![[object Object],[object Object]](https://media.sdbb.ch/transform/77fc05d9-fd00-4ce9-bfce-59878719c1c0/FM-TK-108-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1050.–
Mecanistas e mecanists da velos monteschan e reparan velos da tut gener: velos da muntogna, citybikes, velos d'uffants u e-bikes. Las persunas da questa professiun dovran utensils spezials per controllar las funcziuns dals velos e per far il service. Ultra da quai cusseglian ellas la clientella tar la cumpra da velos ed accessoris.
Incumbensas
- discurrer cun la clientella per chapir e per schliar problems dals velos, p.ex. ramurs, funcziuns faussas, sturschidas
- stimar quant gronda ch'ina reparatura è e custa sco er fixar il temp da reparatura
- controllar, sch'ils donns èn cuvrids tras la garanzia
- nudar reparaturas fatgas sco er controllar ils quints e las reparaturas cun la clientella
- vender products, p.ex. velos novs u duvrads, tocs da reserva, chapellinas, guants, chautschas da velo, glischs da velo u tolas da protecziun
- fixar ina posiziun da seser optimala per la clientella e giustar correspundentamain ils velos
- emplenir formulars d'empustaziun e da furniziun
- administrar magasins e far inventarisaziuns
- reciclar battarias e materials duvrads
- controllar, giustar ed actualisar apparats electrics, p.ex. midadas da girs electricas, configuraziuns electronicas da las pennas u sensurs electronics da la pressiun dals pneus
- controllar sco er actualisar ils sistems dad e-bikes e sistems per mesirar las prestaziuns, p.ex. per il puls u per la frequenza da pedalar
- mantegnair e-bikes, p.ex. remplazzar accus, apparats da chargiar u motors electrics
- montar novs velos obtegnids da producents
- controllar ils roms dal velo e las bifurcaziuns, identifitgar e reparar mancanzas
- meglierar las mancanzas da colur al rom
- controllar e stender la chadaina sco er configurar la midada dals girs
- controllar, sch'il velo va guliv
- engrondir, controllar e configurar sistems da midar girs e da franar
- reparar rodas, p.ex. giustar giavegls e radis, demontar e montar pneus u controllar la pressiun da l'aria e sch'ils pneus èn isads
- demontar, decumponer, nettegiar, reparar e puspè metter ensemen mecanissems
- controllar e montar ils pedals
- reparar ils frains, las plimas ed ils paraculps
- testar e giustar velos
Ambient da lavur
Las mecanistas ed ils mecanists da velos lavuran per regla sulets u en pitschens teams en lavuratoris da velos. En fatschentas stattan ellas ed els en contact direct cun la clientella. Lur temps da lavur sa drizzan tenor las uras d'avertura da las interpresas, uschia ch'ellas ed els lavuran er la sonda. Durant las stagiuns chaudas èn las uras da lavur pli lungas che durant las fraidas.
Mecanistas e mecanists da velos chattan plazzas en butias da velos u tar producentas e producents da velos. Il martgà da lavur è bun, perquai ch'ils velos giogan er en l'avegnir ina rolla impurtanta per la mobilitad. Tschertas persunas da professiun lavuran en moda independenta.
Pretensiuns e interess
- Inschign manual
- Moda da lavurar independenta
- Dun per cifras
- Chapientscha tecnica
- Moda da lavurar conscienziusa ed exacta
- Moda da lavurar sistematica
- Plaschair da vender e da cussegliar
- Resistenza corporala
- Schliar incumbensas tecnicas
- Lavurar cun maschinas
- Lavurar en moda exacta
- Lavurar cun ils mauns
- Avair contact cun persunas
Scolaziun
En ina fatschenta spezialisada da velos
1 di per emna en la scola professiunala spezialisada
Emprender, approfundar ed exercitar las basas professiunalas, 24 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Mecanist / Mecanista da velos AFQ
Furmaziun cuntinuonta
Curs
Purschidas da scolas professiunalas spezialisadas e da 2rodas Svizra, www.2radschweiz.ch
Emprendissadi supplementar
Mecanistas e mecanists da velos AFQ pon per regla far in emprendissadi scursanì sco mecanista u mecanist da motos AFQ.
Examen professiunal superiur (EPS)
P.ex. Mainagestiun dal sectur da duas rodas cun diplom federal
Scola spezialisada superiura (SSS)
Studis en secturs spezialisads parentads, p.ex. Tecnicista u Tecnicist da construcziun da maschinas dipl. SSS
Scola auta spezialisada (SAS)
Studis en secturs parentads, p.ex. bachelor of science en tecnica d'automobils e da vehichels u en tecnica da maschinas. Tut tenor la scola auta spezialisada valan differentas cundiziuns d'admissiun
Professiuns sumegliantas
