Assistenta per il mantegniment da vehichels a duas rodas AFP
Assistent per il mantegniment da vehichels a duas rodas AFP
![[object Object],[object Object]](https://media.sdbb.ch/transform/6635a227-e5eb-463d-8df8-ec0f58c70872/FM-LS-111-jpg?io=transform:fill,width:740,height:490)
Assistentas ed assistents per il mantegniment da vehichels a duas rodas controlleschan, mantegnan e reparan velos e motos. Ellas ed els remplazzan tocs da vehichels isads tenor las instrucziuns da persunas superiuras.
Incumbensas
- discurrer cun la clientella per chapir ils basegns
- montar tenor instrucziun ils velos novs obtegnids da producents
- configurar la sella, il guvernagl e la midada dals girs
- controllar il rom, las rodas, ils pneus, ils frains e la glisch
- nettegiar ils vehichels a duas rodas, per la vendita u per als returnar a la clientella
- reparar ed equilibrar las rodas, pia giustar ils giavegls ed ils radis, demontar e montar pneus e controllar la pressiun da l'aria e sch'ils pneus èn isads
- mantegnair vehichels a duas rodas, p.ex. remplazzar midadas dals girs da velos u regladers da sveltezza da motos
- controllar, emplenir u midar il liquid dals frains
- emplenir formulars d'empustaziun e da furniziun
- administrar magasins e collavurar tar inventarisaziuns
- nettegiar maschinas, urdains ed apparats da mesiraziun
- actualisar ils tools da computer
- dismetter en moda ecologica ils tocs duvrads, ils materials, las battarias ed ils liquids
Ambient da lavur
Assistentas ed assistents per il mantegniment da vehichels a duas rodas lavuran en pitschens teams sut la direcziun da mecanists da velos u da motos. Ellas ed els lavuran en lavuratoris e butias. Tut tenor il manaschi èn ellas ed els en contact direct cun la clientella. Lur temp da lavur sa drizza tenor las uras d'avertura da las fatschentas, uschia che las persunas da questa professiun lavuran mintgatant la sonda. Las uras da lavur durant stagiuns chaudas èn pli lungas che durant stagiuns fraidas.
Tut tenor l'accent chattan assistentas ed assistents per il mantegniment da vehichels a duas rodas plazzas en negozis per motos u per velos, en garaschas u tar constructurs da motos u da velos. Il martgà da lavur è bun, perquai che velos e motos giogan er en l'avegnir ina rolla impurtanta per la mobilitad.
Pretensiuns e interess
- Inschign manual
- Moda da lavurar independenta
- Dun per cifras
- Chapientscha tecnica
- Moda da lavurar conscienziusa ed exacta
- Moda da lavurar sistematica
- Resistenza corporala
- Plaschair da vender e da cussegliar
- Schliar incumbensas tecnicas
- Lavurar cun maschinas
- Lavurar en moda exacta
- Lavurar cun ils mauns
- Avair contact cun persunas
Scolaziun
En in lavuratori u en ina garascha
1 di per emna en la scola professiunala spezialisada
Emprender, approfundar ed exercitar las basas professiunalas, 14 dis durant 2 onns
2 onns
- Velo
- Moto
Terminà la scola obligatorica
Assistent / Assistenta per il mantegniment da vehichels a duas rodas AFP
Furmaziun cuntinuonta
Curs
Purschidas da scolas professiunalas spezialisadas e da 2rodas Svizra, 2radschweiz.ch.
Emprendissadi supplementar
Assistentas ed assistents per il mantegniment da vehichels a duas rodas AFP pon per regla far in emprendissadi scursanì sco mecanista u mecanist da velos AFQ u sco mecanista u mecanist da motos AFQ. Suenter pon vegnir absolvidas las medemas furmaziuns supplementaras sco per las professiuns respectivas cun AFQ.
Professiuns sumegliantas
