Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Nettegiader / Nettegiadra d’edifizis AFQ

Nettegiadras e nettegiaders d’edifizis nettegian e tgiran spazis exteriurs ed interiurs, edifizis, meds da transport e lur indrizs. Els surpiglian er incumbensas pretensiusas sco cumbatter parasits u allontanar graffitis.

Lavurs

Nettegiadras e nettegiaders d’edifizis èn responsabels per il nettegiament, la tgira ed il mantegniment d’edifizis e meds da transport. Els procuran per abitaziuns, biros, locals da vendita, ospitals, fabricas, trams e trens, plazzals, euv. nets ed igienics.

En abitaziuns e biros fan nettegiaders d’edifizis per exempel nettegiaments da mantegniment sco era nettegiaments intermediars e fundamentals u nettegian tarpuns. Els surpiglian er incumbensas da nettegiament pretensiusas che pretendan l’utilisaziun d’apparats e meds spezials. Latiers tutgan per exempel nettegiaments finals suenter la fabricaziun da construcziuns novas e reconstrucziuns, la dischinfecziun professiunala da salas d’operaziun, nettegiaments da fatschadas, allontanar graffitis u cumbatter parasits.

Nettegiaders d’edifizis lavuran cun maschinas ed apparats sco nettegiaders ed ejecturs a pressiun auta, maschinas a rudella, maschinas da lavar si e da tschitschar e maschinas da scuar e da tschitschar, apparats per il nettegiament bletsch, euv. Els utiliseschan correctamain las maschinas, las mantegnan e fan pitschnas reparaturas. Ultra da quai èn els infurmads davart l’utilisaziun da meds da nettegiar, da tgirar e da dischinfectar. Quels èn per part toxics e ston vegnir applitgads a moda professiunala per evitar donns e per betg periclitar umans e l’ambient.

Per mintg’incumbensa erueschan nettegiaders d’edifizis la metoda da nettegiar la pli adattada ed effizienta e calculeschan il temp da lavur. Els tschernan ils apparats, las maschinas, ils guaffens ed il material da diever adattà, determineschan la quantitad e la concentraziun dals meds da nettegiar e mettan a disposiziun meds d’agid eventuals per las lavurs planisadas: auzaders, puntanadas, folia da protecziun, serradas da vias, cabels da prolungaziun, euv. Suenter avair terminà l’incumbensa scrivan els in rapport ed infurmeschan lur schefs.

Durant lur lavur resguardan nettegiaders d’edifizis las prescripziuns davart la segirezza da lavur, la protecziun da la sanadad, l’igiena e la protecziun da l’ambient. Els èn savens sin via e ston adina s’adattar a novs conturns e novas incumbensas e per part era lavurar la saira e durant las fins d’emna. Els lavuran a moda autonoma, conscienziusa ed orientada a la clientella.

Scolaziun

Basa legala

Ordinaziun federala 15-9-2010

Durada

3 onns

Furmaziun en la pratica

En in manaschi da nettegiar

Furmaziun en scola

1 di l’emna a la scola professiunala

Roms professiunals

  • nettegiament, tgira, mantegniment
  • segirezza da la lavur, protecziun da la sanadad, protecziun da l’ambient, igiena
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "nettegiader / nettegiadra d’edifizis AFQ"

Premissas

Furmaziun preliminara
  • scola populara terminada
Pretensiuns
  • enclegientscha pratica
  • sanadad robusta
  • buna constituziun e movibilitad corporala
  • naginas allergias (en connex cun products da nettegiar)
  • senza sturnizi
  • abilitad da lavurar en in team e buna demananza
  • plaschair da lavurar en differents lieus

Furmaziun supplementara

Curs

purschidas da scolas spezialisadas e professiunalas sco era da l’Associaziun da las interpresas svizras da nettegiament Allpura (p.ex. curs da chemicalias, cumbat cunter parasits, nettegiament da fatschadas, euv.)

Examen professiunal (EP)

spezialist / spezialista per nettegiar edifizis cun certificat professiunal federal

Examen professiunal superiur (EPS)

nettegiader / nettegiadra d’edifizis dipl., manader / manadra Facility Management

Scola spezialisada superiura (SSS)

p.ex. manader / manadra da gestiun dipl. en Facility Management SSS

Scola auta spezialisada (SAS)

studis en direcziuns parentadas, p.ex. Bachelor of Science (SAS) en Facility Management

Cundiziuns da lavur

Nettegiaders d’edifizis lavuran en manaschis da nettegiament da differenta grondezza e direcziun. Els han savens temps da lavur irregulars e lavuran era las sairas e las fins d’emna.

Nettegiaders d’edifizis èn persunas professiunalas tschertgadas. Cun ina furmaziun supplementara correspundenta han els bunas schanzas da far carriera.

Ulteriuras infurmaziuns

Allpura Associaziun da las interpresas svizras da nettegiament
Secretariat da curs e d’examens
Tribschenstr. 7
Chascha postala 3065
6002 Lucerna
Tel: 041 368 58 22
URL: www.allpura.ch



berufsberatung.ch