![[object Object],[object Object]](https://media.sdbb.ch/transform/2a4608a3-3f0b-4de1-b767-508f494b8560/libraire_L-H_050-jpg?io=transform:fill,width:740,height:490)
Libraristas e librarists cusseglian la clientella tar la tscherna da differentas medias, sco per exempel cudeschs, revistas, chartas geograficas u software. Ellas ed els èn responsabels per l'acquist da novas medias e per la vendita a la clientella.
Incumbensas
- adattar il sortiment da cudeschs tenor la dumonda da la clientella ed exponer novas publicaziuns
- preschentar products a la clientella, p.ex. en la vaidrina
- retschaiver la clientella, entrar sin ses giavischs e gidar tar la tscherna dals products
- cussegliar la clientella, p.ex. persunas che tschertgan in regal entaifer in tschert sectur tematic
- gidar la clientella cun experientscha a tscherner cudeschs, p.ex. schurnalistas, tgirunzs u botanicras
- retschertgar cudeschs u autras medias, p.ex. sur in sistem da catalog digital
- elavurar barats e reclamaziuns
- tgirar contacts regulars cun purschiders en Svizra ed a l'exteriur e valitar e cumparegliar lur purschidas e lur servetschs
- far empustaziuns da cudeschs, da revistas e d'autras medias per emplenir l'inventari
- pachetar ora e controllar las furniziuns
- etichettar ils products ed als registrar en il computer
- metter las raubas en las curunas, en supports ed en vaidrinas ubain deponer talas en il magasin
- far regularmain glistas d'inventari da la rauba betg vendida e trametter enavos quella a la firma da distribuziun
- renovar e decorar las vaidrinas
- scriver quints, respunder dumondas da clientas e clients e manar la contabilitad
Ambient da lavur
Libraristas e librarists cusseglian la clientella tar la tscherna da las medias respectivas. Ultra da quai tgiran ellas ed els buns contacts cun ils furniturs, en spezial cun las chasas edituras e cun lur auturas ed auturs. Il temp da lavur sa drizza tenor las uras d'avertura da la fatschenta. Perquai èsi pussaivel da stuair lavurar regularmain er la fin d'emna.
Libraristas e librarists lavuran en fatschentas da cudeschs e da multimedia, en antiquariats, en chasas edituras, en centers da distribuziun u en bibliotecas. I dat bleras furmaziuns supplementaras pussaivlas en il sectur da las chasas edituras, en il commerzi en detagl ed en il sectur commerzial.
Pretensiuns e interess
- Buna memoria
- Interess e mirveglias
- Plaschair dal contact cun glieud
- Senn per igiena e per nettezza
- Resistenza corporala
- Plaschair da vender e da cussegliar
- Leger
- Cussegliar
- Lavurar endadens
- Avair contact cun persunas
Scolaziun
La scolaziun vegn fatga sco emprendissadi en in manaschi.
En ina libraria
1,5 dis per emna
Emprender, approfundar ed exercitar las basas professiunalas, 10 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Librarist / Librarista AFQ
Furmaziun cuntinuonta
Curs
Purschidas da las scolas spezialisadas e da scolas professiunalas spezialisadas sco er da l'Associaziun svizra da las librarias e da las chasas edituras SBVV sbvv.ch
Examen professiunal (EP)
Cun attestat professiunal federal, p.ex.:
- Librarist / Librarista
- Spezialist / Spezialista da commerzi en detagl
- Spezialist / Spezialista d'acquists
- Spezialist / Spezialista da vendita
- Spezialist / Spezialista da marketing
Examen professiunal superiur (EPS)
Cun diplom federal, p.ex.:
- Manager / Managera da commerzi en detagl
- Manader / Manadra d'acquists
- Manader / Manadra da la vendita
Scola spezialisada superiura (SSS)
Studis en secturs spezialisads parentads, p.ex.: Economa / Econom da manaschi dipl. SSS
Scola auta spezialisada (SAS)
Studis en secturs parentads, p.ex. bachelor of science en:
- economia da gestiun
- multimedia production
- scienza d'infurmaziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
