Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Mittwoch, 14. November zwischen 18:00 Uhr und 21:00 Uhr zu einzelnen Ausfällen kommen.

Commerziant / Commerzianta AFQ

Commerziants e commerziantas lavuran en ils pli differents secturs economics, ch’èn dividids en 21 branschas. En ils divers secturs surprendan els lavurs administrativas ed organisatoricas.

Lavurs

Commerziants e commerziantas lavuran en il biro d’ina interpresa che tutga tar ina da las 21 branschas da scolaziun e d’examen da commerzi: automobil, banca, construir ed abitar, administraziun federala, chemia, servetsch ed administraziun, commerzi, hotel-gastro-turissem, logistica da spediziun internaziunala, communicaziun, industria da maschinas, d’electro e da metal, industria d’alimentaziun, notariats Svizra, traffic public, administraziun publica, assicuranza privata, biro da viadi, Santésuisse, ospitals/clinicas/asils, transport, administraziun fiduziaria/immobiglias.

L’ambient da lavur e las pretensiuns specificas pon uschia variar fermamain, era sche las lavurs elementaras da commerziants en las differentas branschas èn sumegliantas. Las lavurs principalas da commerziants èn oravant tut d’elavurar infurmaziuns, da communitgar per e-mail e per telefon sco era da controllar ed exequir pajaments. Els dumondan per exempel scleriment, scrivan brevs a la clientella u fan pajaments da paja. Tut questas lavurs vegnan fatgas al computer.

Commerziants exequeschan diversas lavurs sco archivar documents da fatschenta e far pajaments e transacziuns. Els dattan scleriment a bucca ed a scrit als collavuraturs ed a las collavuraturas sco era a la clientella, els distribueschan la posta, pacheteschan e francheschan brevs e pachets e mainan bancas da datas cun adressas e cun autras datas.

Tut tenor branscha èn els integrads en la fatschenta dal di, stattan en contact direct cun la clientella e regleschan incumbensas. Els dumondan scleriment, organiseschan occurrenzas e protocolleschan sesidas. Els scrivan notizias d’actas, legian documents da fatschenta e dattan vinavant infurmaziuns als posts responsabels.

En la rait ed al telefon èn commerziants di per di en contact cun clients naziunals u internaziunals e firmas da furniziun. Perquai vegn dà gronda paisa sin bunas enconuschientschas a bucca ed a scrit da tudestg, tut tenor regiun era da rumantsch e da linguas estras. La furmaziun en scola sa differenziescha tenor ils profils. La tscherna dal profil n’ha dentant betg in’influenza sin la furmaziun pratica en il manaschi.

Scolaziun

Basa legala

Ordinaziun federala 26-9-2011 (stan 1-1-2015)

Durada

3 onns / 4 onns (SMC)

Profils

  • furmaziun da basa (profil B)
  • furmaziun da basa extendida (profil E) cun maturitad professiunala
  • midadas en in auter profil èn pussaivlas

Midada en in profil pli aut resp. pli bass è pussaivla.

Furmaziun en la pratica

En ina da las 21 branschas

Furmaziun en scola

  • 1. / 2. onn: 2 dis per emna a la scola professiunala
  • 3. onn: 1 di per emna a la scola professiunala / cun maturitad professiunala 2 dis

Roms professiunals

  • emprima lingua (tudestg / evtl. era rumantsch)
  • 1 lingua estra (profil B) resp. 2 linguas estras (profil E)
  • infurmaziun / communicaziun / administraziun
  • economia e societad

Curs ordaifer il manaschi

Tar differents temas

Maturitad professiunala

Mo pussaivla durant la furmaziun da basa cun profil E.

Scolaziun alternativa

  • Scola media commerziala (SMC) cun maturitad professiunala: 3 onns scola/1 onn praticum
  • Scola mercantila: 2 onns scola/1 onn praticum

Diplom

Attestat federal da qualificaziun "commerziant / commerzianta AFQ"

Premissas

Furmaziun preliminara
  • profil B: scola populara terminada; il pli aut stgalim da scola cun prestaziuns suffizientas u stgalim da scola mesaun cun bunas prestaziuns en ils roms centrals
  • profil E: scola populara terminada; il pli aut stgalim da scola cun bunas prestaziuns u stgalim da scola mesaun ed onn da scola supplementar cun bunas prestaziuns en ils roms centrals
  • profil E cun maturitad professiunala: scola populara terminada; il pli aut stgalim da scola cun fitg bunas prestaziuns; examen d’admissiun reussì
  • per tut ils profils: scriver cun tastatura (abilitad sto esser avant maun avant cumenzar l’emprendissadi)
Pretensiuns
  • avair interess vi da lavurs da biro
  • buna cumpetenza da tudestg (evtl. era da rumantsch) a bucca ed a scrit
  • bunas enconuschientschas da linguas estras
  • bun dun receptiv
  • fidadadad
  • plaschair d’esser en contact cun carstgauns
  • dun d’organisaziun
  • flair per cifras
  • senn da responsabladad
  • plaschair da lavurar al computer
  • abilitad da lavurar sur sasez

Furmaziun supplementara

Curs

purschidas da scolas professiunalas, centers per furmaziun supplementara sco era tar associaziuns professiunalas ed interprofessiunalas

Examen professiunal (EP)

cun certificat professiunal federal: spezialist / spezialista da finanzas e contabilitad, spezialist / spezialista da marketing, spezialist HR (resursas umanas), assistent / assistenta da direcziun, fiduziari / fiduziaria, assistent / assistenta da direcziun etc.

Examen professiunal superiur (EPS)

expert diplomà / experta diplomada en facturaziun e controlling, directur diplomà / directura diplomada da marketing, manader diplomà / manadra diplomada resursas umanas (RU/HR), manader diplomà / manadra diplomada da commerzi cun l’exteriur, fiduziari diplomà / fiduziaria diplomada per immobiglias etc.

Scola spezialisada superiura (SSS)

econom diplomà / economa diplomada per fatgs bancars SSS, econom diplomà / economa diplomada da manaschi SSS, econom diplomà / economa

Scola auta spezialisada (SAS)

Bachelor of Science (SAS) en economia da manaschi, Bachelor of Science (FH) en inschigneria d’economia etc.

Cundiziuns da lavur

Commerziants lavuran en ina interpresa pitschna u mesauna (IPM) u en in grond concern. Latiers pon els eleger tenor agen interess ord ina paletta da 21 branschas. Il plaz da lavur po esser en in biro singul d’ina interpresa artisanala sco era en in biro grond d’ina banca. Infurmaziuns da las branschas chattais Vus cun cliccar sin ils links sut la rubrica «infurmaziuns supplementaras».

Las cundiziuns d’engaschament sa differenzieschan tenor branscha, interpresa e funcziun. I dat bleras pussaivladads per sa furmar supplementarmain, per sa spezialisar e per far carriera. Segund lur interess e lur capacitads han ils commerziants la pussaivladad da sa furmar supplementarmain en branschas sco economia da manaschi, vendita, marketing, linguas estras, Human Resources etc.

Ulteriuras infurmaziuns

Kaufmännischer Verband
Hans-Huber-Strasse 4
8027 Zürich
Tel: 044 283 45 45
URL: www.kfmv.ch

SKKAB Schweiz. Konferenz der kaufmännischen Ausbildungs- und Prüfungsbranchen
Schwanengasse 9
3001 Bern
Tel: 031 398 26 10
URL: www.skkab.ch



berufsberatung.ch