Spezialista d’infurmaziun e documentaziun AFQ
Spezialist d’infurmaziun e documentaziun AFQ
Correspunda questa professiun a mai?![[object Object],[object Object]](https://media.sdbb.ch/transform/6fb7188d-59af-4d29-87ef-b6f9bc8ed1ee/agente_inf-_doc_013-jpg?io=transform:fill,width:740,height:490)
1. onn d’emprendissadi: CHF 750.–
2. onn d’emprendissadi: CHF 960.–
3. onn d’emprendissadi: CHF 1340.–
Sco spezialista u spezialist d'infurmaziun e documentaziun administreschas ti ils inventaris da las medias e d'infurmaziun. Ti tschernas datotecas, cudeschs, fotografias, gasettas e documents. Ti mantegnas e survegns questas medias e las fas accessiblas. Ultra da quai transmettas ti infurmaziuns ad autras persunas.
Incumbensas
- tscherner, sa procurar e prender encunter medias, datas e documents sco er controllar la quantitad, il cuntegn e la qualitad
- classifitgar, cataloghisar e tgirar medias, p.ex. cun plachettas da signatura
- administrar bancas da datas, pia actualisar e stizzar ils effectivs
- laschar reparar u restabilir medias donnegiadas, p.ex. tras in tecnolog da liar u tras ina conservatura
- remplazzar medias betg reparablas
- far inventarisaziuns e dismetter medias veglias u nunnecessarias
- gidar la clientella a tschertgar medias, datas e documents u mussar, co ch'ella arriva a las infurmaziuns necessarias
- far retschertgas per la clientella
- organisar e controllar l'emprest e la restituziun da medias e documents
- scriver quints ed admoniziuns
- sustegnair la reclama ed il marketing d'instituziuns publicas, p.ex. da bibliotecas e d'archivs publics
- cunorganisar occurrenzas, visitas guidadas ed exposiziuns, p.ex. per classas da scola
Ambient da lavur
Sco spezialista u spezialist d'infurmaziun e documentaziun lavuras ti suletta u sulet ubain en il team. Tes temps da lavur pon esser irregulars e sa drizzan tenor las uras d'avertura da las instituziuns.
Ti lavuras en bibliotecas da tut gener u en archivs privats e publics. Medemamain pos ti lavurar en posts d'infurmaziun e da documentaziun da differentas organisaziuns, p.ex. tar bancas, ospitals, redacziuns da medias u organisaziuns senza profit.
Pretensiuns e interess
- Abilitad da s'adattar a novas tecnologias
- Moda da lavurar independenta
- Abilitad da lavurar en in team
- Buna memoria
- Interess e mirveglias
- Moda da lavurar sistematica
- Plaschair dal contact cun glieud
- Dun per linguas
- Lavurar endadens
- Lavurar al computer
- Leger
- Infurmar e sensibilisar
Scolaziun
Furmaziun pratica en ina biblioteca, in post da documentaziun, in archiv, ina instituziun da l'economia privata u en l'administraziun: 3 fin 4 dis per emna
1 fin 2 dis per emna en las scolas professiunalas spezialisadas chantunalas
En plirs chantuns: 24 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista d’infurmaziun e documentaziun AFQ
Furmaziun cuntinuonta
Curs
Curs da la federaziun bibliosuisse e da l'Associaziun da las archivarias e dals archivaris svizzers
Scola auta spezialisada (SAS)
- Bachelor of science en scienzas d'infurmaziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Ausbildungsdelegation Information und Dokumentation
Nationale Informationsplattform zum Beruf Fachfrau/Fachmann Information und Dokumentation EFZ
- TODO