Spezialist per la promoziun dal moviment e da la sanadad AFQ
Spezialista per la promoziun dal moviment e da la sanadad AFQ
Correspunda questa professiun a mai?![[object Object],[object Object]](https://media.sdbb.ch/transform/73420468-6f71-4431-82ea-ab0ea9880dd9/014_Fachfrau_Bewegungs_und_Gesundheitsfoerderung_V_F-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 900.–
3. onn d’emprendissadi: CHF 1250.–
Spezialistas e spezialists per la promoziun dal moviment e da la sanadad accumpognan persunas da tut las vegliadetgnas en centers da fitness e sumegliantas instituziuns. Els erueschan lur basegns e resguardan ils giavischs e las circumstanzas da la vita per porscher programs da moviment e da schluccar adattai.
Incumbensas
- far bainvegni a la clientella e dumandar suenter giavischs, basegns u circumstanzas da la vita
- emplenir ina descripziun da la persuna ed agiuntar quella cun in questiunari davart la sanadad
- fixar finamiras individualas e realisticas sco er sustegnair la realisaziun d’in stil da viver sanadaivel cun moviment, recreaziun e bun nutriment
- metter ensemen e porscher programs da standard da moviment e da schluccar per persunas singulas u gruppas
- adattar programs da trenament individualmain
- gidar tar l’elecziun dal indriz da sport il pli adattà, p.ex. velo, apparat da remblar, bindel da currer
- mussar exercizis, curreger la posiziun dal corp e controllar il diever dals apparats
- motivar ils participants sco er mesirar e documentar lur prestaziuns
- far exercizis da coordinaziun, da movibladad, da rinforzament da la musculatura ni da cundiziun cun musica ritmica
- gidar en cas da situaziuns d’urgenza e dar alarm sche necessari
- infurmar e cussegliar la clientella, per part en linguas estras
- vender abunaments e products, p.ex. aditivs alimentars, material u vestgadira da sport
- administrar inventari dal deposit
- s’infurmar davart novs trends e svilups
- manar l’agenda e respunder telefons
- far la correspundenza sco er statisticas e tschentar quint
- far enquistas da clientella e respunder a reclamaziuns
- controllar, tgirar e mantegnair locals, endrizzament, apparats e material
- resguardar prescripziuns da igiena e dismetter products da nettegiar adattà a l’ambient
Ambient da lavur
Spezialists per la promoziun dal moviment e da la sanadad lavuran en centers da wellness e da sanadad, en studios da gimnastica, tar uffizis da sport u uniuns, en hotels ed ulteriuras instituziuns da la promoziun dal moviment e da la sanadad. Els lavuran persuls u en collavuraziun cun trenaders da fitness, manadras da gimnastica, massaders u cosmeticras. Els portan vestgadira adattada per activitads fisicas. Lur temp da lavur po esser lungs e malregulads, damai ch’ils studios da fitness èn er averts la saira u la fin da l’emna.
Las glieud da professiun chattan plitost lavur en citads u en regiuns turisticas. Cun intgina experientscha pon els surpigliar la direcziun d’in center da fitness u vegnir sur sasez.
Pretensiuns e interess
- Senn per moviments e per coordinaziun
- Resistenza corporala
- Abilitads pedagogicas
- Savair crear confidenza
- Prontezza da lavurar durant uras irregularas u servetschs da notg
- Senn per igiena e per nettezza
- Plaschair da vender e da cussegliar
- Senn per l'ospitalitad
- Esser corporalmain activ
- Gidar e tgirar autras persunas
- Cussegliar
- Avair contact cun persunas
Scolaziun
La scolaziun vegn fatga sco emprendissadi en in manaschi.
En in center da fitness u da la sanadad, en in studio da gimnastica u tar l’uffizi da sport
1.+ 2. onn, 2 dis ed il 3. onn, 1 di l'emna a la scola professiunala
Emprender ed exercitar la basa professiunala a moda pratica. 15-17 dis durant 3 onns
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Spezialista / Spezialist per la promoziun dal moviment e da la sanadad AFQ
Furmaziun cuntinuonta
Curs
Purschidas d’instituziuns en il sectur da la promoziun dal moviment e da la sanadad sco era da federaziuns e d'associaziuns professiunalas, p.ex. Federaziun svizra dals centers da fitness e da sanadad SFGV, Associaziun professiunala svizra per sanadad e moviment BGB u Associaziun svizra per sport da sanadad e terapia da sport SFGS, euv.
Spezialisaziun
P.ex. pedagog / pedagoga da moviment
Examen professiunal (EP)
P.ex. spezialista da la promoziun dal moviment e da la sanadad cun certificat professiunal federal, trenader da sport da prestaziun cun certificat professiunal federal
Examen professiunal superiur (EPS)
P.ex. experta per la promoziun dal moviment e da la sanadad dipl., trenader da sport da prestaziun dipl.
Scola superiura spezialisada
P.ex. pedagoga da moviment dipl. SAS
Scola auta spezialisada (SAS)
P.ex. Bachelor of Arts (SAS) en musica e moviment, Bachelor / Master of Science (SAS) en la promoziun da la sanadad e da la prevenziun, en fisioterapia u en nutriment ed dietetica, Bachelor of Science (SAS) en terapia psicomotorica, Bachelor/Master of Science (SAFSM) en sports, Bachelor of Science (SAS). Tut tenor scola auta spezialisada valan differentas cundiziuns d’admissiun.
Professiuns sumegliantas
