Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Chalger / Chalgera d’ortopedia AFQ

Chalgeras e chalgers d’ortopedia fan chalzers sin mesira u chalzers da seria sco era chalzers spezials ortopedics. Els fan era correcturas e reparaturas. Ina part impurtanta da lur lavur è la cussegliaziun da la clientella.

Lavurs

Cun meds d’agid e products da la tecnica da chalzers ortopedica po la posiziun dal pe u dal corp vegnir curregida. Uschia pon umans cun ils pli differents problems chaminar senza avair mal ed a moda cumadaivla. Els dovran per exempel solas ortopedicas fabritgadas a moda individuala, chalzers spezials u sustegns. Las chalgeras ed ils chalgers d’ortopedia disponan da la savida necessaria per far quests products.

Avant ch'ils chalgers d’ortopedia exequeschan lur incumbensas, sclereschan els ils basegns da lur clientella e la cusseglian davart las differentas pussaivladads sco era davart ils custs. Els pon applitgar qua lur savida davart l’anatomia, la patologia e la biomecanica.

Planschan las clientas da mals che vegnan dals pes u da las chommas, da la schanuglia u dal chalun, tschertgan ils chalgers d’ortopedia il motiv e proponan mesiras adattadas. Quai pon per exempel esser agids da rullar giu il pe, correcturas d’absorbaziun e da posiziun, pulstraziuns dal nutigl u cumpensaziuns per chommas scursanidas. Els calculeschan exactamain co ch'insatgi passa e fan silsuenter ina skizza.

Per clients che na pon betg purtar chalzers da seria fan chalgers d’ortopedia chalzers sin mesira a maun da las datas definidas. Per quai fan els l’emprim in negativ da gip dal pe ch’els empleneschan cun stgima dira. Uschia datti in lesch che furma la basa per far il letg dal pe e da la sola.

Chalgers d’ortopedia surpiglian era reparaturas da la sola, dal nutigl e reparaturas da la tecnica da chalzers ortopedica per chalzers da confecziun e chalzers spezials sco era chalzers ortopedics sin mesira e chalzers da seria. Els elavuran en quest connex material sco tgirom, gumma, materia sintetica, colla, chemicalias, textilias e corc. Quels materials dovran els a moda spargnusa ed als magasineschan professiunalmain.

Durant lur lavur da mintgadi tegnan ils chalgers d’ortopedia net lur plaz da lavur e resguardan las prescripziuns davart la protecziun da l’ambient, da la sanadad e da la segirezza da la lavur.

Scolaziun

Basa legala

Ordinaziun federala 1-10-2010 (stan 1-1-2018)

Durada

4 onns

Furmaziun en la pratica

En in atelier per tecnica da chalzers ortopedica

Furmaziun en scola

1 di l'emna a la scola professiunala a Zofingen

Roms professiunals

  • mastergn e tecnologia
  • cussegliaziun da la clientella
  • segirezza da la lavur
  • protecziun da la sanadad
  • protecziun da l’ambient
  • mantegniment da la valur
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "chalger / chalgera d’ortopedia AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha tecnica
  • bun senn per materials
  • senn per furmas e colurs
  • moda da lavur conscienziusa
  • pazienza e perseveranza
  • buna demananza

Furmaziun supplementara

Curs

purschidas da scolas spezialisadas e professiunalas sco era da l’Associaziun pe e chalzer

Examen professiunal superiur (EPS)

maister chalger / maistra chalgera d’ortopedia, maister chalger / maistra chalgera

Scola auta spezialisada (SAS)

studis en secturs spezials parentads, p.ex. Bachelor of Arts (SAS) en design industrial

Cundiziuns da lavur

Chalgers d’ortopedia lavuran en ateliers da la tecnica da chalzers ortopedica u en clinicas ortopedicas.

Suenter ina furmaziun supplementara correspundenta pon chalgers d’ortopedia avrir in agen atelier per tecnica da chalzers ortopedica.

Ulteriuras infurmaziuns

Associaziun svizra Pe e Chalzer SSOMV
Tribschenstrasse 7
Chascha postala 3065
6002 Lucerna
Tel: 041 368 58 09
URL: www.fussundschuh.ch

Revista professiunala:
"Fuss & Schuh"



berufsberatung.ch