Spezialista da la tgira da textilias AFQ
Spezialist da la tgira da textilias AFQ
Correspunda questa professiun a mai?![[object Object],[object Object]](https://media.sdbb.ch/transform/f5dac709-2e36-41d7-b746-d030be5db411/Textilpfleg-SS-7647-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1100.–
Spezialists e spezialistas da la tgira da textilias AFQ èn responsabels en lavandarias da textilias per la tgira adequata da vestgadira, laschiva ed autras textilias. Els retschaivan incumbensas, cusseglian la clientella en tuts reguards da la tgira da textilias ed èn versads en il diever da chemicalias.
Incumbensas
- duvrar e mantegnair professiunalmain las maschinas ed ils utensils da nettegiar
- eliminar disturbis e problems da la maschina
- resguardar las prescripziuns davart l'igiena, l’allontanament dal rument, l’utilisaziun da chemicalias u l’engaschament d’aua buglienta u vapur sco er davart la segirezza da la lavur e la protecziun da la sanadad e da l’ambient
- s'occupar da textilias sco chamischas, vestgids u giaccas da plimas da la clientella, nudar flatgs, isadas u defects e segnar la vestgadira
- recumandar la clientella davart las pussaivladads e la durada da la lavandaria, registrar l’incumbensa e far ina quittanza da retratga
- cussegliar la clientella cumpetentamain ed amicablamain cun lur savida davart la fibra, la taila, stampas ed applicaziuns la clientella
- nettegiar tocca betg lavabla sco per exempel blusas da saida u mantels da plievgia cun chemicalias e dissolvents
- tractar a maun polluziuns che na pon betg vegnir eliminadas maschinalmain, senza donnegiar la taila
- tractar resuns e reclamaziuns
- lavar en pli gronds manaschis da lavandaria rauba da letg, tuaglias e laschiva da frottar da hotels, restaurants, chasas da tgira ed ospitals e vestgadira da professiun dal commerzi e da l’industria
- sortir la laschiva furnida tenor colur, tip da taila ed intensitad da polluziun e tractar tenor basegns ordavant parts fitg smerdadas
- tscherner la metoda da nettegiar adequata, calcular il volumen da la laschiva e chargiar la maschina
- avant dad emballar e furnir la laschiva, la far ora cun il fier cun maschinas, far ora cun il fier a vapur e faudar la laschiva sientada
Ambient da lavur
Tgiradras da textilias AFQ lavuran en lavandarias da textilias.
Ellas èn expertas tschertgadas cun bunas pussaivladads da promoziun sco manadras da filialas e da manaschis. Ellas han era bunas schanzas sco lavurantas independentas en in agen manaschi.
Pretensiuns e interess
- Curtaschia e sensibilitad
- Moda da lavurar sistematica
- Senn per igiena e per nettezza
- Nagins disturbis da vesair colurs
- Resistenza corporala
- Plaschair da vender e da cussegliar
- Lavurar cun taila, tgirom e palpiri
- Lavurar endadens
Scolaziun
La scolaziun vegn fatga sco emprendissadi en in manaschi.
En ina lavandaria da textilias
1 di per emna a la scola professiunala
Emprender ed exercitar a moda pratica la basa professiunala (13 dis ad onn)
3 onns
- lavandaria da textilias
- lavandaria gronda
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Spezialist / Spezialista da la tgira da textilias AFQ
Furmaziun cuntinuonta
Curs
Purschidas da scolas spezialisadas e scolas professiunalas, da l’associaziun Textilpflege Schweiz VTS sco era da la Schweiz. Textilfachschule STF, Wattwil
Examen professiunal superiur (EPS)
p. ex. maister / maistra da textilias cun diplom federal
A l’exteriur
Seminaris e workshops a l’institut da retschertga per tecnologia da nettegiament a Krefeld (Germania)
Professiuns sumegliantas
