?global_aria_skip_link_title?

Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Resgiader / Resgiadra en l'industria da laina AFQ

Resgiaders e resgiadras en l'industria da laina AFQ elavuran bists tar aissas, lattas, travs squadradas u auters products da laina. Els resgian, splanan e fresan la laina prima, collan singuls elements e guardan che las restanzas da lain vegnan duvradas cumplainamain.  . Els manevreschan cun indrizs moderns d'entagliar e da transport, magasineschan la laina a moda professiunala, preparan il transport e cusseglian la clientella.

Lavurs

Els exequeschan suandantas lavurs:

Preparaziun
  • cussegliar la clientella
  • planisar e organisar cun ils superiurs e collavuraturs la producziun dals products da lain
  • retschaiver la furniziun da la laina prima u dal lain gia elavurà, examinar la qualitad dal lain e giuditgar, tge lain ch'è adattà per tge product
  • sortir e magasinar la furniziun
  • garantir la segirezza al plaz da lavur
Elavuraziun dal lain
  • preparar il lain per l'elavuraziun, allontanar la scorsa e resgiar ils bists en la dretga lunghezza
  • transportar il lain cun meds d'agid (indrizs da transport, cranas) en la halla da resgiar
  • elavurar la laina prima en la halla da resgiar (aissas, lattas, travs squadradas), programmar e manischar las maschinas da resgiar
  • elavurar enavant la tocca da lain tagliada, embellir cun maschinas e guaffens, splanar e fresar, radundar ils urs e surcollar differents elements tar novs products, elavurar las surfatschas dals products da lain
  • duvrar las restanzas dal lain, fabritgar novs products ord il rument da lain sco p.ex. pellets u plattas cumprimidas.
  • sientar e magasinar a moda correcta ils products, sco er als preparar per la spediziun
  • enconuscher e far diever da las perscripziuns per la segirezza da lavur e la protecziun da l'ambient, interprender immediatamain mesiras tar disturbis u cas urgents
Documentaziun e mantegniment
  • relevar e distribuir datas ed infurmaziuns en connex cun il lain u cun ils products da lain
  • scriver rapports davart las incumbensas exequidas
  • scrivan scrits da furniziun e dattan rapport da las lavurs exequidas
  • mantegnair las maschinas ed ils indrizs tecnic e far pitschnas reparaturas

Scolaziun

Basa legala

Ordinaziun federala dal 15-6-2021

Durada

3 onns

Furmaziun en la pratica

En ina resgia

Furmaziun en scola

1 di l'emna a la scola professiunala da Lenzburg

Roms professiunals

  • organisar ed optimar la producziun da laina
  • commerzialisar laina prima, products da lain, materia auxiliars e carburants
  • producir laina da tagl
  • far products sa basond sin lain
  • mantegnair meds da producziun da l'elavuraziun da lain
  • Curs ordaifer il manaschi

    Emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun «resgiader / resgiadra en l'industria da laina AFQ»

Premissas

Furmaziun preliminara
  • temp da scola obligatoric terminà
  • bunas prestaziuns en matematica
Pretensiuns
  • inschign manual
  • enclegientscha tecnica
  • buna constituziun corporala e movibilitad corporala
  • abilitad da lavurar en in team

Furmaziun supplementara

Curs

Purschidas da scolas spezialisadas e professiunalas, dad associaziuns da la branscha e da la scola auta spezialisada da Bienna, direcziun lain

Examen professiunal (EP)

Spezialist / spezialista da laina

Scola spezialisada superiura (SSS)

Tecnicist / tecnicista dipl. SSS tecnica da lain, approfundaziun en l'industria da laina

Scola auta spezialisada (SAS)

Bachelor of Science (SAS) en tecnica da laina. Tut tenor scola auta spezialisada valan differentas cundiziuns d'admissiun.

Cundiziuns da lavur

L'industria da lain svizra crescha e la materia prima lain es favuraivla a l'ambient e schanegia il clima. Ord quai motiv èn ils resgiaders, las resgiadras en l'industria da lain tschertgads e la situaziun da plazzas d'emprendissadi è buna. Resgiaders e resgiadras en l'industria da laina lavuran per gronda part en resgias, dentant er en interpresas da splanar e da collar sco er en l'industria da laina.

I dat interpresas pitschnas cun paucs collavuraturs sco er interpresas grondas cun varga 100 emploiads. Savens èn ils manaschis datiers da guauds, pia situads plitost en regiuns ruralas. Il temps da lavur è per il solit regulars.

Ulteriuras infurmaziuns

Industria da lain Svizra
Mottastrasse 9
3000 Berna 6
Tel: +41 31 350 89 89
URL: www.holz-bois.ch

Verband Schweizerischer Hobelwerke
Radgasse 3
8005 Zürich
Telefon: +41 43 366 66 26
URL: www.vsh.ch



berufsberatung.ch