![[object Object],[object Object]](https://media.sdbb.ch/transform/463e725b-3fa9-4d6f-9c48-42c2229b7b22/Tierpflegerin-SF-122-JPG?io=transform:fill,width:740,height:490)
1. onn d’emprendissadi: CHF 496–813.–
2. onn d’emprendissadi: CHF 645–967.–
3. onn d’emprendissadi: CHF 817–1267.–
Tgiradras e tgiraders d'animals sustegnan, pavlan e tgiran ils pli differents animals en clinicas, labors, zoos, instituziuns d'allevament, pensiuns d'animals u chasas d'animals. Ellas ed els erueschan ils basegns dals animals sin fundament da lur cumportament e percorschan uschia temas, malsognas u suffrientschas. Ultra da quai concepeschan ellas ed els il spazi da viver dals animals, uschia che quels sa sentan bain.
Incumbensas
- passentar temp cun animals ch'èn collocads en chasas d'animals, p.ex. chauns, giats, utschels e cunigls
- retschaiver e proveder animals mess a l'abandun, avant che tals chattan novs possessurs
- tgirar animals d'experiment per instituziuns da perscrutaziun u labors ed als registrar en inventaris
- tgirar animals selvadis en zoos u en parcs da selvaschina
- observar leschas davart il commerzi, la tegnida ubain davart la dismessa d'animals morts
- sustegnair la clientella e respunder dumondas
- allevar animals ed en quest connex tscherner ils temps da paregliament e las metodas d'allevament
- tegnair net ils spazis da viver e mantegnair las cundiziuns climaticas, p.ex. la temperatura u l'umiditad da l'aria
- tgirar il pail e las griflas dals animals, p.ex. lavar e barschunar il pail e tagliar u glimar las griflas
- preparar il pavel ed en quest connex resguardar il nutriment dals differents animals
- survegliar la sanadad dals animals, enconuscher ils sintoms da las pli frequentas malsognas d'animals
- clamar in veterinari en cas d'ina malsogna u d'ina blessura ed al sustegnair durant il tractament
- cumbatter resp. guarir malsognas e parasits
- construir clasiras, aquaris, terraris e chabgias per il transport
- preparar sternim, structuras, pussaivladads da moviment, da rampignar e da sa retrair per ils animals
- nettegiar e controllar mintga di las chabgias e las clasiras sco er dischinfectar tenor ils standards prescrits ed en intervals prescrits
Ambient da lavur
Tgiradras e tgiraders d'animals lavuran en rotaziun durant tut ils dis da l'emna ed han uras da lavur irregularas. Ellas ed els lavuran en labors, cunzunt ensemen cun biologas e chemicists. En chasas d'animals han ellas ed els savens contact cun la clientella. Cun ir enturn cun animals sto la glieud da professiun giuditgar bain il cumportament dals animals e sa proteger tut tenor spezia d'animal cunter morsas, tissientadas e sgrifladas.
Tut tenor il sectur professiunal chattan tgiradras e tgiraders d'animals plazzas en labors, en manaschis industrials, en saluns da tgira d'animals ed en parcs d'animals. En chasas d'animals datti però mo paucas plazzas da lavur e savens han las instituziuns mancanza da daners. Perquai è il martgà da lavur tendì. Cun l'experientscha da lavur respectiva e cun las qualificaziuns correspundentas pon ellas ed els surpigliar la direcziun da manaschis.
Pretensiuns e interess
- Quietezza e calma
- Prontezza da lavurar er sin dumonda
- Savair supportar odurs dischagreablas
- Resistenza corporala
- Dun d'observar
- Senn per igiena e per nettezza
- Prontezza da lavurar durant uras irregularas u servetschs da notg
- Conscienza per las ristgas
- Lavurar cun ils mauns
- Esser corporalmain activ
- Lavurar cun animals
Scolaziun
En ina chasa d'animals, en in labor, en in parc d'animals selvadis u en in zoo
1 di per emna en la scola professiunala spezialisada
Emprender, approfundar ed exercitar las basas professiunalas:
• 15 dis durant 3 onns per ils secturs professiunals «animals da chasa» ed «animals selvadis»
• 17 dis durant 3 onns per il sectur professiunal «animals d'experiment»
3 onns
- Animals da pensiun
- Animals d’experiments
- Animals selvadis
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Tgirader / Tgiradra d'animals AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da l'Associaziun svizra per la furmaziun en tgira d'animals, tierpfleger.ch
Tgiradras e tgiraders d'animals èn obligads da sa perfecziunar durant almain 4 dis entaifer 4 onns, quai tenor l'Ordinaziun davart la protecziun dals animals OPAn dals 23 d'avrigl 2008 (versiun dal 1. da favrer 2024).
Exteriur
P.ex. Maister tgirader / Maistra tgiradra d'animals, scolaziun en Germania Dapli infurmaziuns porscha la Bundesagentur für Arbeit, arbeitsagentur.de.
Scola auta spezialisada (SAS)
Studis en secturs parentads, p.ex. bachelor of science en agronomia
Tut tenor la scola auta spezialisada valan differentas cundiziuns d'admissiun.
Professiuns sumegliantas
