Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Spezialist / Spezialista da la tgira da textilias AFQ

Spezialists e spezialistas da la tgira da textilias AFQ èn responsabels en lavandarias da textilias per la tgira adequata da vestgadira, laschiva ed autras textilias. Els retschaivan incumbensas, cusseglian la clientella en tuts reguards da la tgira da textilias ed èn versads en il diever da chemicalias.

Lavurs

Spezialists e spezialistas da la tgira da textilias en la direcziun da la lavandaria da textilias lavuran en manaschis da la lavandaria da textilias. Els s’occupeschan da textilias sco chamischas, vestgids u giaccas plimettas da la clientella. Els intercureschan las textilias davart flatgs, isadas u defects ed als noteschan. Ultra da quai sa cunvegnan els cun la clientella davart las pussaivladads e las duradas dal nettegiament. Lasuenter registreschan els l’incumbensa e marcheschan la tocca da vestgadira per las pudair returnar als dretgs clients. Els casseschan la summa e surdattan a la clientella ina quittanza da retratga.

Spezialists da la tgira da textilas nettegian tocca betg lavabla sco per exempel blusas da saida u mantels da plievgia cun chemicalias e dissolvents. Polluziuns che na pon betg vegnir eliminadas maschinalmain tractan els manualmain. Tar tut quai fan els attenziun da betg donnegiar la taila. Cun lur savida davart la fibra, la taila, stampas ed applicaziuns cusseglian spezialists da la tgira da textilias la clientella cumpetentamain e amicablamain. Els recumondan metodas da lavar e nettegiar adequatas e tractan reclamaziuns.

Spezialists da la tgira da textilias en la direcziun da lavandarias grondas lavuran en pli gronds manaschis da lavandaria. Els nettegian rauba da letg, tuaglias e laschiva da frottar da hotels, restaurants, chasas da tgira ed ospitals e vestgadira da professiun dal commerzi e da l’industria. Els sortan la laschiva furnida tenor colur, tip da taila ed intensitad da polluziun. Tenor basegns tractan ellas ordavant parts fitg smerdadas. Els tschernan la metoda da nettegiar adequata, calculeschan il volumen da la laschiva e chargian la maschina. En il sectur da finiziun stiran ellas, fan ellas ora cun il fier cun u senza vapur e faudan la laschiva sientada. En il sectur da spediziun emballeschan ellas la laschiva per la furniziun.

Spezialists da la tgira da textilias dovran las maschinas ed ils utensils da nettegiar professiunalmain. Els procuran cun lavurs da mantegniment che las maschinas funcziunian adina senza difficultads. Els èn capablas da reparar disturbis.

La segirezza da la lavur e la protecziun da la sanadad e da l’ambient èn fitg impurtantas. Ils spezialists resguardan las prescripziuns durant la lavur, tar l’allontanament dal rument, durant l’utilisaziun da chemicalias u tar l’engaschament d’aua buglienta u vapur.

Scolaziun

Basa legala

Ordinaziun federala 18-10-2016

Durada

3 onns

Accents

  • lavandaria da textilias
  • lavandaria gronda

Furmaziun en la pratica

En ina lavandaria da textilias

Furmaziun en scola

1 di per emna a la scola professiunala

Roms professiunals

  • elavuraziun da las incumbensas da la clientella
  • preparaziun da scharschas
  • tractament da las textilias
  • finida da las textilias
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "spezialist / spezialista da la tgira da textilias AFQ"

Premissas

Furmaziun preliminara
  • scola populara terminada
Pretensiuns
  • plaschair vi da textilias
  • senn per urden e nettezza
  • fidadadad
  • enclegientscha tecnica
  • buna demananza
  • sensori per dumondas da la clientella
  • dun d’observaziun
  • nagins disturbis da la vesida da colurs
  • buna sanadad (ins lavura per gronda part en pe)

Furmaziun supplementara

Curs

purschidas da scolas spezialisadas e scolas professiunalas, da l’associaziun Textilpflege Schweiz VTS sco era da la Schweiz. Textilfachschule STF, Wattwil

Examen professiunal superiur (EPS)

p. ex. maister / maistra da textilias cun diplom federal

A l’exteriur

seminaris e workshops a l’institut da retschertga per tecnologia da nettegiament a Krefeld (Germania)

Cundiziuns da lavur

Tgiradras da textilias AFQ lavuran en lavandarias da textilias.

Ellas èn expertas tschertgadas cun bunas pussaivladads da promoziun sco manadras da filialas e da manaschis. Ellas han era bunas schanzas sco lavurantas independentas en in agen manaschi.

Ulteriuras infurmaziuns

Verband Textilpflege Schweiz VTS
Seilerstr. 22
Chascha postala
3001 Bern
Tel: 031 310 20 30
URL: www.textilpflege.ch

Revista professiunala:
"teps"




berufsberatung.ch