Practicista da transports sin via AFP
Practicist da transports sin via AFP
![[object Object],[object Object]](https://media.sdbb.ch/transform/4946d5d0-8196-4fe6-b59f-3d39491514e1/Str-transp-praktiker_MJ-109-JPG?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
Practicists e practicistas da transports manischeschan camiuns u autos cun chars annexs (permiss dad ir cun auto B/BE). Els transportan diversa vitgira. Els planiseschan ils transports e san ir enturn cun la rauba. Els san era exequir pitschnas reparaturas e reagir tar pannas.
Incumbensas
- organisar transports, planisar rutas e giuditgar con ditg ch'i dovra da chargiar e stgargiar la rauba
- controllar ils documents dal transport, p.ex. adressas, termins e paisa da la rauba
- examinar il stadi dal vehichel, sco il carburant, las rodas, ils frains e la glisch
- chargiar il vehichel gulivamain ed uschia ch'i fa senn, mintgatant cun in charret da plunar u cun ina punt idraulica
- ir cun il vehichel al lieu da furniziun e resguardar latiers las cundiziuns dal traffic (traffic, aura), duvrar apparats electronics sco il planisader da rutas ed il registratur da viadis
- stgargiar la rauba tar la clientella e controllar schebain tut è en urden
- reglar las formalitads, sco p.ex. surdar il scrit da furniziun ed al laschar suttascriver da la clientella
- resguardar las prescripziuns davart la segirezza da la lavur sco er davart la protecziun da l’ambient
- nettegiar ils vehichel endadens ed ordador
- far controllas (p.ex. pressiun dals pneus u la glisch) e remplazzar tocca defecta
- far pitschnas reparaturas vid ils vehichels
- mantegnair guaffens e meds d'agid
- dismetter il rument a moda adattada a l'ambient
Ambient da lavur
Practicists e practicistas da transports sin via lavuran en interpresas da mastergnanza, da transport e da l’industria. Els èn savens sulets sin via ed han ina tscherta libertad en lur lavur. Els han ina gronda responsabladad envers ils participants al traffic, la clientella, la rauba e l'ambient.
Il temp da lavur po esser malregulà, è dentant reglà cleramain tenor lescha.
Pretensiuns e interess
- Prontezza d'esser savens sin viadi
- Buna vesida
- Moda da lavurar independenta
- Senn d'orientaziun
- Prontezza da lavurar durant uras irregularas u servetschs da notg
- Plaschair dal contact cun glieud
- Resistenza corporala
- Plain fantasia e savair sa gidar
- Esser corporalmain activ
- Esser savens sin viadi
- Schliar incumbensas tecnicas
- Planisar, organisar
- Manischar
Scolaziun
En in manaschi da l’industria dal transport sin via
1 di per emna a la scola professiunala
Tar differents temas
2 onns
- Temp da scola obligatoric terminà
- Premissa per ina furmaziun è la vegliadetgna minimala da 17 onns (di da referenza: 30 da november dal 1. onn d'emprendissadi).
Practicist / Practicista da transports sin via AFP
Furmaziun cuntinuonta
Curs
Purschidas da scolas spezialisadas e scolas professiunalas sco era dal Schweizerischer Nutzfahrzeugverband ASTAG
Spezialist / Spezialista da transports sin via AFQ
Practicists da transports sin via AFP pon frequentar ina furmaziun scursanida sco spezialists da transports sin via AFQ (entrada al 2. onn da furmaziun da basa).
Suenter quella scolaziun han els las medemas pussaivladads da furmaziun supplementara sco spezialists da transports sin via AFQ.
Professiuns sumegliantas
