Reparadra da carossarias AFQ
Reparader da carossarias AFQ
![[object Object],[object Object]](https://media.sdbb.ch/transform/6a424c56-b342-4158-a3d7-4b8724aa859f/11_Carrosseriereparateurin_IK-jpg?io=transform:fill,width:740,height:490)
1. onn d’emprendissadi: CHF 750–850.–
2. onn d’emprendissadi: CHF 900–1000.–
3. onn d’emprendissadi: CHF 1100–1300.–
Reparaders e reparadas da carossarias pinan vehichels da persunas e vehichels utilitars levs. Els reparan pigns donns da vehichels, demonteschan e monteschan tocca, dattan puspè la furma oriunda a la carossaria donnegiada ed elavuran surfatschas.
Incumbensas
- allontanar tocca che pudess impedir las lavurs da reparatura, p.ex. sistems da clima, sistems da svapur e da tracziun u tocca electronica sco indrizs d’illuminaziun e da signal
- far la controlla finala suenter la reparatura e montar puspè la tocca demontada
- midar models da vehichels classics tenor giavischs da la clientella, p.ex. montar in spoiler u prender part da la restauraziun da vehichels vegls
- mesirar cun spezials indrizs da mesiraziun e diagnosa ils donns vid il vehichel ed examinar las funcziuns da la cumponenta electronica
- calcular ils custs da la tocca che sto vegnir reparada u remplazzada, far offertas, planisar la reparatura
- reparar cumponentas electronicas sco lingias, sensurs e battarias
- far ora bottas a tocca da carossaria donnegiada cun indrizs e guaffens spezials, metter puspè en la furma originala tocca defurmada cun agid da tecnicas da trair e smatgar
- enconuscher e duvrar differents materials da fabricaziun (metals, materia sintetica) e tecnicas per separar e metter ensemen cumponentas da carossaria, p.ex. buglir, lutegiar, struvegiar u metodas da reparatura cun materia sintetica
- reparar u remplazzar l'envaidradira dals vehichels
- enconuscher e far diever da las perscripziuns per la segirezza da lavur e la protecziun da l'ambient, dismetter u reciclar il rument en moda cumpetenta
- cuvrir la tocca che na vegn elavurada
- glimar las surfatschas, gulivar las malgulivezzas e nettegiar la tocca reparada
- preparar e dar si la surtratga da basa da la tocca da la carossaria
- dar si protecziun cunter la corrusiun e surdar ils vehichels a la
Ambient da lavur
Reparaders e reparadras da carossarias lavuran savens en manaschis da carossarias mesauns u gronds.
Els èn dumandads sin la fiera da lavur. Las cundiziuns d’engaschament vegnan regladas tras in contract collectiv da lavur.
Pretensiuns e interess
- Moda da lavurar independenta
- Inschign manual
- Chapientscha tecnica
- Imaginaziun tridimensiunala
- Gronda toleranza da canera
- Resistenza corporala
- Moda da lavurar conscienziusa ed exacta
- Senn per estetica
- Lavurar cun ils mauns
- Esser corporalmain activ
- Elavurar metal
Scolaziun
En in manaschi da carossaria
1 di per emna a la scola professiunala
Emprender ed exercitar a moda pratica la basa professiunala
3 onns
Temp da scola obligatoric terminà
Tar fitg bunas prestaziuns da scola po vegnir frequentà la scola da maturitad professiunala durant la furmaziun da basa.
Reparader / Reparadra da carossarias AFQ
Furmaziun cuntinuonta
Curs
purschidas dal Schweiz. Carrosserieverband VSCI, da produciders per isegls spezials, da furniturs da colurs e da scolas professiunalas
furmaziun da basa scursanida:
- tolera da carossaria (access el 3. onn d'emprendissadi)
- vernischader da carossaria AFQ (access el 2. onn d'emprendissadi)
Certificat da la branscha:
- spezialist da carossaria
- coordinatura da lavuratori
Examen professiunal (EP)
schef dal lavuratori da carossaria cun diplom federal cun dipl. federal
Examen professiunal superiur (EPS)
Mainafatschenta dipl., carossaria
Scola spezialisada superiura (SAS)
p.ex. Bachelor of Science en tecnica d’automobils e vehichels. Tut tenor scola auta spezialisada valan differentas cundiziuns d'admissiun.
Professiuns sumegliantas
