Zum Titel springen

Spazzachamin / Spazzachamina AFQ

Lavurs

Spazzachaminas e spazzachamins procuran sco persunas dal fatg tecnic per in’energia da stgaudar effizienta e prestan uschia ina contribuziun impurtanta a favur da la protecziun d'incendis e da l'ambient. Els controlleschan e nettegian indrizs termics en chasas privatas ed en manaschis.  Els sa spezialiseschan en ina da las duas direcziuns spezialisadas:  indrizs da ventilaziun (nettegiament e mantegniment) u mesiraziuns energeticas u da l’igiena da l’aria.

Els exequeschan suandantas lavurs:

Controlla dals indrizs termics
  • enconuscher ad egl u cun agid da mesiraziuns electricas mancanzas e disturbis vid indrizs termics stgaudads cun lain, gas u ieli da stgaudar
  • far reparaturas pli pitschnas vi dals indrizs
  • far controllas davart la protecziun cunter incendis
  • far mesiraziuns tecnicas, p.ex. da la quantitad da fulin, da la concentraziun dal dioxid carbonic u mesirar la temperatura da las svapurs
  • avair endament cun la clientella davart las lavurs exequidas e mussar soluziuns pussaivlas dals disturbis, sche necessari
  • metter en funcziun ils indrizs termics da chasas novas u renovadas, controllar che quellas funcziunian bain ed examinar la segirezza
Nettegiar ils indrizs termics
  • preparar differents meds da lavur, p.ex. indrizs da mesiraziun, stgalas, nettegiaders a pressiun autas, tschitschapulvra e tschitschaua, barschuns u dissolvents alcalics (per restanzas da combustiun persistentas)
  • nettegiar chamins, pignas, plattas, cheminés e stgaudaments centrals
  • nettegiar e mantegnair indrizs industrials sco stabiliments per dismetter rument
  • remplazzar tocca isada e stuppadiras
Cussegliaziun e lavurs administrativas
  • cussegliar la clientella areguard remplazzament da stgaudament, clima en il local, effizienta d’energia u protecziun da l’ambient
  • planisar sez ils termins da clientella u sa coordinar cun il biro
  • scriver rapports per la controlla da stgaudaments ed annunziar indrizs defects
  • tschiffar las lavurs fatgas digitalmain
Direcziun mantegniment e nettegiament d’indrizs da ventilaziun
  • cussegliar la clientella davart l’igiena ed ils aspects da sanadad areguard indrizs da ventilaziun
  • deconnectar ils indrizs da ventilaziun avant las lavurs
  • nettegiar tocca dals indrizs da ventilaziun sco apparats, chanals e conducts, controllar il filter ed al midar tenor basegn
  • examinar sche l’indriz funcziuna e far propostas per schliaziuns da remplazzament sche necessari
Direcziun mesiraziun energetica e da l’igiena d’aria
  • garantir che las apparaturas da mesiraziun funcziunian
  • far mesiraziuns energeticas e da l’igiena d’aria vid l’indriz
  • evaluar ils resultats, als tschiffar digitalmain ed als discutar cun la clientella

Scolaziun

Durada

3 onns

Direcziuns

  • mantegnair e nettegiar ils indrizs da ventilaziun
  • far mesiraziun energeticas e da l’igiena da l’aria vid indrizs termics (IT)

Furmaziun en la pratica

En in manaschi da spazzachamins

Furmaziun en scola

1 di l'emna a la scola professiunala spezialisada

Roms professiunals

  • controllar e nettegiar IT da material dad arder lain, gas ed ieli
  • mantegnair e reparar IT
  • cussegliar la clientella
  • instrucziun tenor direcziun spezialisadas

Curs ordaifer il manaschi

Emprender ed exercitar a moda pratica la basa professiunalas, 22 dis durant 3 onns

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Spazzachamin / Spazzachamina AFQ

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • chapientscha pratica
  • chapientscha tecnica
  • constituziun robusta
  • movibladad
  • esser senza sturnizi
  • buna demananza e discreziun

Furmaziun supplementara

Curs

purschidas da scolas spezialisadas e professiunalas sco era da l'Associaziun svizra dals maisters spazzachamins, per exempel suandants temas:

  • toxicologia
  • KOPAS (persuna da contact segirezza da lavur)
  • funcziun e mantegniment d’ariaziun da confort
  • tecnica d’indrizs stgaudament cun laina
  • tecnica da mesiraziun stgaudament cun laina

Examen professiunal (EP)

cun certificat professiunal federal: capolavurer spazzachamin / controlladra da stgaudaments, spezialist per sistems da chalur, spezialista da la protecziun cunter incendis
Spezialist d’ariaziun da confort

Examen professiunal superiur (EPS)

maister spazzachamin / maistra spazzachamina dipl.

Scola auta spezialisada (SAS)

p.ex. Bachelor of Science (SAS) en tecnica d’edifizis. Tut tenor scola auta spezialisada valan differentas cundiziuns d’admissiun.

Cundiziuns da lavur

Spazzachamins u spazzachaminas lavuran savens independentamain u en pitschens teams. Els visitan la clientella tenor in urari fixà ordavant en chasas privatas u en manaschis.
Durant lur lavurs portan els il pli savens vestgadira da lavurar stgira cun equipament da protecziun: egliers da protecziun, guants e mascrinas nua ch’i è necessari. La glieud da professiun lavura cunzunt en l’interiur, per part era sin tetgs. Sin fundament dals numerus contacts cun manaschis, possessurs d’abitaziuns u pedels èsi impurtant, ch’els communitgeschian curtaschaivlamain e lavurian discretamain.

Spazzachaminas e spazzachamins lavuran per regla en pitschens manaschis spazzachamins. Per sa far independentamain basegnan els l’examen professiunal superiur (EPS) sco maister spazzachamin. La nominaziun e repartiziun dals districts succeda tras ils uffizis chantunal ed èn regladas cun leschas ed ordinaziuns chantunalas

Ulteriuras infurmaziuns

Kaminfeger Schweiz
5000 Aarau
URL: www.kaminfeger.ch



berufsberatung.ch