Spezialist da tgirom e textilias AFQ
Spezialista da tgirom e textilias AFQ
Correspunda questa professiun a mai?1. onn d’emprendissadi: CHF 700.–
2. onn d’emprendissadi: CHF 950.–
3. onn d’emprendissadi: CHF 1250.–
Spezialists e spezialistas da tgirom e textilias fabritgeschan cun agid da guaffens e maschinas adattadas rauba da tgirom e da textil, reparan e tgiran quella. Tut tenor direcziun spezialisada produceschan els products per il sport da chavals sco per exempel sellas, chavazzinas u cumets e tschintas, rauba da tgirom sco tastgas e valischs u products per l’interiur da vehichels sco sezs e tarpuns.
Incumbensas
- far bainvegni a la clientella e sclerir ils basegns
- cussegliar davart l’elecziun dals products ed ils materials
- quintar la quantitad dal material, tschentar si ina glista da la tocca necessaria e far in’offerta
- designar in sboz dil toc en elavuraziun e plans detagliads da singula tocca
- concepir cun agid da dissegns, da fotografias u d’objects models da furma e musters
- sviluppar prototips per producziuns singulas ni da seria
- tscherner tut tenor empustaziun, tgirom, textilias sco saida, launa, mangola u materials sintetics sco tgirom artifizial u taila da blatgas
- mesirar e tagliar tenor muster ils materials cun agid da guaffens, maschinas ni a maun
- perfurar, dar si la colur da basa e far guliv la tocca da tgirom u textil
- metter ensemen la tocca e cuser ella a maun u cun maschina
- emplenir ils products cun material da stgima e vatta
- fixar, tatgar, buglir u francar cun struvas tocca da metal sco anzas e fivlas u tocca da tgirom sco tschintas e curegias
- elavurar e pulir tocca producida industrialmain
- reparar e remplazzar tocca donnegiada da products duvrads
- tgirar, tractar e pulir tgirom e textilias cun products adattads
- nettegiar e mantegnair guaffens e maschinas
Ambient da lavur
Spezialists e spezialistas da tgirom e textilias AFQ lavuran savens persuls u en pitschens teams en lavuratoris, garaschas, sellarias u manaschis che produceschan rauba da viagiar en serias. Glieud da professiun en la direcziun spezialisada dal sport da chavals u da rauba da tgirom fin pon lavurar en lavuratoris artisanals u industrials. Cun la direcziun spezialisada vehichels e tecnica èsi pussaivel da lavurar tar manaschis da transports privats u publics che han in grond inventari da vehichels u tar chantiers
Suenter intgins onns experientscha da lavur po la glieud da professiun lavurar sur sasezza. Las pussaivladads da lavurar èn dentant limitadas.
Pretensiuns e interess
- Inschign manual
- Moda da lavurar conscienziusa ed exacta
- Senn per estetica
- Moda da lavurar independenta
- Imaginaziun tridimensiunala
- Creativitad
- Plaschair da vender e da cussegliar
- Lavurar cun taila, tgirom e palpiri
- Lavurar cun ils mauns
- Lavurar en moda exacta
- Dissegnar, decorar, crear
Scolaziun
En ina sellaria, en ina sellaria da carossarias u en in manaschi da fabricaziun da rauba da tgirom
1 di l'emna a la scola professiunala
Emprender ed exercitar a moda pratica la basa professiunala. 15-20 dis durant 3 onns.
3 onns
- Equitaziun
- Vehichels e tecnica
- Rauba da tgirom fin
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Spezialist / Spezialista da tgirom e textilias AFQ
Furmaziun cuntinuonta
Curs
Purschidas da scolas spezialisadas e scolas professiunalas sco da l'associaziun "Leder Textil Schweiz VLTS"
Examen professiunal superiur (EPS)
Maister / maistra da tgirom e textilias
Scola auta spezialisada (SAS)
Direcziuns da studi en champs spezials parentads, p.ex. Bachelor of Arts (SAS) en design da products e d’industria. Tut tenor scola auta spezialisada valan differentas cundiziuns d’admissiun
Professiuns sumegliantas
