Lavurs
Lur lavurs èn las suandantas:
Vender products
- retschaiver la clientella, tadlar ses giavischs, cussegliar ed offrir ad ella differents products
- infurmar la clientella davart il diever correct dals products, inditgar il dosadi ideal e numnar il pretsch e la quantitad
- far attent a las ristgas da tscherts products, en spezial a talas che pertutgan l'ambient u la sanadad
Administrar rauba
- empustar rauba
- prender encunter rauba furnida, pachetar ora e controllar la rauba
- etichettar, magasinar ed exponer en butia ils singuls artitgels
- pachetar buttigliettas e satgets per la vendita
Lavurar en il labor
- controllar rauba e plantas medicinalas sin substanzas activas tenor differentas metodas
- preparar maschaidas da tés dad ervas
- preparar itgs, emulsiuns u cremas ed emplenir quellas en tubas u vasets
- producir tincturas e differentas maschaidas da pulvras, schlunganar tscherts products, p.ex. meds omeopatics
- observar las leschas vertentas, p.ex. il cudesch da medischina uffizial, e las prescripziuns davart la segirezza da la sanadad e da l'ambient
Far lavurs administrativas
- scriver quints e trametter
- elavurar fegls da controlla per substanzas toxicas vendidas u anc magasinadas
- elavurar dumondas, reclamaziuns e resuns
- collavurar tar lavurs d'inventari, p.ex. controllar ils products magasinads e las datas da scadenza
Scolaziun
Durada
4 onns
Furmaziun en la pratica
en ina fatschenta da drogaria
Furmaziun en scola
1 fin 2 dis per emna en la scola professiunala spezialisada
Roms professiunals
- farmacologia, patofisiologia
- fitoterapia, farmacognosia
- nutriment, medischina empirica, salutogenesa
- biologia umana
- chemia, ecologia, tgira d'objects
- cosmetica, igiena, products medicinals
- segunda lingua naziunala tenor professiun
- administraziun da rauba
- organisaziun dal manaschi
- identitad professiunala e conturns
Curs ordaifer il manaschi
emprender, approfundar ed exercitar las basas professiunalas, 12 dis durant 3,5 onns
Maturitad professiunala
sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Diplom
Droghist / Droghista AFQ
Premissas
Furmaziun preliminara
- terminà la scola obligatorica
Pretensiuns
- bunas enconuschientschas dal tudestg a bucca ed en scrit
- enconuschientschas da linguas estras èn d'avantatg
- plaschair d'avair contact e da communitgar cun persunas
- interess da cussegliar e da vender
- conscienza per la prestaziun da servetschs
- apparientscha cultivada
- senn per urden e per nettezza
- bun nas e bun palat
Furmaziun supplementara
Curs
purschidas da las scolas spezialisadas e da las scolas professiunalas spezialisadas e da l'Associaziun svizra da droghists drogerie.ch
Examen professiunal (EP)
cun attestat professiunal federal, p.ex.:
- Spezialist / Spezialista da commerzi en detagl
- Spezialist / Spezialista da marketing
- Assistent / Assistenta da manaschi en farmazia
- Spezialist / Spezialista da vendita
Examen professiunal superiur (EPS)
cun diplom federal, p.ex:
- Manager / Managera da commerzi en detagl
- Manader / Manadra da marketing
-
Manader / Manadra da la vendita
Scola spezialisada superiura (SSS)
studis en roms parentads, p.ex:
- Droghist / Droghista dipl. SSS
- Igienicher / Igienicra da dents dipl. SSS
- Spezialist / Spezialista da radiologia medicala dipl. SSS
-
Econom /Economa da manaschi dipl. SSS
Scola auta spezialisada (SAS)
studis en secturs parentads, per exempel bachelor of science en:
- economia da gestiun
- life sciences e biotecnologia
- nutriment e dietetica
- tecnologia da victualias
Tut tenor la scola auta spezialisada valan differentas cundiziuns d'admissiun.
Cundiziuns da lavur
Droghistas e droghists lavuran en fatschentas da drogaria. Ellas ed els cusseglian la clientella e vendan products. La glieud da professiun ha in barat regular cun ils furniturs. Durant la lavur portan droghistas e droghists in scussal e durant l'elavuraziun da tschertas substanzas ston ellas ed els sa proteger correspundentamain, per exempel cun ina protecziun da la bucca u cun guants da latex. Il temp da lavur sa drizza tenor las uras d'avertura da las fatschentas. Regularmain lavuran ellas ed els er durant las fins d'emna.
Sco persunas spezialisadas che cusseglian han las droghistas ed ils droghists bunas perspectivas sin il martgà da lavur. Ellas ed els ston sa perfecziunar cuntinuadamain davart novs products e terapias. Ulteriuras pussaivladads d'engaschament na chattan droghistas e droghists betg mo en las drogarias, mabain er en l'industria farmaceutica ed en il commerzi farmaceutic.
Ulteriuras infurmaziuns
Schweiz. Drogistenverband
2500 Biel
URL: www.drogistenverband.ch