Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Fotograf / Fotografa AFQ

Fotografas e fotografs tegnan ferm objects, situaziuns ed eveniments cun metodas e tecnicas da lavur adattadas ed als transponan en maletgs. Ils maletgs elavuran els pli tard al computer.

Lavurs

Fotografas e fotografs collian en lur professiun cumpetenzas artisticas e know-how tecnic. Cun apparats adattads tegnan els ferm eveniments, situaziuns ed objects ed als transponan en maletgs. Ils champs da lavur principals èn la reclama, la moda, l’architectura, l’industria, la scienza, situaziuns, reportaschas e purtrets. Tut tenor il champ da lavur e la structura da la clientella po sa dar ina spezialisaziun en in da quests secturs.

Decisiva per ina qualitad da maletgs optimala è la direcziun da la glisch correcta. Quai vala per fotografias en il studio sco era per fotografias al liber. Fotografs dovran tut tenor la situaziun in straglisch u ina glisch permanenta, tendan folias per sminuir l’intensitad da la glisch u plazzeschan uschenumnads scleriders che consistan da material reflectant.

Avant che fotografs van al lieu da fotografar (location) pondereschan els exactamain tge material ch’els dovran e preparan lur equipament correspundentamain. Quel cumpiglia tranter auter cameras, material da registraziun, purtaders da datas, stativs ed indrizs per influenzar las cundiziuns da la glisch. Entant che las cameras analogas u digitalas per format pitschen èn pli adattadas per reportaschas, vegnan per exempel preferidas en il sectur da l’architectura cameras da format grond.

Tut tenor l'incumbensa poi esser che fotografs na vegnan betg mo incumbensads cun la realisaziun, mabain er integrads en dumondas concepziunalas. En tals cas, nua ch’era la schelta da la location e dal model tutga tar l’incumbensa, è dumandada lur creativitad.

En il decurs dal svilup da la tecnica digitala è daventada pli impurtanta l’elavuraziun dals maletgs posteriura sco era l’elavuraziun dals maletgs per differentas pussaivladads da reproducziun. Per quest motiv èn fotografs versads en l’applicaziun da software d’elavuraziun da maletgs ed enconuschan ils sistems per l’elavuraziun da maletgs.

Scolaziun

Basa legala

Ordinaziun federala 31-7-2012

Durada

4 onns

Furmaziun en la pratica

En in atelier da fotografias u en ina fatschenta cun agens fotografs

Furmaziun en scola

1½ di l'emna a la scola professiunala

Roms professiunals

  • fitg bunas enconuschientschas da las tecnicas da fotografar
  • preparaziun dal process da fotografar
  • realisaziun dal process da fotografar
  • lavurs administrativas
  • enconuschientschas dal martgà
  • augment da las abilitads spiertalas
  • mantegniment dal chapital real
  • Curs ordaifer il manaschi

    Emprender ed exercitar a moda pratica las basas professiunalas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Scolaziun a temp cumplain

    • F+F Schule für Kunst und Design a Turitg (4 onns, incl. maturitad professiunala d’art applitgà)
    • Centre d'enseignement professionnel de Vevey

    Diplom

    Attestat federal da qualificaziun "fotograf / fotografa AFQ"

Premissas

Furmaziun preliminara
  • scola populara terminada

In curs preliminar en ina scola d’art applitgà u in’autra furmaziun preliminara è giavischà, dentant betg cundiziun.

Pretensiuns
  • enclegientscha tecnica
  • creativitad
  • senn per estetica e perfecziun
  • perseveranza
  • talent d’organisaziun

Furmaziun supplementara

Curs

purschidas da scolas d’art applitgà sco era da produciders da la branscha da fotografias sco era dal MAZ – die Schweizer Journalistenschule (p.ex. en la fotografia redacziunala ni en la redacziun da maletgs)

Examen professiunal superiur (EPS)

fotodesigner / fotodesignra dipl.

Scola spezialisada superiura (SSS)

p.ex. realisatur / realisatura dipl. SSS design da communicaziun, approfundaziun fotografia

Scola auta spezialisada (SAS)

p.ex. Bachelor of Arts ZFH en art figurativ cun approfundaziun fotografia a la Scola auta turitgaisa dals arts ZHdK

Cundiziuns da lavur

Ils pli blers fotografs lavuran independentamain en l’agen atelier. Paucas pussaivladads da lavur porschan er ateliers da fotografia, fatschentas da fotografia spezialisadas, agenturas da reclama, chasas edituras, agenturas da pressa sco er interpresas ed instituziuns cun agens fotografs e fotografas sco p.ex. manaschis industrials, ospitals u instituts scientifics.

La dumonda da plazzas d’emprendissadi è fitg gronda. Per avair success a la tschertga d’ina plazza d’emprendissadi ston ins mussar in grond engaschament persunal.

Ulteriuras infurmaziuns

Uniun svizra dals fotografs professiunals USPP
Chemin du Valentin 34
1004 Losanna
URL: www.photographes-suisse.ch

F+F Schule für Kunst und Design
Flurstr. 89
8047 Turitg
Tel: 044 444 18 88
URL: www.ffzh.ch

Centre d'enseignement professionnel de Vevey CEPV
Avenue Nestlé 1
1800 Vevey
Tel: 021 557 14 00
URL: www.cepv.ch

Revista professiunala:
"fotointern"



berufsberatung.ch