Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Coiffeur / Coiffeusa AFQ

Coiffeurs e coiffeusas AFQ taglian e colureschan chavels, creeschan frisuras e tgiran la pel dal chau ed ils chavels. Els cusseglian lur clients e  clientas en connex cun tagls adattads, colurs e products da tgira.

Lavurs

Al termin fixà beneventan coiffeurs e coiffeusas lur clientas en la fatschenta da coiffeur. Els plazzeschan ellas en in lieu liber, s’infurmeschan davart ils giavischs e cusseglian tar la tscherna d’ina frisura adattada al tip. Els infurmeschan davart colurs adattadas ed èn al current pertutgant peruccas e pussaivladads d’agiuntar chavels. Suenter la cussegliaziun lavan els per regla l’emprim ils chavels da la clienta. Latiers elegian els in product da tgira che va a prà cun ils chavels e cun la pel dal chau.

La frisura ed il tagl, saja quai curt u lung, ston ir a prà cun las proporziuns da la fatscha e dal corp dals clients. Coiffeurs dovran differentas tecnicas da tagliar: Els taglian orizontalmain, diagonalmain, stgalims ed effileschan ils chavels. Ultra da quai taglian els stgalims, barbas e conturas. Tar ina midada da la colur dals chavels colureschan e sblatgeschan coiffeurs ils chavels cun meds chemics e surveglian il temp d’agir exactamain. Els fan permanentas, toupeschan, stendan, onduleschan u tschurran ils chavels.

Suenter sientan coiffeurs ils chavels cun il favugn e cun il barschun u papigliottas e dattan la furma giavischada. Els petgnan differentas tecnicas per chavels lungs e ferman ils chavels per occasiuns spezialas tar frisuras creativas. A la fin dovran els products da finish e mussan a la clienta il resultat cun il spievel da maun.

Coiffeurs tegnan net lur plaz e conturn da lavur. Els tgiran e dischinfecteschan tenor basegn lur utensils da lavur sco forschs, apparats cun nizzas e barschuns. Els resguardan las prescripziuns en connex cun la segirezza da la lavur e l’igiena ed eviteschan accidents e donns da material. Durant la lavur guardan els d’avair ina buna posiziun da lavur, per ch’els na fetschian betg donn al corp.

Coiffeurs èn persunas che prestan in servetsch. Tar la cussegliaziun e tar la vendita da products da tgira communitgeschan els a moda segira ed orientada als clients. Els s’identifitgeschan cun lur manaschi e sa stentan da crear ina buna atmosfera en lur manaschi.

Scolaziun

Basa legala

Ordinaziun federala 1-11-2013

Durada

3 onns

Furmaziun en la pratica

En ina fatschenta da coiffeur u en ina scola professiunala privata. I sto vegnir sclerì tar las scolas spezialisadas,  schebain la scolaziun vegn terminada cun in attestat federal da qualificaziun.

Furmaziun en scola

1 di per emna a la scola professiunala

Roms professiunals

  • S’occupar da clientas e clients
  • cussegliar e vender
  • tractar e tgirar la pel dal chau ed ils chavels
  • tagliar, midadas da colur e dar ina furma permanenta als chavels
  • crear frisuras
  • organisar ed avair quità dal conturn da lavur
  • garantir la segirezza da la lavur, segirar la protecziun da la sanadad e da l’ambient
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "coiffeur / coiffeusa AFQ"

Premissas

Furmaziun preliminara
  • scola populara terminada
Pretensiuns
  • interess vi da bellezza e moda
  • senn per furmas e colurs
  • persuna inschignaivla, sensibilitad
  • senn per nettezza ed igiena
  • plaschair vi dal contact cun  umans
  • fitg buna abilitad da communitgar
  • empatia
  • discreziun
  • saun dies
  • pes e mauns sauns per la lavur en pe
  • naginas allergias resp. nagina ipersensibilitad da la pel (utilisaziun da products, schampos e meds da tgira)

Furmaziun supplementara

Curs

purschidas dal Verband Schweizer Coiffeurgeschäfte coiffureSUISSE ina furmaziun supplementara permanenta è necessaria pervia da las tendenzas modernas che sa midan

Scolaziun supplementara

coiffeur / coiffeusa da teater, artist /  artista da make-up

Examen professiunal (EP)

coiffeur / coiffeusa cun certificat federal da qualificaziun, visagist / visagista cun certificat federal

Examen professiunal superiur (EPS)

coiffeur / coiffeusa cun diplom federal

Cundiziuns da lavur

Per coiffeurs qualifitgads e coiffeusas qualifitgadas porscha la bursa da lavur bunas pussaivladads. Sco lieu d’acziun vegnan en dumonda sper fatschentas da coiffeur er televisiun e teater, cruscheras, centers d’attempads e da tgira u ospitals, nua che coiffeurs pon lavurar en atgna responsabladad.

Suenter la furmaziun correspundenta (examen professiunal superiur) datti la pussaivladad d’avrir in’atgna fatschenta.

Coiffeurs lavuran era las sondas e las sairas. La professiun è adattada per lavur a temp parzial.

Ulteriuras infurmaziuns

coiffureSUISSE
Verband Schweizer Coiffeurgeschäfte
3000 Bern 22
Tel: 031 332 79 42
URL: www.coiffuresuisse.ch

Revista professiunala:
"Journal Coiffure Suisse"




berufsberatung.ch