Spezialista da fotografia e medias AFQ
Spezialist da fotografia e medias AFQ
Correspunda questa professiun a mai?![[object Object],[object Object]](https://media.sdbb.ch/transform/011d4eaa-73a7-4907-8b43-d2fb56cc52d5/Fotomedienfachmann_frau_FN_016-jpg?io=transform:fill,width:740,height:490)
1. onn d’emprendissadi: CHF 550–650.–
2. onn d’emprendissadi: CHF 700–800.–
3. onn d’emprendissadi: CHF 850–1000.–
Spezialists e spezialistas da fotografia e medias lavuran en affars spezialisads da fotografia e medias. Els fan fotografias e films ed elavuran quels. Els cusseglian la clientella davart maletg, equipament da fotografar e filmar ed auters products.
Incumbensas
- prender encunter ed analisar incaricas da la clientella
- planisar las lavurs per la realisaziun da las incaricas
- preparar il plaz ed ils meds da lavur
- far lavurs administrativas
- planisar las registraziuns
- eleger l'equipament adattà
- far fotografias e films
- elavurar il material da fotografar e filmar cun differents programs
- arcunar ed archivar las datas
- realisar l'ediziun dals maletgs electronicamain u en furma da stampa cun differentas tecnicas
- far discurs da vendita u cussegliaziun
- sustegnair la clientella en dumondas u tar problems tecnics
- calcular ils custs per products u servetschs
- realisar mesiras da reclama e marketing tenor branscha
Ambient da lavur
Spezialists e spezialistas da fotografia e medias lavuran en affars da fotografia, en labors da fotografia sco era en ateliers da fotografia, en affars da multimedia e medias u tar grossists. Fertant che la dumonda davart plazzas en il sectur da fotografia è gronda, è la purschida pli pitschna. Las novas tecnologias davart la fotografia pretendan ina furmaziun supplementara permanenta.
Pretensiuns e interess
- Abilitad da s'adattar a novas tecnologias
- Buna vesida
- Senn per estetica
- Creativitad
- Nagins disturbis da vesair colurs
- Plaschair dal contact cun glieud
- Plaschair da vender e da cussegliar
- Dun da contractar
- Lavurar endadens
- Schliar incumbensas tecnicas
- Dissegnar, decorar, crear
- Cussegliar
Scolaziun
En in affar da fotograr
1 di per emna a la scola professiunala
Emprender ed exercitar a moda pratica la basa professiunala (12 dis durant 3 onns)
3 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Spezialist / Spezialista da fotografia e medias AFQ
Furmaziun cuntinuonta
Curs
Purschidas dal Schweizerisches Institut für Unternehmerschulung SIU, dal KV Schweiz e da imagingswiss - der Fotoverband.
Emprendissadi supplementar scursanì
En in’autra direcziun spezialisada
Fotograf / Fotografa
Emprendissadi sco fotografa AFQ u scolaziun a temp cumplain a la scola F+F per art e design a Turitg, al Centre d'enseignement professionnel de Vevey (franzos) u a la scola per art applitgà a Bienna (franzos)
Spezialisaziun
Scolaziun davart fotografia redacziunala al Center da scolaziun da medias a Lucerna; operatur / operatura da camera; redactur / redactura per illustraziuns euv.
Examen professiunal (EP)
Spezialista da fotografia, spezialist da commerzi en detagl cun certificat professiunal federal
Examen professiunal superiur (EPS)
Spezialista da fotografia diplomada, manager da commerzi en detagl diplomà
Scola superiura spezialisada (SSS)
Creader dipl. SSS communicaziun visuala, approfundaziun fotografia
Scola auta spezialisada (SAS)
Bachelor of Arts (SAS) en communicaziun visuala cun approfundaziun en Camera Arts, Bachelor of Science (SAS) en economia da manaschi. Tut tenor scola auta spezialisada valan differentas cundiziuns da lavur.
Professiuns sumegliantas
