Lavurs
Els exequeschan suandantas lavurs:
Cussegliar la clientella
- far recumandaziuns en cas da sintoms da malsogna
- respunder a dumondas davart in product specific sco era davart temas che pertutgan viadis u vaccinaziuns
Vender medicaments e producir remedis
- enconuscher in grond dumber da medicaments e substanzas
- preparar recepturas simplas u remedis da chasa sco itgs, pulvras, maschaidas da té u capslas en il labor (tenor l’instrucziun da l’apotecra u dal apotecher)
- chapir il linguatg spezial da recepts dals medis
- registrar las datas dals pazients al computer
- tenor recept mettan ellas ensemen ils medicaments prescrits
- clamar giu ulteriuras infurmaziuns davart ils products
- resguardar a las prescripziuns tenor la lescha tar la surdada da medicaments
- infurmar la clientella davart la utilisaziun correcta dals medicaments
Administrar il sortiment
- survegliar il sortiment en il deposit, empustar la rauba
- administrar la rauba e la ordinar en curunas da vendita, chaschuttas ed en il deposit
- preschentar la rauba a moda attractiva
- reglar la contabilitad, il quint final e la correspundenza cun assicuranzas da malsauns
Scolaziun
Basa legala
Ordinaziun federala 14-6-2006 (stadi dal 1-1-2018)
Durada
3 onns
Furmaziun en la pratica
En in’apoteca
Furmaziun en scola
2 dis per emna a la scola professiu-nala en il 1. onn da furmaziun / 1 di per emna en il 2. e 3. onn da furmaziun
Roms professiunals
- instrucziun en l’enconuschientscha dal rom
- administraziun da products
- lavurs administrativas
- promoziun da la vendita
- assistenta da farmazia sco persuna persunala
- lingua naziunala locala
- lingua estra
- economia, dretg, societad
Curs ordaifer il manaschi
Curs da labor e curs cumlex da cussegliaziun
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "assistent / assistenta da farmazia AFQ"
Premissas
Furmaziun preliminara
- scola obligatorica terminada cun pretensiuns autas
- l’associaziun recumonda ina ve-gliadetgna d’entrada da 16 onns
- recumandaziun: 10. onn da scola, segiurn a l’ester per emprender linguas u curs da commerzi
Pretensiuns
- interess vi da connexs da las scien-zas natiralas e vi da dumondas da-vart la sanadad
- plaschair vi dal contact cun umans
- empatia
- far gugnet servetschs als umans
- discreziun
- auta fidadadad
- senn per l’igiena
- senn per l’urden
- buna sanadad (naginas tendenza tar allergias)
Furmaziun supplementara
Curs
Purschidas da las associaziuns chantunalas d’apotechers e da pharmaSuisse. In svilup permanent ed ina profundaziun en la litteratura dal fatg èn indispensabels.
Scolaziun spezialisada
cussegliader / cussegliadra da farmazia SHQA
Examen professiunal (EP)
cun attestat professiunal federal: assistent / assistenta da manaschi en farmazia, spezialist / spezialista da farmazia, spezialist / spezialista da commerzi en detagl, spezialist / spezialista da cumpra da provediment, spezialist / spezialista da vendita euv.
Examen professiunal superiur (EPS)
naturopat diplomà / naturopata diplomada, manager da commerzi en detagl diplomà / managera da commerzi en detagl diplomada, manader da cumpra da provediment diplomà / manadra da cumpra da provediment diplomada, manader da vendita diplomà / manadra da vendita diplomada euv.
Scola spezialisada superiura (SSS)
p.ex. droghist / droghista SSS
Scola auta spezialisada (SAS)
Bachelor of Science (SAS) en biotecnologia, Bachelor of Science (SAS) en Life Science Technologies, Bachelor of Science (SAS) en economia da manaschi euv. Tut tenor scola auta spezialisada valan differentas cundiziuns d'admissiun.
Cundiziuns da lavur
Assistentas ed assistents da farmazias lavuran en apotecas privatas u en apotecas d’ospitals, en il commerzi a l’engrossa da farmazia e tar cassas da malsauns.
Ulteriuras pussaivladads da lavur resultan en assicuranzas da malsauns (scolaziun da concordat assicuranza da malsauns), en la domena da marketing da firmas da farmazia ed en organisaziuns da distribuziun. Ina furmaziun supplementara permanenta e l'approfundaziun en litteratura dal fatg è indispensabla.
Ulteriuras infurmaziuns
pharmaSuisse
Schweiz. Apothekerverband
Stationsstr. 12
3097 Liebefeld
Tel: +41 31 978 58 58
URL: www.pharmasuisse.org