![[object Object],[object Object]](https://media.sdbb.ch/transform/1a3ef037-6e50-4204-864b-851b81f4c301/Buehnentanz-BS-NT-2886-jpg?io=transform:fill,width:740,height:490)
Sco ballarina u ballarin preschentas ti differents sauts en il ballet classic e modern, en operas u en musicals. Ti ta preschentas davant public sin tribuna, en il kino u en la televisiun e mussas cun musica ina coreografia emprendida.
Incumbensas
- memorisar ed exequir pass, figuras e posiziuns
- exequir moviments a maun da l'instrucziun da choreografas u choreografs ed integrar resuns
- interpretar sauts cun sentiment, latiers tutgan l'expressiun da la fatscha, gests e l'armonisaziun dals moviments
- improvisar sulet u en gruppas ed observar en quest connex tschertas prescripziuns coreograficas
- collavurar a projects, proponer novas successiuns da saut e preschentar atgnas ideas en il team
- sviluppar novas successiuns da moviments e novas furmas d'expressiun per saut, chant e drama
- interpretar tschertas rollas u tschertas successiuns da saut tenor la choreografia prescritta
- integrar per quest intent tut ils aspects artistics da la rolla
- percepir ed integrar en preschentaziuns il public, l'atmosfera, eveniments nunprevis e l'atgna constituziun corporala e mentala
- adattar la gestica ed ils moviments ad elements da tribuna, a la musica, als requisits, als costums, al make-up sco er a l'atmosfera artistica
- avair quità da sasez: sa nutrir saun, prevegnir a blessuras e ruassar suenter preschentaziuns strapatschantas
- nizzegiar las medias socialas per contacts professiunals, en quest connex er communitgar per englais
- crear e tgirar ina rait, p.ex. visitar preschentaziuns e sa participar ad occurrenzas culturalas ed artisticas
- sa tegnair al current davart ils svilups en l'art
- tschertgar plazzas, scriver annunzias, sa participar a castings e negoziar contracts da lavur
Ambient da lavur
Sco ballarina u ballarin collavuras ti stretgamain cun persunas spezialisadas dals secturs saut, musica e producziun d'art. L'ambient internaziunal pretenda da tai independenza, in senn da responsabladad e l'abilitad da t'integrar en teams. Il barat capita savens en englais. Tut tenor contract has ti preschentaziuns en Svizra ed a l'exteriur, las sairas e las fins d'emna. Quai pretenda da tai l'abilitad da supportar grond squitsch e perseveranza.
Ti chattas savens engaschaments limitads temporarmain. Engaschaments fixs a teaters u engaschaments a lunga vista en gruppas da saut èn plitgunsch excepziuns. La concurrenza per talas plazzas è gronda. Pussaivladads d'engaschament datti er en la furmaziun, l'administraziun ed il management da cultura.
Pretensiuns e interess
- Senn per moviments e per coordinaziun
- Talent per musica e ritmus
- Abilitad da lavurar en in team
- Prontezza da viagiar a l'exteriur
- Perseveranza e capacitad da tegnair la dira
- Resistenza cunter stress
- Resistenza corporala
- Chantar, sautar, far musica
- Esser corporalmain activ
- Esser savens sin viadi
- Lavurar en il team
- Avair contact cun persunas
Scolaziun
La scolaziun vegn fatga sco emprendissadi en ina scola a temp cumplain.
Furmaziun pratica: 4 dis per emna
1 di per emna en la scola professiunala spezialisada a Turitg, Genevra u Lucerna
4 onns
- Saut classic
- Saut contemporan
- Musical
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Ballarin / Ballarina AFQ
Furmaziun cuntinuonta
Curs e workshops
Curs da la federaziun Danse Suisse.
Scola spezialisada superiura (SSS)
- Ballarin / Ballarina dipl. SSS
Scola auta spezialisada (SAS)
- Bachelor of arts en contemporary dance
Tut tenor la scola auta spezialisada valan differentas cundiziuns d'admissiun.
Professiuns sumegliantas
