?global_aria_skip_link_title?

Acusticher / Acusticra da sistems d’udida AFQ

Lavurs

Acustichers ed acusticras da sistems auditivs sustegnan e cusseglian pazients che n’audan betg bain. Els defineschan l’exact problem da l’udida e fan tests per eruir la dimensiun da la sperdita da l’udida. Sin fundament dals resultats fan els propostas per sistems auditivs che van bain a prà culs basegns da lur clientella.

Els exequeschan suandantas lavurs:

Cussegliar clientella
  • leger rapports dals medis da gula, nas ed ureglias (HNO)
  • preparar cabinas e material per las differentas examinaziuns
  • beneventar las pazientas en fatschenta
  • declerar andament, sintoms e consequenzas da disturbis da l’udida sco er il decurs da l’examinaziun
  • eruir ils basegns da la clientella cun agid da questiunaris e glistas da check
  • far calculaziuns da custs per las examinaziuns ed ils sistems auditivs
  • avrir e manar dossiers da pazients e dar scleriment latiers als medis e las assicuranzas socialas
Far tests
  • far otoscopias, quai vul dir: intercurir il chanal auditiv exteriur e la pel dal schumber da l’ureglia
  • far differents tests acustics per mesirar la dimensiun da la sperdita da l’udida
  • evaluar ils resultats dal tests per savair eleger il gener dal sistem auditiv e la otoplastica (toc che sto vegnir adattà exactamain e la conchiglia da l’ureglia)
  • far ina resumaziun da las datas per il discurs cun la pazienta
Adattar sistems auditivs
  • far amogna differents geners da sistems auditivs, per optimar la prestaziun da l’udida ed il confort dal pazient, per exempel sistems auditivs integrads en l’ureglia u sistems auditivs montads davos la conchiglia da l’ureglia
  • far improntas da silicon da la furma da l’ureglia
  • empustar dal furnitur ils sistems auditivs giavischads
  • adattar meds d’agid sco telefon u telecumond als basegns dals pazients
  • declerar co ils sistems auditivs ed ils meds d’agid tecnics funcziunan e ston vegnir tgirads
  • controllar ils sistems auditivs e l’abilitad auditiva da las pazientas suenter in tschert temp

Scolaziun

Durada

3 onns

Furmaziun en la pratica

En ina fatschenta per sistems d’udida

Furmaziun en scola

1-2 dis per emna a la scola professiunala ad Olten u a Bienna

Roms professiunals

  • eruir basegns da la clientella e vender sistems d’udida
  • adattar sistems d’udida

Curs ordaifer il manaschi

Emprender ed exercitar a moda pratica la basa professiunala, 13 dis durant 3 onns

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Acusticher / Acusticra da sistems auditivs AFQ

Premissas

Furmaziun preliminara
  • scola populara terminada
Pretensiuns
  • abilitad da communitgar
  • plaschair vi da la vendita e la cussegliaziun
  • chapientscha tecnica
  • interess medicinal

Furmaziun supplementara

Curs

purschidas da scolas spezialisadas e professiunalas sco er da l'akademie hörenschweiz

Examen professiunal (EP)

spezialista da sistems auditivs cun certificat professiunal federal

Cundiziuns da lavur

Acusticras ed acustichers da sistems auditivs AFQ lavuran en ina fatschenta per sistems d’udida e quai per regla en in team. Els stattan en contact regular cun medis da gula, nas ed ureglias (HNO ), cun spezialists da sistems auditivs e spezialists d’assicuranzas socialas. Lur temp da lavur è regulars.
La glieud da professiun chattan lur lavur en fatschentas spezialisadas per sistems auditivs. Lur schanzas sin il martgà da lavur en bunas. L’aspectativa da vita creschenta sco er la grevezza da canera augmentada han per consequenza che la dumandà suenter tests d’udida e sistems auditivs è gronda. Per esser sin il current davart il svilup tecnic ston ils spezialists sa scolar permanentamain.

Ulteriuras infurmaziuns

VBHA Verein Bildung Hörsystemakustik
3001 Bern
URL: www.vbha.ch



berufsberatung.ch