Practicista per lavurs da fundament AFP
Practicist per lavurs da fundament AFP
![[object Object],[object Object]](https://media.sdbb.ch/transform/f155bb32-ebb2-4537-af1b-aef80196a537/BE_8_Grundbaupraktiker_PEK-JPG?io=transform:fill,width:740,height:490)
1. onn d’emprendissadi: CHF 800–1200.–
2. onn d’emprendissadi: CHF 1300–2000.–
Sco practicista u practicist per lavurs da fundament preparas ti il terren per lavurs da construcziun, per ch'el saja stabil e segir. Ti gidas a far sondagis ed analisas dal terren e segireschas ils fossals. Ti pumpas giu aua e rinforzas il sutterren cun cement u atschal.
Incumbensas
- preparar il material e las maschinas, transportar al plazzal e deponer tut là
- installar ils instruments, ils apparats ed ils taraders tenor las instrucziuns
- signalisar l'access al plazzal, construir barrieras da segirezza e saivs, montar signals ed illuminaziun
- gidar a stajar la parcella tenor ils plans
- far skizzas sche necessari
- allontanar terren, p.ex. cun palas, exchavaturs ed autras maschinas
- segirar il fossal: bloccar foss, metter pitgas, isolar las paraids e pumpar giu l'aua sutterrana
- analisar il terren, p.ex. las differentas stresas da crappa
- consolidar il terren, p.ex. injectar maschaidas da cement, emplenir foras, montar fortificaziuns d'atschal e segirar spundas cun ancras da grip
- metter en urden la plazza da lavur e dismetter ils ruments en moda ecologica
- scriver rapports da lavur
- observar las prescripziuns da segirezza e d'ambient
- tgirar e reparar maschinas ed utensils
Ambient da lavur
Sco practicista u practicist per lavurs da fundament lavuras ti sin plazzals da construcziun auta e bassa, al liber e da tutt'aura. Ti lavuras en teams, es savens en gir, perquai che ti survegns incumbensas da lavur en l'entira Svizra. Ti portas in equipament da protecziun cun chapellina, guants e chalzers rinforzads. Ils temps da lavur dependan da la stagiun, la stad datti per regla dapli lavur che durant l'enviern.
Ti lavuras en interpresas da la construcziun bassa speziala e vegns savens engaschà da firmas da construcziun e da sondagi.
Pretensiuns e interess
- Resistenza corporala
- Inschign manual
- Resistenza a la temperatura u a l'aura
- Abilitad da lavurar en in team
- Imaginaziun tridimensiunala
- Gronda toleranza da canera
- Prontezza d'esser savens sin viadi
- Lavurar en il liber
- Lavurar cun ils mauns
- Esser corporalmain activ
- Esser savens sin viadi
Scolaziun
Furmaziun pratica en ina interpresa da la construcziun bassa speziala
Curs da bloc da 9 emnas per onn en la Scola professiunala spezialisada per la construcziun da vias da traffic a Sursee (LU)
Scola professiunala spezialisada (SPS) per la construcziun da vias da traffic a Sursee: 20 dis durant 2 onns
2 onns
Terminà la scola obligatorica
Practicist / Practicista per lavurs da fundament AFP
Furmaziun cuntinuonta
Curs
Curs da l'associaziun Infra Suisse e da la Societad svizra dals impressaris constructurs (SSIC)
Emprendissadi supplementar
Sco practicista u practicist per lavurs da fundament pos ti per regla far in emprendissadi scursanì da sondadra u sondader AFQ.
Professiuns sumegliantas
Ulteriuras infurmaziuns
- Infra Suisse
Branchenorganisation der im Infrastrukturbau tätigen Unternehmen
- Bauberufe
Schweizerischer Baumeisterverband (SBV)
- TODO