Tecnolog da biera e da bavrondas AFQ
Tecnologa da biera e da bavrondas AFQ
![[object Object],[object Object]](https://media.sdbb.ch/transform/d23adbe5-c0a0-4e1b-9164-ae934c9ca306/Feldschloesschen-Getraenke-AG-jpg?io=transform:fill,width:740,height:490)
Tecnologas e tecnologs da biera e da bavrondas produceschan or da materias primas bieras e bavrondas. Ellas ed els èn responsabels per tut ils process da producziun da las bavrondas, da la consegna fin a l'emballadi dals products. Las persunas da questa professiun manevreschan indrizs analogs e digitals e controlleschan la qualitad dals products.
Incumbensas
- empustar materias primas
- controllar la rauba che entra e ch'è magasinada ed en quest connex procurar che l'umiditad da l'aria, la temperatura e las relaziuns da glisch constettian per il product
- prender emprovas or da la rauba furnida e las controllar, p.ex. la parita, il gust sco er caracteristicas chemicas e microbiologicas
- preparar materias primas, p.ex. aditivs, substanzas auxiliaras u material d'emballadi
- preparar e metter en funcziun indrizs per producir biera e bavrondas
- survegliar e documentar la producziun sco er observar las directivas per igiena e schubradad
- concentrar, filtrar, elavurar bavrondas, fixar la successiun da maschadar ed administrar tecnicas da conservaziun
- survegliar ils emballadis, p.ex. buttiglias, stgatlas u butschins
- adattar las maschinas d'emballadi a la grondezza dals products
- controllar ils products e las unitads da spediziun, p.ex. sin il pais, sin la sigillaziun u sin l'etichetta
- serrar giu las maschinas suenter la fin da la producziun
- survegliar maschinas ed apparats, p.ex. areguard la sveltezza, la temperatura u la pressiun
- mantegnair indrizs e sistems tecnics
- identifitgar disturbis, prender mesiras necessarias ed eliminar disturbis
- separar ils products secundars ed ils ruments da la producziun da victualias per il reciclagi e per la dismessa
- optimar ils process da producziun tenor ils sistems da meglieraziun da l'interpresa
Ambient da lavur
Tecnologas e tecnologs da biera e da bavrondas collavuran en teams cun autras persunas spezialisadas sco tecnologs da victualias EP u inschigneras da victualias. En connex cun la lavur fruntan ellas ed els sin fermas odurs, temperaturas fluctuantas, in'auta umiditad da l'aria e canera da maschinas. Pervia da las reglas d'igiena portan ellas ed els vestgadira da protecziun speziala.
Tecnologas e tecnologs da biera e da bavrondas lavuran per regla en manaschis da l'industria da victualias. Ellas ed els chattan dentant er plazzas en autras branschas parentadas. Las persunas da questa professiun chattan plazzas tar la controlla da rauba, la controlla da qualitad, il svilup da products e da proceduras u la planisaziun da producziun. Cun in'experientscha correspundenta pon ellas surpigliar posiziuns directivas. Il martgà da lavur è bun.
Pretensiuns e interess
- Senn per igiena e per nettezza
- Fitg bun gust e bun nas
- Abilitad da lavurar en in team
- Dun per cifras
- Moda da lavurar sistematica
- Chapientscha tecnica
- Moda da lavurar svelta
- Resistenza corporala
- Lavurar cun victualias
- Lavurar cun maschinas
Scolaziun
En in manaschi da l'industria da victualias
Curs da bloc en la scola professiunala spezialisada
Emprender, approfundar ed exercitar las basas professiunalas, tut tenor accent 10 fin 15 dis durant 3 onns
3 onns
• biera
• bavrondas
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala
Tecnolog / Tecnologa da biera e da bavrondas AFQ
Furmaziun cuntinuonta
Curs
purschidas da scolas spezialisadas e da scolas professiunalas spezialisadas
Emprendissadi supplementar
Tecnologas e tecnologs da biera e da bavrondas AFQ pon per regla far in emprendissadi scursanì sco tecnologa u tecnolog da victualias AFQ.
Examen professiunal (EP)
p.ex. Tecnolog / Tecnologa da victualias cun attestat professiunal federal
Examen professiunal superiur (EPS)
p.ex. Tecnolog / Tecnologa da victualias cun diplom federal
Scola spezialisada superiura (SSS)
studis en secturs spezialisads parentads, p.ex. Tecnicist / Tecnicista da victualias dipl. SSS
Scola auta spezialisada (SAS)
studis en secturs parentads, p.ex. bachelor of science en tecnologia da victualias u en life technologies. Tut tenor la scola auta spezialisada valan differentas cundiziuns d'admissiun
Professiuns sumegliantas
