Coiffeusa AFQ
Coiffeur AFQ
![[object Object],[object Object]](https://media.sdbb.ch/transform/79d71498-a426-4087-a54b-6b9adbcc3e55/coiffeur_j_r_5475-jpg?io=transform:fill,width:740,height:490)
Coiffeurs e coiffeusas AFQ taglian e colureschan chavels, creeschan frisuras e tgiran la pel dal chau ed ils chavels. Els cusseglian lur clients e clientas en connex cun tagls adattads, colurs e products da tgira.
Incumbensas
- beneventar ils clients, als plazzar en in lieu liber e s'infurmar davart lur giavischs
- cussegliar la clientella tar la tscherna d’ina frisura e la colur adattada al tip
- esser al current pertutgant peruccas e pussaivladads d’agiuntar chavels
- communitgar segir ed orientà a la clientella durant la cussegliaziun e vendita
- lavar l’emprim ils chavels da la clientella cun in product da tgira che va a prà cun ils chavels e cun la pel dal chau
- tagliar ils chavels cun differentas tecnicas da tagliar: tagliar orizontalmain, diagonalmain, far stgalims ed effilar
- tagliar barbas e conturas
- colurar e sblatgir ils chavels cun meds chemics e survegliar exactamain il temp d’agir tar ina midada da la colur dals chavels
- far permanentas, toupar, stender, ondular u tschurrar ils chavels
- sientar ils chavels cun il favugn e cun il barschun u papigliottas e dar la furma giavischada
- far si chavels per occasiuns spezialas cun differentas tecnicas per chavels lungs e fermar ils chavels
- dar si products da finish e mussar a la clienta il resultat cun il spievel
- tegnair net lur plaz e conturn da lavur
- procurar per in'atmosfera agreabla en fatschenta
- dischinfectar tenor basegn ils utensils da lavur sco forschs, apparats cun nizzas e barschuns
- resguardar las prescripziuns en connex cun la segirezza da la lavur e l’igiena ed evitar accidents e donns da material
- guardar d’avair ina buna posiziun da lavur durant la lavur, per ch’els na fetschian betg donn al corp
Ambient da lavur
Per coiffeurs qualifitgads e coiffeusas qualifitgadas porscha la bursa da lavur bunas pussaivladads. Sco lieu d’acziun vegnan en dumonda sper fatschentas da coiffeur er televisiun e teater, cruscheras, centers d’attempads e da tgira u ospitals, nua che coiffeurs pon lavurar en atgna responsabladad.
Suenter la furmaziun correspundenta (examen professiunal superiur) datti la pussaivladad d’avrir in’atgna fatschenta.
Coiffeurs lavuran era las sondas e las sairas. La professiun è adattada per lavur a temp parzial.
Pretensiuns e interess
- Inschign manual
- Senn per estetica
- Curtaschia e sensibilitad
- Plaschair dal contact cun glieud
- Nagins disturbis da vesair colurs
- Resistenza corporala
- Plaschair da vender e da cussegliar
- Lavurar cun ils mauns
- Lavurar en moda exacta
- Dissegnar, decorar, crear
- Gidar e tgirar autras persunas
- Cussegliar
Scolaziun
En ina fatschenta da coiffeur u en ina scola professiunala privata. I sto vegnir sclerì tar las scolas spezialisadas, schebain la scolaziun vegn terminada cun in attestat federal da qualificaziun.
1 di per emna a la scola professiunala
Emprender ed exercitar a moda pratica la basa professiunala (12-14 dis durant 3 onns)
3 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Coiffeur / Coiffeusa AFQ
Furmaziun cuntinuonta
Curs
Purschidas dal Verband Schweizer Coiffeurgeschäfte coiffureSUISSE ina furmaziun supplementara permanenta è necessaria pervia da las tendenzas modernas che sa midan
Scolaziun supplementara
Coiffeur / coiffeusa da teater, artist / artista da make-up
Examen professiunal (EP)
Coiffeur / coiffeusa cun certificat federal da qualificaziun, visagist / visagista cun certificat federal
Examen professiunal superiur (EPS)
Coiffeur / coiffeusa cun diplom federal
Professiuns sumegliantas
