Sufladra d'apparats da vaider AFQ
Suflader d'apparats da vaider AFQ
![[object Object],[object Object]](https://media.sdbb.ch/transform/3e7be470-b028-4050-85d2-d45621028a9d/_FST8009-jpg?io=transform:fill,width:740,height:490)
Sco sufladra u suflader d'apparats da vaider produceschas ti differents instruments da vaider per labors. Cun in bugliaduir elavuras ti il vaider chaud. Suenter glimas, glischentas e perforas ti il vaider fraid. Ti furmas parts da vaider e monteschas quellas ad apparats da vaider cumplexs. Quests apparats vegnan applitgads en la perscrutaziun, la medischina, la farmazia e l'industria.
Incumbensas
- controllar e chapir l'incumbensa e las pretensiuns da la clientella
- dissegnar a maun u al computer parts ed apparats da vaider
- stimar la quantitad da material ed il temp che sto vegnir impundì, calcular la surfatscha, la spessezza, la grondezza ed il volumen
- planisar ils pass da lavur
- tscherner e preparar il material ed ils meds auxiliars, p.ex. bavrolas da vaider, uder da suflar u egliers da protecziun
- endrizzar las maschinas ed ils apparats da lavur, p.ex. brischaders u pignas
- tagliar vaider cun il brischader da gas
- furmar funs, urs u spiralas e buglir ensemen singulas parts ad apparats da vaider
- arder apparats da vaider en il furn e controllar il resultat cun in apparat da mesiraziun optic
- tagliar a maun u cun maschinas bischens e fists da vaider fraid
- glimar, glischentar u furar parts da vaider
- surtrair surfatschas
- controllar la qualitad da l'apparat da vaider, documentar il process da producziun e las controllas
- dismetter ils ruments en moda ecologica
- controllar, nettegiar e mantegnair apparats, maschinas ed urdains
Ambient da lavur
Sco sufladra u suflader d'apparats da vaider lavuras ti en lavuratoris suletta u sulet ubain en pitschens teams. Pervia dals brischaders e da las pignas è la temperatura dals lavuratoris auta. Ti lavuras per part cun chemicalias nuschaivlas per la sanadad e portas perquai in equipament da protecziun, p.ex. mascra, scussals d'aluminium u guants. Ti lavuras en pitschnas interpresas per apparats da vaider, per instituts da scolas autas e per gronds manaschis industrials che produceschan sezs lur apparats da labor. Tias enconuschientschas spezialas èn fitg dumandadas en Svizra ed a l'exteriur. Suenter in'experientscha professiunala d'intgins onns pos ti daventar independenta u independent e fundar in agen lavuratori.
Pretensiuns e interess
- Inschign manual
- Imaginaziun tridimensiunala
- Chapientscha tecnica
- Perseveranza e capacitad da tegnair la dira
- Moda da lavurar conscienziusa ed exacta
- Resistenza corporala
- Resistenza a la temperatura u a l'aura
- Buna vesida
- Lavurar cun arschiglia, crap e vaider
- Lavurar cun ils mauns
- Lavurar en moda exacta
- Planisar, construir, far dissegn tecnic
- Lavurar endadens
Scolaziun
La scolaziun vegn fatga sco emprendissadi en in manaschi.
furmaziun pratica en ina suflavaidraria
curs da bloc dad 3 fin 5 emnas per onn al Berufliches Schulzentrum Wertheim en Germania
11 dis durant 3 onns
3 onns
- terminà la scola obligatorica
- intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Suflader / Sufladra d'apparats da vaider AFQ
Furmaziun cuntinuonta
Examen professiunal
- Spezialist / Spezialista da process EP
Scola spezialisada superiura
- Tecnicist / Tecnicista da process SSS
Furmaziuns supplementaras a l'exteriur
- Examen professiunal superiur suflavaider e constructura u constructur d'apparats da vaider
Professiuns sumegliantas
