodonticas e protegiadents
- far lavurs posteriuras, prestaziuns da service, reparaturas ed adattaziuns
Curs ordaifer il manaschi
emprender la lavur pratica, approfundar ed exercitar las basas professiunalas, 33 dis durant 4 onns
Maturitad professiunala
sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Diplom
Tecnicist / Tecnicista da dents AFQ
Premissas
Furmaziun preliminara
- terminà la scola obligatorica
- Swiss Dental Laboratories porscha in test da qualificaziun e recumonda d'absolver in fufragnadi.
Pretensiuns
- interess per anatomia, chemia e fisica
- plaschair da far lavurs da precisiun
- pazienza e perseveranza
- abilitad da s'imaginar objects en moda tridimensiunala
- senn per colurs e per furmas
- naginas allergias cunter chemicalias
- cumportament tenor ils basegns da la clientella e prontezza da s'engaschar
- plaschair da lavurar al computer
Furmaziun supplementara
Curs
purschidas da federaziuns professiunalas, da firmas dentalas e d'instituts da tecnica dentala en universitads
Examen professiunal (EP)
Tecnicist da dents spezialisà / Tecnicista da dents spezialisada en ortopedia da la missella cun attestat professiunal federal
Cundiziuns da lavur
Tecnicistas e tecnicists da dents lavuran sulets u en pitschens teams en labors dentals, praticas da dentist, clinicas dentalas sco er en l'industria dentala. A maun e cun programs da computer fabritgeschan ellas ed els tocs singuls sin mesira. Ellas ed els collavuran stretgamain cun dentistas e dentists. Ellas ed els portan vestgadira da protecziun e durant tschertas activitads er egliers da protecziun. Lur temps da lavur èn regulars.
En gronds labors dentals pon ellas ed els sa spezialisar per in tschert champ, per exempel cheramica, ortopedia da la missella u cular models. Cun l'experientscha correspundenta pon ellas ed els er surpigliar posiziuns da gronda responsabladad. Igl è er pussaivel da fundar in'atgna firma. Quai pretenda dentant grondas investiziuns. Per tegnair pass cun il svilup tecnologic, absolva la glieud da professiun cuntinuadamain furmaziuns supplementaras.
Ulteriuras infurmaziuns
Schweizerische Zahntechnik-Vereinigung SZV
5436 Würenlos
URL: www.szv.ch
Swiss Dental Laboratories
3007 Bern
URL: www.vzls.ch