Assistenta da veterinaria AFQ
Assistent da veterinari AFQ
Correspunda questa professiun a mai?![[object Object],[object Object]](https://media.sdbb.ch/transform/84db973f-aafc-4635-a46e-b3abe5a96277/01_Tiermed_FM-jpg?io=transform:fill,width:740,height:490)
1. onn d’emprendissadi: CHF 680.–
2. onn d’emprendissadi: CHF 1045.–
3. onn d’emprendissadi: CHF 1470.–
Assistents da veterinari ed assistentas da veterinaria lavuran en praticas da veterinari. Els retschaivan possessurs d’animals, tgiran animals, gidan durant consultaziuns ed operaziuns, fan lavurs da labor e liquideschan pensums administrativs.
Incumbensas
- prender encunter ils telefons e cussegliar ils possessurs d’animals, giuditgar, sch’i fa prescha e fixar in termin
- retschaiver animals malsauns, blessads ed animals che duain vegnir examinai e preparar els per il tractament.
- vender medicaments e pavel
- cussegliar la clientella en connex cun dumondas da pavlar e da tegnair animals
- administrar dossiers dils pazients e la correspundenza
- scriver ils rapports d'assicuranza ed ils quints
- metter a disposiziun ils instruments ed apparats nettegiads e dischinfectads per las consultaziuns e per ils tractaments
- preparar las prelevaziuns da tessì, secrets e d'urin
- assister ad operaziuns, survegliar la narcosa e metter infusiuns
- dischinfectar blessuras, prender sang, far radiografias, prender davent tartagl, tgirar il pail u metter si ina fascha
- exequir tractaments specifics sut l'egliada dal veterinari, sco per exempel l'igiena dentala, scornar ils vadels u sclerir schebain chavals mussan indecis da paralisa
- survegliar e tgirar ils animals suenter operaziuns sch'els ston star pli ditg en pratica per ina terapia speziala
- nettegiar e dischinfectar la pratica, la maisa da tractament, ils apparats ed instruments
- intercurir sang, urin u excrements sut il microscop
- far differents tests sperts ed archivar ils resultats
- preparar las provas per analisas spezialas e per la spediziun postala
Ambient da lavur
Assistents da veterinaris ston quintar cun in temp da lavur irregular e cun sururas. En la pratica vegn lavurà exact e net. En situaziuns da hectica restan els calms e salvan la survista, els lavuran a moda concentrada e collavureschan cun ils animals sco era cun ils possessurs a moda segira e cun chapientscha per lur situaziun.
La purschida da plazzas d’emprendissadi è limitada. I po dar ch’ins chatta ina plazza d’emprendissadi mo en in auter lieu u en in’autra regiun. Il medem vala per ina plazza. Las pussaivladads da retschaiver ina gronda paja e da far carriera èn limitadas.
Pretensiuns e interess
- Quietezza e calma
- Senn per igiena e per nettezza
- Savair vesair sang
- Dun per scienzas natiralas
- Savair supportar odurs dischagreablas
- Empatia
- Curtaschia e sensibilitad
- Lavurar en il team
- Avair contact cun persunas
- Lavurar cun animals
- Gidar e tgirar autras persunas
Scolaziun
En ina pratica da veterinari u pli darar en in ospital d’animals
1 di per emna a la scola professiunala da Berna, Lucerna u Turitg
Tar differents temas
3 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Assistent da veterinari / Assistenta da veterinaria AFQ
Furmaziun cuntinuonta
Curs
Purschidas da la Societad svizra da las veterinarias e dals veterinaris, da l’Associaziun svizra da las assistentas da veterinarias e da l’Associaziun svizra da la medischina per animals pitschens sco era da scolas professiunalas e scolas spezialisadas
Spezialisaziun
Tecnicist / tecnicista d’anestesia veterinaria (certificat da la Scola d’anestesia veterinaria per tecnicists / tecnicistas e gidanters / gidantras da medi)
Attestat da qualificaziun "pratica da labor" per animals pitschens ( diplom dal WTPA, purschì da la GST, VSPTA, SVK e SVAT)
Assistent/a da dentist ADA ( diplom dal WTPA, purschì da la GST, VSPTA, SVK e SVAT)
Professiuns sumegliantas
