![[object Object],[object Object]](https://media.sdbb.ch/transform/2a51bc3f-b569-4535-ac88-e2fe15572916/droguiste_C-M_006-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1100.–
4. onn d’emprendissadi: CHF 1300.–
Droghistas e droghists cusseglian lur clientella en drogarias davart medicaments, sanadad, bellezza e tgira. Ellas ed els vendan differents products e servetschs. Ultra da quai produceschan ellas ed els products farmaceutics e cosmetics, sco per exempel maschaidas dad ervas ed itgs.
Incumbensas
- retschaiver la clientella, tadlar ses giavischs, cussegliar ed offrir ad ella differents products
- infurmar la clientella davart il diever correct dals products, inditgar il dosadi ideal e numnar il pretsch e la quantitad
- far attent a las ristgas da tscherts products, en spezial a talas che pertutgan l'ambient u la sanadad
- empustar rauba
- prender encunter rauba furnida, pachetar ora e controllar la rauba
- etichettar, magasinar ed exponer en butia ils singuls artitgels
- pachetar buttigliettas e satgets per la vendita
- controllar rauba e plantas medicinalas sin substanzas activas tenor differentas metodas
- preparar maschaidas da tés dad ervas
- preparar itgs, emulsiuns u cremas ed emplenir quellas en tubas u vasets
- producir tincturas e differentas maschaidas da pulvras, schlunganar tscherts products, p.ex. meds omeopatics
- observar las leschas vertentas, p.ex. il cudesch da medischina uffizial, e las prescripziuns davart la segirezza da la sanadad e da l'ambient
- scriver quints e trametter
- elavurar fegls da controlla per substanzas toxicas vendidas u anc magasinadas
- elavurar dumondas, reclamaziuns e resuns
- collavurar tar lavurs d'inventari, p.ex. controllar ils products magasinads e las datas da scadenza
Ambient da lavur
Droghistas e droghists lavuran en fatschentas da drogaria. Ellas ed els cusseglian la clientella e vendan products. La glieud da professiun ha in barat regular cun ils furniturs. Durant la lavur portan droghistas e droghists in scussal e durant l'elavuraziun da tschertas substanzas ston ellas ed els sa proteger correspundentamain, per exempel cun ina protecziun da la bucca u cun guants da latex. Il temp da lavur sa drizza tenor las uras d'avertura da las fatschentas. Regularmain lavuran ellas ed els er durant las fins d'emna.
Sco persunas spezialisadas che cusseglian han las droghistas ed ils droghists bunas perspectivas sin il martgà da lavur. Ellas ed els ston sa perfecziunar cuntinuadamain davart novs products e terapias. Ulteriuras pussaivladads d'engaschament na chattan droghistas e droghists betg mo en las drogarias, mabain er en l'industria farmaceutica ed en il commerzi farmaceutic.
Pretensiuns e interess
- Dun per cifras
- Buna memoria
- Curtaschia e sensibilitad
- Moda da lavurar sistematica
- Inschign manual
- Senn per igiena e per nettezza
- Apparientscha cultivada
- Plaschair da vender e da cussegliar
- Lavurar en moda exacta
- Dar vinavant savida
- Avair contact cun persunas
Scolaziun
En ina fatschenta da drogaria
1 fin 2 dis per emna en la scola professiunala spezialisada
Emprender, approfundar ed exercitar las basas professiunalas, 12 dis durant 3,5 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Droghist / Droghista AFQ
Furmaziun cuntinuonta
Curs
Purschidas da las scolas spezialisadas e da las scolas professiunalas spezialisadas e da l'Associaziun svizra da droghists drogerie.ch
Examen professiunal (EP)
Cun attestat professiunal federal, p.ex.:
- Spezialist / Spezialista da commerzi en detagl
- Spezialist / Spezialista da marketing
- Assistent / Assistenta da manaschi en farmazia
- Spezialist / Spezialista da vendita
Examen professiunal superiur (EPS)
Cun diplom federal, p.ex:
- Manager / Managera da commerzi en detagl
- Manader / Manadra da marketing
- Manader / Manadra da la vendita
Scola spezialisada superiura (SSS)
Studis en roms parentads, p.ex:
- Droghist / Droghista dipl. SSS
- Igienicher / Igienicra da dents dipl. SSS
- Spezialist / Spezialista da radiologia medicala dipl. SSS
- Econom /Economa da manaschi dipl. SSS
Scola auta spezialisada (SAS)
Studis en secturs parentads, per exempel bachelor of science en:
- economia da gestiun
- life sciences e biotecnologia
- nutriment e dietetica
- tecnologia da victualias
Tut tenor la scola auta spezialisada valan differentas cundiziuns d'admissiun.
Professiuns sumegliantas
Ulteriuras infurmaziuns
- Schweiz. Drogistenverband
- https://esd.ch/
Höhere Fachschule für Drogistinnen und Drogisten
- https://drogerie.ch/beruf/
- TODO