Pulstradra da mobiglias industriala AFQ
Pulstrader da mobiglias industrial AFQ
![[object Object],[object Object]](https://media.sdbb.ch/transform/571d3786-ecb9-48b8-8597-ac48808a746a/04_Industriepolsterer_FS-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1100.–
Pulstradras e pulstraders da mobiglias industrialas AFQ fan mobiglias da polster sco sutgas e canapés. Els dissegnan plans e schablonas, taglian tailas e material d’emplenir, cusan ensemen tocs singuls e surtiran ils elements da pulstrar cun taila u tgirom.
Incumbensas
- interpretar skizzas da dissegnaders e dissegnadras da mobiglias
- crear plans da construcziun per mobiglias u parts da mobiglias a maun u cul computer
- eruir la tecnica da construcziun adattada, eleger materials e maschinas
- fabritgar schablonas, plans dil tagl e plans da cuser
- trair si la purtadira dal canapé cun tschintas, uschia ch’il sez e las surfatschas da pusar daventan elasticas
- tagliar tiers il material da plantas e d’animals u material sintetic ed al duvrar per emplenir la purtadira
- cuvrir il material d’emplenir cun vatta per gulivar las malgulivezzas
- tagliar tiers material da pulstrar (gumma-stgima, lain, plimas)
- fixar e dar la furma a la pulstrada
- far plans dal tagl per il material da surtratga
- surtrair la mobiglia a maun u cun la maschinas
- fermar elements da decoraziun, p.ex. buttuns e cusadiras
- reglar e survegliar las maschinas per la producziun
- controllar la qualitad dals products durant la producziun
- mantegnair las maschinas
- dismetter il rument adattà a l'ambient
Ambient da lavur
La producziun da massa vegn spustada pli e pli a l’exteriur, fertant ch’il svilup dals products e la preparaziun industriala vegnan anc adina fatgs en Svizra.
Pulstraders da mobiglias industrials e pulstradras da mobiglias industrialas lavuran en ateliers da fabritgas da mobiglias nua ch'ellas lavuran en in team. Il temps da lavur ès regulars.
Pretensiuns e interess
- Inschign manual
- Talent da dissegnar
- Dun per cifras
- Moda da lavurar conscienziusa ed exacta
- Senn per estetica
- Abilitad da lavurar en in team
- Resistenza corporala
- Lavurar cun ils mauns
- Lavurar cun taila, tgirom e palpiri
Scolaziun
En ina fabrica da mobiglias pulstradas.
In di l'emna a la scola professiunala.
Davart differents temas, 36 dis durant 3 onns.
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Pulstrader da mobiglias industrial / Pulstradra da mobiglias industriala AFQ
Furmaziun cuntinuonta
Curs
Purschidas da scolas spezialisadas e professiunalas sco era da l’Associaziun svizra da l’industria da mobiglias
Examen professiunal (EP)
Cun certificat professiunal federal: pulstrader spezialisà da mobiglia / pulstradra spezialisada da mobiglia, pulstrader da mobiglias industrial / pulstradra da mobiglias industriala, cussegliader / cussegliadra d'indrizs interns
Examen professiunal superiur (EPS)
Maister pulstrader da mobiglias industrial / Maistra pulstradra da mobiglias industriala
Scola spezialisada superiura (SSS)
Tecnicist / Tecnicista dipl. SSS planisaziun da construcziun, approfundaziun architectura d’interiurs
Scola auta spezialisada (SAS)
Studis en champs parentads, p.ex. Bachelor of Arts (SAS) en architectura d’interiurs u Bachelor of Arts (SAS) en design industrial e da products . Tut tenor scola auta professiunala valan differentas cundiziuns d'admissiun.
Professiuns sumegliantas
