Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Acusticher / Acusticra da sistems d’udida AFQ

Acustichers ed acusticras da sistems d’udida lavuran en fatschentas spezialas per sistems d’udida. Els cusseglian la clientella, fan tests d’udida e vendan sistems d’udida. Tut tenor ils basegns da la clientella adattan  els ils sistems d’udida u als controllan.

Lavurs

Acustichers da sistems d’udida cusseglian clientella che ha differents impediments da l’udida. Els porschan products audiologics ch’èn adattads individualmain e megliereschan uschia la prestaziun ed il confort d’udida. Tar quests products tutgan – sper ils sistems d’udida (apparats d'udida) ed ils accessoris – er ils products da la protecziun da l’udida ed ulteriurs servetschs sco trenament da l’udida e cussegliaziun da tinnitus.

L’emprim erueschan acusticras da sistems d’udida en il discurs cun la clienta ses basegns d’udida individuals. Latiers sclereschan ellas las experientschas fatgas cun ils sistems d’udida sco er las circumstanzas da vita e las disas da la clienta. Silsuenter controllan ellas la conchiglia da l’ureglia, il chanal da l’udida ed il schumber.

Cun agid da dumondas e da differents tests erueschan acustichers da sistems d’udida la perdita da l’udida dal client. Cun apparats da mesirar electronics fan els mesiraziuns precisas da l’udida. Silsuenter adattan els u ils sistems d’udida standardisads u preparan ina furma da silicon da l’ureglia dal client e fan or da quella in toc adattà per l’ureglia (otoplastica). Èn il sistem d’udida e l’otoplastica pronts, fan els cun agid d’in program da computer la regulaziun da precisiun. Cunquai che quella procedura dura in temp, adattan ils spezialists ils sistems d’udida en pliras sesidas. Ultra da quai decleran els al client la furma da l’impediment d’udida, raschuns pussaivlas e las consequenzas per la qualitad da viver. Els al mussan co ch’ils apparats funcziunan e co ch’el po als nettegiar ed els infurmeschan davart ulteriurs meds d’agid e davart las prestaziuns d'assicuranza.

Acusticras da sistems d’udida stattan en contact cun las assicuranzas socialas e cun ils medis d’ureglias. Tut tenor basegn scrivan ellas rapports, fan la documentaziun interna ed enconuschan las differentas disposiziuns dal dretg da las assicuranzas socialas.

Tar tut ils pass da l’adattaziun dal sistem d’udida dovran ils spezialists lur enconuschientschas davart l’anatomia, la patologia, la fisiologia, la psicologia e l’acustica. Cunquai che las tecnicas da mesiraziun e la programmaziun da sistems d’udida vegnan dirigidas sur soluziuns da software, è il computer in instrument da lavur impurtant.

Acustichers da sistems d'udida tgiran e concepeschan ils locals da vendita. Els percorschan privels al plaz da lavur e procuran per la segirtad da lavur sco er per la protecziun da la sanadad e da l'ambient.

Scolaziun

Basa legala

Ordinaziun federala dals 7-9-2015 (versiun dal 1-1-2018)

Durada

3 onns

Furmaziun en la pratica

En ina fatschenta per sistems d’udida

Furmaziun en scola

2 dis per emna (1. onn d'emprendissadi), respectivamain 1 di per emna (2. e 3. onn d'emprendissadi) a la scola professiunala ad Olten u a Bienna

Roms professiunals

  • eruir basegns da la clientella e vender sistems d’udida
  • adattar sistems d’udida

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "acusticher / acusticra per sistems d’udida AFQ"

Premissas

Furmaziun preliminara
  • scola populara terminada
Pretensiuns
  • abilitad da communitgar
  • plaschair vi da la vendita e la cussegliaziun
  • chapientscha tecnica
  • interess medicinal

Furmaziun supplementara

Curs

purschidas da scolas spezialisadas e professiunalas sco er da l'akademie hörenschweiz

Examen professiunal (EP)

acusticher / acusticra d’apparats d’udida cun certificat professiunal federal (en revisiun)

Cundiziuns da lavur

Acustichers da sistems d’udida AFQ lavuran en ina fatschenta per sistems d’udida. Pervia da l’innovaziun en il sectur da la tecnica medicinala en la branscha ston ils spezialists sa scolar permanentamain. Els èn tschertgads sin il martgà da lavur.

Ulteriuras infurmaziuns

VBHA Verein Bildung Hörsystemakustik
Seilerstr. 22
Postfach
3001 Bern
Tel: 031 310 20 18
URL: www.vbha.ch

Revistas professiunalas:
"Hörakustik"



berufsberatung.ch