Coiffeur AFP
Coiffeusa AFP
![[object Object],[object Object]](https://media.sdbb.ch/transform/d4a68957-c9fe-43e5-a8da-3dadb52d0aa9/Coiffeur-LH-019-jpg?io=transform:fill,width:740,height:490)
Coiffeurs e coiffeusas AFP creeschan frisuras a las clientas ed als clients. Tenor cunvegnientscha cun lur superiurs lavan, taglian, colureschan els ils chavels e creeschan frisuras.
Incumbensas
- beneventar ils clients, als plazzar en in lieu liber e s'infurmar davart lur giavischs
- avair endament cun la clientella tge che duai vegnir fatg
- dumandar ils superiurs per cussegl sch'il client u la clienta giavischa ina cussegliaziun extendida
- planisar cun ils superiurs ils singuls pass da lavur
- lavar ils chavels da la clienta u dal client e far ina massascha a la pel dal chau
- crear la frisura tut tenor l' instrucziun dals superiurs, pia tagliar ils chavels, dar colur, stender, ondular, crear frisuras e toupar ils chavels
- mussar al client u a la clienta la frisura fatga cun il spievel da maun
- cussegliar e vender products da tgira, sco p. ex. balsams curativs e lac da chavels tenor cunvegnientscha cun il superiur
- tgirar ils utensils da lavur
- resguardar las prescripziuns en connex cun la segirezza da la lavur per evitar accidents e donns da material
- guardar d’avair ina cumparsa correcta ed ina buna posiziun da lavur durant la lavur, per na betg far donn al corp
Ambient da lavur
Coiffeurs e coiffeusas AFP lavuran en ina fatschenta da coiffeur. Els lavuran savens era las sondas. La professiun è adattada per lavur a temp parzial.
Pretensiuns e interess
- Inschign manual
- Curtaschia e sensibilitad
- Senn per estetica
- Creativitad
- Plaschair dal contact cun glieud
- Nagins disturbis da vesair colurs
- Resistenza corporala
- Lavurar endadens
- Lavurar cun ils mauns
- Lavurar en moda exacta
- Avair contact cun persunas
- Cussegliar
Scolaziun
En ina fatschenta da coiffeur
1 di per emna a la scola professiunala
Emprender ed exercitar a moda pratica la basa professiunala (8-10 dis durant 2 onns)
2 onns
Temp da scola obligatoric terminà
Coiffeur / Coiffeusa AFP
Furmaziun cuntinuonta
Curs
Purschidas da l’Associaziun Schweizer Coiffeurgeschäfte coiffureSUISSE
Coiffeur / Coiffeusa AFQ
Coiffeurs / coiffeusas AFP pon far ina furmaziun da basa scursanida sco coiffeur / coiffeusa AFQ (entrada en il 2. onn da scolaziun).
Professiuns sumegliantas
