Tecnologa da products medicinals AFQ
Tecnolog da products medicinals AFQ
![[object Object],[object Object]](https://media.sdbb.ch/transform/954d8703-e20f-4bbf-afaf-3b1f8925872a/Medizinproduktetechnologin_FV_019-jpg?io=transform:fill,width:740,height:490)
1. onn d’emprendissadi: CHF 840.–
2. onn d’emprendissadi: CHF 1050.–
3. onn d’emprendissadi: CHF 1470.–
Tecnologas e tecnologs da products medicinals AFQ preparan en ospitals e firmas spezialisadas instruments chirurgics, indrizs per la diagnostica ed utensils per la tgira. Els nettegian, dischinfecteschan e steriliseschan ils products medicinals e contribueschan uschia essenzialmain a la prevenziun d’infecziun.
Incumbensas
- preparar instruments, apparats, indrizs, materias ed accessoris che vegnan duvrads tar operaziuns, en examinaziuns diagnosticas ed en la tgira
- ordinar e prender dapart ils products medicinals tenor las indicaziuns dal producent
- nettegiar e dischinfectar ils products a maun u cun maschina
- far controllas dal process e dar liber ils products per il proxim pass da preparaziun
- metter ensemen ils products medicinals e concepir els tenor glistas d'emballadi tar entirs sets, pachetar ed etichettar quels
- attribuir indrizs als proceders da sterilisaziun fixads
- far tests da funcziun e documentar quels
- sterilisar ils utensils en indrizs da sterilisaziun dirigids entras computers e dar liber quels suenter davosas controllas da process per che quels possian suenter puspè vegnir duvrads
- controllar l’inventari dal deposit e far empustaziuns
- analisar las dumondas da clients e sclerir tgi ch’è responsabel
- respectar las mesiras e prescripziuns davart la segirezza da lavur e davart la protecziun da l’ambient e da la sanadad
- resguardar las prescripziuns d’igiena per minimar cun lur lavur la periclitaziun da sanadad entras infecziuns, quai tant tar ils pazients sco era tar quels che dovran ils products medicinals
Ambient da lavur
Tecnologas e tecnologs da products medicinals lavuran en las domenas da preparaziun per products medicinals en ospitals, clinicas, centers da sanadad ed era en auters manaschis che preparan products medicinals. La glieud da professiun planisescha ed organisescha sia lavur il pli savens sur sasez. Sper products medicinals da standard che vegnan duvrads savens s’occupeschan els era da products medicinals cumplexs ch’èn vegnids sviluppads pir da nov.
Pretensiuns e interess
- Senn per igiena e per nettezza
- Abilitad da s'adattar a novas tecnologias
- Moda da lavurar sistematica
- Inschign manual
- Moda da lavurar conscienziusa ed exacta
- Savair vesair sang
- Abilitad da sa concentrar
- Resistenza cunter stress
- Lavurar endadens
- Lavurar en il team
- Manar e surpigliar responsabladad
- Lavurar en moda exacta
- Schliar incumbensas tecnicas
Scolaziun
En in ospital, ina clinica, in center da sanadad u en ina firma per sterilisaziun medicinala
In di ad emna a la scola professiunala
Emprender ed exercitar a moda pratica la basa professiunala
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Tecnologa / Tecnolog da products medicinals AFQ
Furmaziun cuntinuonta
Curs
Purschidas da scolas professiunalas e spezialisadas
Examen professiunal superiur (EPS)
Expert domena d’operaziun cun diplom federal
Scola spezialisada superiura (SSS)
- Spezialist dipl. per radiologia medicinal-tecnica SSS
- Spezialista dipl. tecnica d’operaziun SSS
Scola auta spezialisada (SAS)
Cun scolaziun preliminara correspundenta: Bachelor of Science (SAS) en tecnica da medischina. Tut tenor scola auta spezialisada valan differentas cundiziuns d'admissiun.
Professiuns sumegliantas
