Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Ballarin / Ballarina AFQ

Ballarinas e ballarins AFQ sautan tar preschentaziuns da saut, tocs da teater, musicals ed operas. Els han in vast repertori da stils e tecnicas per sautar il saut classic ed/u il saut contemporan.

Lavurs

Ballerinas e ballarins s’expriman a moda artistica cun lur saut. Entaifer la professiun datti duas direcziuns: saut classic e saut contemporan.

Ballarinas han in vast repertori da stils e tecnicas da sautar. Ellas sa preschentan cun ensembles e cumpagnias, sautan en operas, tocs da teater, musicals e producziuns da la televisiun u realiseschan agens projects. Ellas creeschan cun lur sautar, sco era cun agid da divers elements da tribuna sco musica, glisch, requisits euv. rollas e temas ch’ellas intermedieschan al public durant ina producziun.

Ballarinas lavuran cun choreografs. Ellas suondan lur instrucziuns è san era proponer sequenzas da moviments. Lur abilitad da sautar, lur savida teoretica e l’atgna persunalitad pon uschia era s’integrar en il process d’elavuraziun. Durant l’elavuraziun d’ina creaziun choreografia è in dun d’improvisar d’engrà: ballarinas reageschan sin las propostas tematicas dal choreograf e surprendan ellas en ina sequenza da moviment u en il teater.

Ballarinas observan tge che succeda en la cultura cun tut sias tendenzas e tgiran e sviluppan ina rait da relaziuns professiunalas. Ellas communitgeschan a moda commensurada cun lur superiurs, cun lur collegas e cun lur partenaris externs e discurran la lingua naziunala locala u englais.

Cunquai che la chargia da lavur è enorma, ston las ballarinas avair ina buna relaziun tar l’agen corp, tar il nutriment ed esser conscientas dal risico per blessuras. Ellas enconuschan strategias per dumagnar il stress ed enconuschan meds per sa generar. Avant trenaments, provas u producziuns sa preparan ellas a moda adattada, uschia ch’ellas èn corporalmain fitas ed alertas e ch’ellas na sa blesseschan betg.

Scolaziun

Basa legala

Ordinaziun federala 1-12-2008

Durada

3 onns

Direcziuns

  • saut classic
  • saut contemporan

Furmaziun en la pratica

  • saut classic: Academia da sautar Turitg (Tanzakademie Zürich); Scola da ballet Teater Basilea (Ballettschule Theater Basel)
  • saut contemporan: Center da la furmaziun professiunala per l’art applitgà, Genevra (Centre de Formation Professionnelle Arts Appliqués, Genf)

Furmaziun en scola

1 - 1 ½ dis per emna a la scola professiunala resp. integrà en l’instrucziun, nua ch’ellas frequentan l’emprendissadi

Preparaziun sin la professiun

La scolaziun da saut sto cumenzar fitg baud. Quella scolaziun da basa intensiva (a partir da 12 onns) e las abilitads acquistadas èn decisivas per l’admissiun a la furmaziun professiunala.

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "ballarin / ballarina AFQ"

Premissas

Furmaziun preliminara
  • scola populara terminada
  • corp adattà per il saut classic resp. contemporan
  • aut nivel professiunal en il saut classic resp. contemporan
  • enconuschientschas da basa en ulteriurs stils da sautar (p.ex. modern, saut expressiv, jazz dance, hip hop)
Pretensiuns
  • movibladad corporala
  • creativitad
  • sentiment per estetica
  • abilitad da supportar squitsch psichic
  • sanadad robusta
  • abilitad da lavurar en ina gruppa
  • expressiun da saut
  • vegliadetgna: 15 a 16 onns

Furmaziun supplementara

Curs e workshops

purschidas d’associaziuns e scolas en Svizra ed en l’exteriur

Scola spezialisada superiura (SSS)

p.ex. ballarin / ballarina diplomada SSS

Scola auta spezialisada (SAS)

Bachelor of Arts (SAS) en Contemporary Dance

Studi supplementar ad in diplom (SSD)

Pedagogia da saut: studi a distanza Ursula Borrmann Germania/Svizra

Purschidas da l’Universitad da Berna:

  • Certificate of Advanced Studies (CAS) Dance Science: Health & Performance
  • Certificate of Advanced Studies (CAS) Dance Science: Motor Learning & Training
  • Master of Advanced Studies (MAS) Dance Science

Cundiziuns da lavur

Ballarinas lavuran en ina professiun che pretenda bler dal corp e porta ina enorma chargia da lavur. Trenaments e preschentaziuns sco era las midadas da domicil frequentas dumondan perseveranza e gronda abilitad da supportar squitsch.

Plazzas fixas u engaschaments a lunga vista èn plitost in’excepziun. Numerusas annunzias resp. auditions tutgan perquai tar il mintgadi da lavur. Ballarinas ston dumagnar a moda excellenta situaziuns d’annunzia e manar bunas tractativas davart ils contracts.

Ulteriuras infurmaziuns

Danse Suisse - Berufsverband der Schweizer Tanzschaffenden
Kasernenstr. 23
8004 Zürich
Tel: 043 317 95 37
URL: www.dansesuisse.ch

Zürcher Hochschule der Künste - Tanz Akademie Zürich
Toni-Areal
Pfingstweidstr. 96
Postfach
8031 Zürich
Tel: 043 446 46 46
URL: www.tanzakademie.ch

Ballettschule Theater Basel
Elisabethenstr. 16
4010 Basel
Tel: 061 295 14 40
URL: www.ballettschuletheaterbasel.org

Centre de Formation Professionnelle Arts Appliqués
rue Necker 2
Case postale 1411
1201 Genf
Tel: 022 388 50 00
URL: http://edu.ge.ch/cfpaa/



berufsberatung.ch