Manadra d'implants AFQ
Manader d'implants AFQ
![[object Object],[object Object]](https://media.sdbb.ch/transform/aead9ba7-8efc-410d-85b1-ddef27e184be/Anlagefuehrerin-MS-116-jpg?io=transform:fill,width:740,height:490)
1. onn d’emprendissadi: CHF 500–700.–
2. onn d’emprendissadi: CHF 700–900.–
3. onn d’emprendissadi: CHF 900–1100.–
Sco manadra u manader d'implants mainas ti indrizs automatics en l'industria. Ti sustegnas la producziun da victualias, da medicaments, d'elements electronics u da materias sinteticas. Ti configureschas las maschinas e procuras che talas funcziunian bain. En cas da problems en la producziun en seria als elimineschas ti.
Incumbensas
- endatar las datas da producziun en ils indrizs per als configurar correctamain
- configurar indrizs e survegliar lur diever
- lavurar en teams en la producziun en seria e diriger independentamain indrizs
- survegliar la producziun e l'emballadi automatic dals products
- adattar las configuraziuns da las maschinas d'emballadi, sche las dimensiuns dals products sa midan
- observar e controllar las mesiras da segirezza e d'igiena
- ensemen cun tecnicistas e tecnicists modernisar indrizs per fabritgar novs products u emballadis
- meglierar la productivitad d'indrizs e planisar correspundentamain las proceduras d'emballadi
- s'infurmar davart novas tecnicas e novs process
- configurar regularmain ed exactamain maschinas ed indrizs, als survegliar e controllar, p.ex. lur sveltezza, lur temperatura, il temp u il squitsch
- collavurar en il mantegniment d'indrizs tecnics e da sistems per il provediment d'energia
- sch'i dat disturbis, tschertgar sbagls, prender las mesiras necessarias ed infurmar la persuna spezialisada responsabla, per che la producziun possia cuntinuar uschè svelt sco pussaivel
- garantir la productivitad da las differentas maschinas e la qualitad dals products
- controllar ils products fabritgads
- dar liber ils products per la spediziun a la clientella
- infurmar il team da la proxima squadra davart ils problems ch'èn capitads e davart la producziun currenta u proxima
- valitar, quant material ch'è necessari ed empustar en cas da basegn
- controllar la quantitad e la qualitad da la rauba ch'è entrada
- controllar las cundiziuns da magasinar sco umiditad, temperatura e relaziuns da glisch ed annunziar mancanzas a la persuna responsabla
Ambient da lavur
Sco manadra u manader d'implants lavuras ti en pitschens teams cun differentas persunas da professiun, sco p.ex. collavuraturas da producziun, tecnologs da victualias, tecnologas da chemia e da farmaceutica sco er manaders da team. Tut tenor il manaschi industrial vegns ti a frida cun differentas cundiziuns da lavur, p.ex. canera, chalur u odurs dischagreablas. Er lavur da notg e da squadra è pussaivla.
Ti chattas plazzas en gronds manaschis industrials che produceschan p.ex. victualias, chemicalias, medicaments, products cosmetics, apparats electrics u cement. Er manaschis che produceschan emballadis u che pacheteschan products porschan engaschaments. Cun furmaziuns supplementaras correspundentas ta spezialiseschas ti u surpiglias incumbensas directivas. Ti planiseschas p.ex. la producziun u mainas in team u in sectur.
Pretensiuns e interess
- Chapientscha tecnica
- Inschign manual
- Moda da lavurar sistematica
- Abilitad da sa concentrar
- Abilitad da lavurar en in team
- Resistenza cunter stress
- Prontezza da lavurar durant uras irregularas u servetschs da notg
- Gronda toleranza da canera
- Lavurar cun maschinas
- Schliar incumbensas tecnicas
- Planisar, organisar
Scolaziun
La scolaziun vegn fatga sco emprendissadi en in manaschi.
furmaziun pratica en in manaschi industrial: 4 dis per emna
1 di per emna en las scolas professiunalas spezialisadas chantunalas
Soloturn: 28 dis durant 3 onns.
3 onns
- terminà la scola obligatorica
- intgins manaschis pretendan in test da qualificaziun
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Manader / Manadra d'implants AFQ
Furmaziun cuntinuonta
Examen professiunal (EP)
- Spezialist / Spezialista d'automatica EP
- Spezialist / Spezialista per manar ina gruppa EP
- Tecnolog / Tecnologa da victualias EP
- Spezialist / Spezialista da logistica EP
- Spezialist / Spezialista da process EP
- Spezialist / Spezialista per la producziun EP
- Commerziant tecnic / Commerzianta tecnica EP
Examen professiunal superiur (EPS)
- Manader / Manadra da facility management e maintenance EPS
- Directur / Directura da producziun industriala EPS
Scola spezialisada superiura (SSS)
- Tecnicist / Tecnicista da construcziun da maschinas SSS
Scola auta spezialisada (SAS)
- Bachelor of science en tecnica da maschinas
- Bachelor of science en microtecnica
- Bachelor of science en electrotecnica
- Bachelor of science en industrial design engineering
- Bachelor of science en tecnica d'edifizis
Tut tenor la scola auta spezialisada valan differentas cundiziuns d'admissiun.
Eveniments
Professiuns sumegliantas
