Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Assistent / Assistenta da farmazia AFQ

Assistents ed assistentas da farmazia vendan medicaments, tractaments curativs, products da tgira ed auters artitgels en l’apoteca. Els cusseglian la clientella davart dumondas che pertutgan la sanadad e malsognas u medicaments. Ultra da quai surpiglian ellas lavurs administrativas e lavurs che promovan la vendita.

Lavurs

En apotecas offreschan assistents ed assistentas da farmazia in sortiment multifar da medicaments e tractaments curativs. Il sortiment vegn cumplettads tras nutriment per uffants pitschens, artitgels sanitars ed igienics, chemicalias, products cosmetics, meds auxiliars per la tgira dal tegnairchasa sco era tras meds omeopatics.

Assistentas da farmazia cusseglian la clientella a moda e maniera servetschaivla e cumpetenta. Ellas fan recumandaziuns en cas da sintoms da malsogna e respundan a dumondas davart la sanadad u davart in product specific sco era davart temas che pertutgan viadis u vaccinaziuns. Tenor recept mettan ellas ensemen ils medicaments prescrits. Al computer registreschan ellas las datas dals pazients e cloman giu ulteriuras infurmaziuns davart ils products respectivamain las retiran da manuals dal fatg. Ellas enconuschan in grond dumber da medicaments e substanzas e chapeschan il linguatg spezial da recepts dals medis. Ultra da quai ston ellas esser attentas a las prescripziuns tenor la lescha tar la surdada da medicaments. Perquai controlleschan ellas per exempel sch’in client u ina clienta dastga cumprar in medicament che pretenda in recept dal medi. Silsuenter etichetteschan assistentas da farmazia ils medicaments cun las directivas per l’utilisaziun ed als surdattan a la clientella.

Tenor l’instrucziun da l’apotecra preparan assistentas da farmazia recepturas simplas u med da chasa sco itgs, pulvras, maschaidas da té e capslas en il labor. Quella lavur da precisiun pretenda ina gronda concentraziun ed ina conscienza igienica.

Assistentas da farmazia reglan la contabilitad, il quint final e la correspundenza cun assicuranzas da malsauns ed autras instituziuns. Ellas surveglian il sortiment en il deposit, empostan la rauba e controlleschan ils products furnids. Ellas endateschan mintga pachet en l’administraziun dal deposit ed al etichetteschan cun agid d’in code da stritgs ed in pretsch. Silsuenter al ordineschan ellas en curunas da vendita, chaschuttas ed en il deposit. Rauba spirada dismettan ellas tenor las prescripziuns legalas. Ultra da quai preschentan ellas ils products en il local da vendita a moda e maniera attractiva.

Assistentas da farmazia ston lavurar fitg conscienziusamain ed exactamain cunquai che in sbagl po avair consequenzas gravantas.

Scolaziun

Basa legala

Ordinaziun federala 14-6-2006

Durada

3 onns

Furmaziun en la pratica

En in’apoteca

Furmaziun en scola

2 dis per emna a la scola professiu-nala en il 1. onn da furmaziun / 1 di per emna en il 2. e 3. onn da furmaziun

Roms professiunals

  • instrucziun en l’enconuschientscha dal rom
  • administraziun da products
  • lavurs administrativas
  • promoziun da la vendita
  • assistenta da farmazia sco persuna persunala
  • lingua naziunala locala
  • lingua estra
  • economia, dretg, societad

Curs ordaifer il manaschi

Curs da labor e curs cumlex da cussegliaziun

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "assistent / assistenta da farmazia AFQ"

Premissas

Furmaziun preliminara
  • scola populara terminada, stgalim da scola superiur u mesaun cun 10. onn da scola
  • l’associaziun recumonda ina ve-gliadetgna d’entrada da 16 onns
  • recumandaziun: 10. onn da scola, segiurn a l’ester per emprender linguas u curs da commerzi
Pretensiuns
  • interess vi da connexs da las scienzas natiralas e vi da dumondas davart la sanadad
  • plaschair vi dal contact cun umans
  • empatia
  • sensori per dumondas da la clien-tella
  • bunas manieras
  • buna parita
  • pazienza
  • discreziun
  • auta fidadadad
  • senn responsabladad
  • moda da lavurar exacta e conscienziusa
  • eloquenza a bucca ed en scrit
  • enconuschientschas da linguas estras èn d’avantatg
  • senn per l’igiena
  • senn per l’urden
  • cumpetenza d’organisar
  • bun nas
  • buna memoria
  • buna sanadad (naginas allergias)

Furmaziun supplementara

Curs

Purschidas da las associaziuns chantunalas d’apotechers e da pharmaSuisse. In svilup permanent ed ina profundaziun en la litteratura dal fatg èn indispensabels.

Scolaziun spezialisada

cussegliader / cussegliadra da farmazia SHQA, naturopat / naturopata euv.

Examen professiunal (EP)

cun attestat professiunal federal: assistent / assistenta da manaschi en farmazia, spezialist / spezialista da farmazia, spezialist / spezialista da commerzi en detagl, spezialist / spezialista da cumpra da provediment, spezialist / spezialista da vendita euv.

Examen professiunal superiur (EPS)

manager da commerzi en detagl diplomà / managera da commerzi en detagl diplomada, manader da cumpra da provediment diplomà / manadra da cumpra da provediment diplomada, manader da vendita diplomà / manadra da vendita diplomada euv.

Scola spezialisada superiura (SSS)

p.ex. droghist / droghista SSS

Scola auta spezialisada (SAS)

Bachelor of Science (SAS) en biotecnologia, Bachelor of Science (SAS) en Life Science Technologies, Bachelor of Science (SAS) en economia da manaschi euv.

Cundiziuns da lavur

Assistentas da farmazias lavuran en apotecas privatas u en apotecas d’ospitals, en il commerzi a l’engrossa da farmazia e tar cassas da malsauns.

Ulteriuras pussaivladads da lavur resultan en assicuranzas da malsauns (scolaziun da concordat assicuranza da malsauns), en la domena da marketing da firmas da farmazia ed en organisaziuns da distribuziun.

Ulteriuras infurmaziuns

pharmaSuisse
Schweiz. Apothekerverband
Stationsstr. 12
3097 Liebefeld
Tel: 031 978 58 58
URL: www.pharmasuisse.org



berufsberatung.ch