Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 24. November ab 17.00 Uhr bis 24.00 Uhr zu einzelnen Ausfällen kommen.

Chanastrer / Chanastrera AFQ

Chanastreras e chanastrers entretschan, reparan e restaureschan rauba da cuditschas or da salesch, rattan ed auters materials. Ultra da quai reparan els canapés e pultrunas cun elements entretschads e produceschan elements da construcziun entretschads per chasa e curtin.

Lavurs

Chanastrers elavuran oravant tut materials natirals; salesch, rattan e products da rattan, schervettas e differentas cordas. Las abilitads tecnicas emprendidas sa laschan dentant er applitgar per auters materials. Uschia è ina incumbensa p.ex. era quella da remplazzar entretschadas da materia sintetica da mobiglias d’iert.

Grazia a lur inschign creativ e manual èn chanastreras e chanastrers abels d’exequir independentamain ina incumbensa, e quai dal sboz fin a la realisaziun. Els lavuran a moda exacta, resguardan ils giavischs da la clientella e liquideschan las incumbensas administrativas che stattan en connex cun lur lavur.

Da la preparaziun dal material fin al tractament da la surfatscha fan chanastrers tut ils pass da lavur a maun. Els na produceschan betg mo chanasters tradiziunals, mabain er objects d’endrizzament per il sectur d’abitar, per butias e per la gastronomia. Els produceschan dentant er objects da decoraziun per chasa e curtin u elements da paravista, saivs u pavigliuns.

Blers products da chanasteria èn fabricaziuns unicas. Chanastreras e chanastrers creeschan products individuals tenor las ideas e las indicaziuns da mesira da la clientella. Els produceschan dentant era serias pli pitschnas u pli grondas d’in artitgel.

Era la reparatura e la restauraziun da rauba da cuditschas e da mobiglias da rattan tutgan tar las incumbensas da chanastrers. Plinavant remplazzan els entretschaments defects sco surfatschas da sutgas, spundas da mobiglias da lain e da metal.

Scolaziun

Basa legala

Ordinaziun federala 1-1-2018

Durada

3 onns

Furmaziun en la pratica

En in atelier d’entretschar, in lavuratori assistì u in lavuratori per persunas cun impediments

Furmaziun en scola

A la Scola da sculptura da lain a Brienz/BE (4 blocs à 2 emnas per onn d’emprendissadi)

Roms professiunals

  • incumbensa: contact cun clientella ed assistenza, material da fabricaziun, AVOR, lavurs creativas
  • administraziun: calculaziun, marketing, documentaziuns
  • fabricaziun: istorgia, segirezza da la lavur / sanadad, iseglia, preparar materials da fabricaziun, meds d’agid, entretschar, fabritgar curunas, reparaturas / restauraziuns, tractar surfatschas, lavurs cun materials spezials, montascha / furniziun
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "chanastrer / chanastrera AFQ"

Premissas

Furmaziun preliminara
  • scola obligatorica terminada cun pretensiuns da basa
  • La furmaziun professiunala da basa vegn en dumonda er per persunas tschorvas, cun impediments da la vesida u cun impediments corporals. Tut tenor las premissas po la furmaziun da basa vegnir prolungada (tenor l'art. 18 da la Lescha federala davart la furmaziun professiunala dals 13-12-2002).
Pretensiuns
  • senn per art applitgà, furmas e proporziuns
  • inschign manual, movibilitad da la detta
  • mauns ferms
  • bun egl
  • senn per lavurar bain, a moda netta ed exacta
  • perseveranza

Furmaziun supplementara

Curs

purschidas da scolas spezialisadas e professiunalas, da scolas per art applitgà, da la Cuminanza d’interess tessaria da chanasters Svizra IGK sco era da la Cuminanza d'interess artisanadi en lain IGKH

Scola auta spezialisada (SAS)

studis en direcziuns spezialisadas parentadas, p.ex. Bachelor of Arts (SAS) en intermediaziun d'art e design u Bachelor of Arts (SAS) en design da products e design industrial

A l’exteriur

Staatliche Berufsfachschule für Flechtwerkgestaltung a Lichtenfels/D (scolaziun sco maister chanastrer / maistra chanastrera)
Ecole nationale d'Osiériculture et de Vannerie a Fayl-Billot/F (curs)

Cundiziuns da lavur

Chanastreras e chanastrers lavuran en l’agen atelier. Quai pretenda grond engaschi. Products bunmartgads producids a moda industriala engrevgeschan la vendita da lavurs a maun d’auta qualitad. Per quest motiv èsi impurtant per chanastrers da sa profilar cun atgnas lavurs d’entretschar sin il martgà.

Chanastreras independentas han en il cas ideal ina segunda lavur: p.ex. in affar per rauba da cuditschas u in’activitad d’instrucziun en in center da curs.

Persunas che s’engaschan socialmain han la pussaivladad da lavurar sco scheffas d'in lavuratori per persunas cun impediments, d'in lavuratori d'ina chasa da tgira u d'instituziuns sumegliantas.

Ulteriuras infurmaziuns

Cuminanza d’interess tessaria da chanasters Svizra IGK
3855 Brienz
URL: www.korbflechten.ch

Cuminanza d'interess artisanadi da lain IGKH
3855 Brienz BE
URL: www.kunsthandwerk-holz.ch

Scola per sculptura da lain
3855 Brienz BE
URL: www.holzbildhauerei.ch



berufsberatung.ch