Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch ist das Portal am Mittwoch, 28. Oktober zwischen 17:00 Uhr und 20:00 Uhr nicht verfügbar.

Spazzachamin / Spazzachamina AFQ

Spazzachaminas e spazzachamins controlleschan, nettegian e  mantegnan indrizs termics en chasas privatas ed en manaschis. Els procuran per ina energia da stgaudar effizienta e prestan uschia ina contribuziun impurtanta a favur da la protecziun d'incendis e da l'ambient.

Lavurs

Spazzachamins controlleschan, nettegian ed optimeschan indrizs termics. Tar mintga nettegiament examineschan els ils indrizs sin defects da la polizia da fieu e da la tecnica da stgaudar. In indriz net che funcziuna endretg ha ina durada da vita pli lunga, dovra pli pauc combustibels, donnegia l’aria cun pli paucas substanzas nuschaivlas ed è pli segir.

Spazzachaminas cusseglian la clientella en connex cun mesiras per spargnar energia, cun il remplazzament da l'indriz e cun la protecziun cunter incendis. En il rom da la controlla da fieu uffiziala mesiran ellas era las emissiuns. Uschia prestan ellas ina contribuziun impurtanta  per la protecziun dal l’ambient.  Ultra da quai po lur lavur impedir fieus ed explosiuns.

Per utilisar ils indrizs dirigids electronicamain dovr'ins enconuschientschas spezialas, medemamain per las differenzas tecnicas dals divers indrizs da stgaudar: pignas, plattas, cheminés, stgaudaments centrals cun combustibels solids, liquids u da gas, indrizs da stgaudar industrials ed artisanals. Ultra da quai datti adina puspè novs indrizs termics che sa differenzieschan marcantamain areguard la construcziun e l'installaziun tecnica dals indrizs pli vegls.

Spazzachamins disponan d' ina vasta paletta da guaffens:  dal nettegiader a pressiun auta, al tschitschapulvra e tschitschaua, al barschun d’atschal, a pertgas da rullar, fin a dissolvents alcalics ed instruments da mesirar. Per mintga singul edifizi mainan els in cudesch da controlla davart ils nettegiaments. Cun agid da quest cudesch organiseschan els lur pensum da lavur dal mintgadi ed infurmeschan lur clientella davart la proxima visita.

Cunquai ch'il lieu da lavur da las spazzachaminas mida permanentamain survegnan ellas invista en il sectur d'abitar privat da blers clients e bleras clientas. Uschia resulta ina relaziun da gronda confidenza sur plirs onns. Quai pretenda blera discreziun e buna demananza.

Scolaziun

Basa legala

Ordinaziun federala dals 28-9-2010 (versiun dal 1-1-2018)

Durada

3 onns

Furmaziun en la pratica

En in manaschi da spazzachamins

Furmaziun en scola

1 di l'emna a la scola professiunala spezialisada

Roms professiunals

  • nettegiar e mantegnair indrizs termics ed erotecnics
  • far controllas legalas d’indrizs termics
  • cussegliar la clientella ed eliminar disturbis
  • organisar la lavur, la segirezza da la lavur, la protecziun da la sanadad e la protecziun da l’ambient dal manaschi

Curs ordaifer il manaschi

Emprender ed exercitar las basas professiunalas en la pratica

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "spazzachamin / spazzachamina AFQ"

Premissas

Furmaziun preliminara
  • scola obligatorica terminada cun pretensiuns mesaunas u autas
Pretensiuns
  • inschign manual
  • chapientscha pratica
  • chapientscha tecnica
  • sanadad robusta
  • constituziun robusta
  • movibladad
  • senza sturnizi

Furmaziun supplementara

Curs

purschidas da scolas spezialisadas e professiunalas sco era da l'Associaziun svizra dals maisters spazzachamins ASMS

Furmaziun da basa scursanida

tschentapignas AFQ

Examen professiunal (EP)

mintgamai cun certificat professiunal federal: capolavurer spazzachamin / capolavurera spazzachamina, controllader / controlladra da stgaudaments, spezialist / spezialista per sistems da chalur, spezialist / spezialista da la protecziun cunter incendis

Examen professiunal superiur (EPS)

maister spazzachamin / maistra spazzachamina

Scola auta spezialisada (SAS)

Bachelor of Science (SAS) en tecnica d’edifizis (la scola auta spezialisada pretenda in praticum en la branscha da la tecnica d’edifizis)

Cundiziuns da lavur

En ils blers chantuns è la professiun dal spazzachamin / da la spazzachamina reglada cun leschas ed ordinaziuns chantunalas. Las mesiras da la protecziun da l’ambient e per spargnar energia pretendan che spazzachamins frequentian cuntinuadamain furmaziuns supplementaras.

Ulteriuras infurmaziuns

Associaziun svizra dals maisters spazzachamins ASMS
Renggerstr. 44
5000 Aarau
Tel: +41 62 834 76 66
URL: www.kaminfeger.ch

Revista professiunala:
"Schweizer Kaminfeger"



berufsberatung.ch