![[object Object],[object Object]](https://media.sdbb.ch/transform/28e79f30-02c5-4d79-8a1c-d6579ea36853/Augenoptikerin-JM-113-JPG?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 1000.–
3. onn d’emprendissadi: CHF 1400.–
Sco opticra u opticher cusseglias ti la clientella tar la tscherna d'egliers e d'auters sustegns da la vesida. Ti adatteschas ils sustegns da la vesida tenor in'ordinaziun medicala u optometrica. Ultra da quai liquideschas ti incumbensas tecnicas ed administrativas.
Incumbensas
- cussegliar la clientella ed en quest connex resguardar ses basegns, la vegliadetgna, sias activitads quotidianas e ses aspects estetics
- tscherner sustegns da la vesida tenor recept dal medi u da l'optometrista
- declerar las caracteristicas ed ils avantatgs dals differents tips da lentas e mussar, co ch'els ston vegnir tgirads
- declerar, co ch'ins protegia ils egls durant la lavur, il sport u il temp liber
- vender egliers, lentas da contact ed accessoris per la tgira
- controllar la qualitad, la grondezza e las caracteristicas dals vaiders
- metter vaiders en ils roms e far adattaziuns tecnicas
- reparar egliers, remplazzar tocs e pulir vaiders
- adattar ils roms dals egliers a la furma da la fatscha da la clienta u dal client
- empustar vaiders, egliers e material necessari
- administrar e controllar inventaris dal magasin
- calcular ils pretschs e scriver quints
- actualisar las datas da la clientella
- gidar a represchentar vers anora la fatschenta e las purschidas, p.ex. decorar las vitrinas u far reclama online
- preparar plazzas da lavur per tests da la vesida, la cussegliaziun e la vendita
- nettegiar ils apparats ed ils instruments e procurar, che tals funcziunian
- mantegnair apparats ed instruments tecnics
- dismetter ils ruments en moda correcta
Ambient da lavur
Sco opticra u opticher lavuras ti en pitschens teams e lavuras en la vendita ed en la part davos, nua che p.ex. la vesida vegn mesirada u ils egliers vegnan adattads. Il temp da lavur correspunda per regla a las uras d'avertura da la fatschenta. Perquai èsi pussaivel che ti stos lavurar la saira u la sonda.
Ti chattas plazzas en fatschentas d'opticher. Er interpresas grondas e labors da perscrutaziun porschan pussaivladads da lavur. Ultra da quai pos ti lavurar sco represchentanta u represchentant da marcas d'egliers. Per far tests da la vesida e per ta far independenta u independent dovri ina furmaziun supplementara.
Pretensiuns e interess
- Moda da lavurar conscienziusa ed exacta
- Abilitad da s'adattar a novas tecnologias
- Curtaschia e sensibilitad
- Inschign manual
- Plaschair da vender e da cussegliar
- Apparientscha cultivada
- Lavurar en moda exacta
- Lavurar cun cifras
- Avair contact cun persunas
- Cussegliar
Scolaziun
La scolaziun vegn fatga sco emprendissadi en in manaschi.
furmaziun pratica en ina fatschenta d'opticher: 3 fin 4 dis per emna
1 fin 2 dis per emna en las scolas professiunalas spezialisadas chantunalas
Starrkirch (SO): 25 dis durant 3 onns
3 onns
terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Opticher / Opticra AFQ
Furmaziun cuntinuonta
Curs
purschidas da la Societad svizra per l'optica e l'optometria
Scola spezialisada superiura (SSS)
- Ortoptist / Ortoptista SSS
Scola auta spezialisada (SAS)
- Bachelor of science en optometria
Tut tenor la scola auta spezialisada valan differentas cundiziuns d'admissiun.
Professiuns sumegliantas
