Cusunza da decoraziuns AFP
Cusunz da decoraziuns AFP
1. onn d’emprendissadi: CHF 550.–
2. onn d’emprendissadi: CHF 650.–
Cusunzas e cusunzs da decoraziuns cusan sumbrivals, plimatschs ed autras decoraziuns da taila. Ellas ed els lavuran cun maschinas da cuser ed a maun vi da differentas tailas. La glieud da professiun mesira tocs da taila ed als taglia ora. Ultra da quai cusseglian ellas ed els la clientella davart decoraziuns.
Incumbensas
- planisar ils singuls pass da lavur
- controllar la rauba furnida ed annunziar a las persunas responsablas, sch'i dat problems
- preparar la maschina da cuser, la guglia ed il fil
- declerar a la clientella, tge effect che las colurs han sin in local
- enconuscher differents stils architectonics e da mobiglias
- cuser sumbrivals e plimatschs che van a prà cun il stil d'in local
- controllar products finids
- scriver rapports da lavur
- far glistas da material ch'è vegnì duvrà per la producziun
- metter davent material, nettegiar la plazza da lavur e dismetter rument
- calcular la lunghezza e la ladezza da las tailas
- mesirar e tagliar ora la taila
- cuser cun la maschina u a maun cuvertas da maisa e sumbrivals cun bindels da sumbrivals ed er fixar p.ex. crutschs, rintgs ed anzas per pender si
- producir rollas per la tatona u differents geners da plimatschs
- cuser si serranetgas, bindels agraffants u nufs
Ambient da lavur
Cusunzas e cusunzs da decoraziun lavuran en ateliers da cuser. Tar pitschnas decoraziuns cusan ellas ed els plitost cun seser, en cas da grondas tailas èn ellas ed els però er savens en pe. La glieud da professiun lavura en pitschens teams cun creadras e creaders da textilias interiuras.
Cusunzas e cusunzs da decoraziuns lavuran en differents manaschis da la branscha textila. Per pudair surpigliar ulteriuras funcziuns en manaschis, ston ellas ed els dentant far ina furmaziun supplementara sco creadras u creaders da textilias interiuras.
Pretensiuns e interess
- Inschign manual
- Moda da lavurar conscienziusa ed exacta
- Imaginaziun tridimensiunala
- Creativitad
- Plaschair da vender e da cussegliar
- Senn per estetica
- Lavurar endadens
- Lavurar cun ils mauns
- Lavurar en moda exacta
- Dissegnar, decorar, crear
- Lavurar cun taila, tgirom e palpiri
Scolaziun
En in manaschi da decoraziun interna u en in manaschi da producziun da la branscha da decoraziun interna.
Per regla curs da bloc da mintgamai 5 dis en la scola professiunala spezialisada.
Emprender, approfundar ed exercitar las basas professiunalas, 10 dis durant 2 onns.
2 onns
Terminà la scola obligatorica
Cusunz / Cusunza da decoraziuns AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er d'associaziuns professiunalas
Emprendissadi supplementar
Cusunzas e cusunzs da decoraziun AFP pon per regla far in emprendissadi scursanì sco Creader u Creadra da textilias interiuras AFQ. Suenter pon vegnir absolvidas las medemas furmaziuns supplementaras sco per Creader u Creadra da textilias interiuras AFQ.
Professiuns sumegliantas
