Zum Titel springen

Cosmeticher / Cosmeticra AFQ

Lavurs

Cosmeticras e cosmetichers AFQ èn spezialists per la sanadad e la bellezza da la pel. Els gidan las persunas da tgirar ed embellir lur apparientscha. Els tractan lur clientas e clients per il solit en instituts da cosmetica ed als cusseglian davart la tgira da la pel adattada.

Els exequeschan suandantas lavurs:

Far tractaments
  • nettegiar la pel avant il tractament da radent per allontanar restanzas da make-up
  • intercurir la pel, definir il tip da pel, p.ex. pel sitga u grassa e duvrar ils products corrects
  • constatar sch’i ha tacs da pigments, acna u buttuns sin la pel
  • cussegliar la clienta da contactar il dermatolog tut tenor situaziun
  • definir communablamain cun il client il tractament, sco p.ex. l’epilaziun da la pelegna, la tgira da la pel, la massascha da la fatscha, make-up, la coluraziun dal tschegls e da las survantscheglias, la manicura u la tgira da bellezza dals pes
  • far il tractament da tgira e declerar ils pass singuls e l’effect dals products duvrads
  • far massascha a maun u cun apparats, p.ex. massaschas per stender e furmar la pel u per reducir il stress
Tgirar il material e las localitads
  • nettegiar, sterilisar e tgirar ils utensils duvrads
  • preparar material e products per il tractament
  • nettegiar las localitads, las decorar sco er stgaffir in atmosfera agreabla
Cussegliaziun e vendita
  • cussegliar differents products da tgira e declerar lur utilisaziun e lur effect
  • cussegliar e mussar exercizis per la gimnastica da la fatscha p.ex. per pudair sa schluccar
  • cussegliar la clientella en connex cun lur apparientscha u en connex cun dumondas da make-up e tgira da la pel
Lavurs administrativas
  • organisar il decurs dal di sin fundament dal chalender da termins
  • administrar las datas da la clientella
  • tegnair quint da las entrads, p.ex. tractaments e vendita da products, sco er extradas, p.ex. cumpra da products e da material, locaziun e reclama
  • controllar l’inventari dal deposit, far empustaziuns, retschaiver rauba

Scolaziun

Durada

3 onns

Furmaziun en la pratica

En in institut da cosmetica

Furmaziun en scola

1 di l'emna a la scola professiunala

Roms professiunals

  • economia da manaschi, organisaziun da manaschi e tecnicas da manaschi
  • igiena, segirezza da la lavur e mesiras da protecziun
  • communicaziun, cussegliaziun e vendita
  • cosmetica da tgira
  • tractaments spezials
  • scienzas natiralas ch’èn relevantas per la professiun ed enconuschientschas dal corp

Curs ordaifer il manaschi

Emprender ed exercitar a moda pratica la basa professiunala. 12-14 dis durant 3 onns

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Scolas privatas da cosmetica

Scolaziuns cun attestat federal da qualificaziun (AFQ):

  • EFAKOS, Scola spezialisada d'elita per cosmetica, Aarau
  • ARCOS Academia per cosmetologia, Son Gagl

Diplom

Cosmeticher / Cosmeticra AFQ

Premissas

Furmaziun preliminara
  • Temp da scola obligatoric terminà
Pretensiuns
  • plaschair dal contact cun umans
  • cumportament orientà a la clientella e buna demananza
  • persuna inschignaivla
  • sentiment per furmas e colurs
  • buna imaginaziun dal spazi
  • sentiment per igiena e nettezza
  • parita cultivada
  • forza psichica
  • discreziun

Furmaziun supplementara

Curs e seminaris

purschidas da scolas spezialisadas sco era d’associaziuns, p.ex. da l'Associaziun svizra per cosmetica SFK, da la secziun spezialisada make-up permanent PMU, da l'Associaziun svizra dals visagists VVdS

Examen professiunal (EP)

cun certificat professiunal federal:
- cosmeticher  cosmeticra direcziun speziala cosmetica medicinala
- visagista

Examen professiunal superiur (EPS)

cosmeticher diplomà / cosmeticra diplomada

Cundiziuns da lavur

osmeticras lavuran en instituts da cosmetica ed en partiziuns da cosmetica d'affars gronds u da fatschentas grondas da coiffeur, en drogarias, apotecas, parfumarias e praticas da dermatologs. Tut tenor lieu da lavur lavuran els savens persuls. Persunas da professiuns en gronds saluns pon sa spezialisar sin differentas sorts da tractament, p.ex. sin massaschas, epilaziun da pelegna u tractament da nodas sin la pel. Tut tenor lieu da lavur pon ils temps da lavur esser malregulads.

Cun experientscha da lavur pon las cosmeticras ed ils cosmetichers fundar in agen manaschi u surpigliar ina posiziun da manader u manadra en instituts da cosmetica pli gronds e accumpagnar emprendists.

Ulteriuras infurmaziuns

Associaziun svizra per cosmetica SFK
5034 Suhr
URL: www.sfkinfo.ch

EFAKOS
Scola spezialisada d'elita per cosmetica
4800 Zofingen
Tel: +41 62 824 60 44
URL: www.efakos.ch

Arcos
Academia per cosmetologia
9014 Son Gagl
Tel: +41 71 274 28 10
URL: www.arcosakademie.ch



berufsberatung.ch