Spezialist per tecnica da parasulegl e storas AFQ
Spezialista per tecnica da parasulegl e storas AFQ
![[object Object],[object Object]](https://media.sdbb.ch/transform/4ae7f046-ac9b-4a16-9f00-5af5bb03c2d7/storiste_DD_120-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1200.–
3. onn d’emprendissadi: CHF 1400.–
Sco spezialista u spezialist per tecnica da parasulegl e storas installeschas, mantegnas e reparas ti tut las sorts da storas, p.ex. storas da lamellas e storas da sulegl. En edifizis novs e tar renovaziuns monteschas e mettas ti en funcziun sistems da storas che vegnan regulads a maun u automaticamain.
Incumbensas
- leger e chapir ils plans
- mesirar e far skizzas da las fanestras, las terrassas ed ils balcuns al lieu
- controllar, sch'il sutterren, p.ex. ina paraid, è adattà per montar londervi storas
- marcar sin ils plans las posiziuns futuras da las colliaziuns electricas dals sistems da storas automatics
- cussegliar la clientella davart differentas storas, p.ex. davart storas internas u externas, davart material, furma u colur
- sche necessari plazzar ina puntanada e segirar il sectur da lavur
- montar u adattar glischneras, fermanzas e fixaziuns
- programmar las storas automaticas uschia, ch'ellas reageschan sin il sulegl, il vent e la plievgia
- procurar che las instrucziuns dals furniturs, ils standards da segirezza e las prescripziuns legalas vegnian resguardadas
- configurar correctamain las storas, colliar e metter en funcziun ils indrizs
- explitgar a la clientella, co che las storas ed ils sistems funcziunan
- controllar il stadi da las storas
- demontar e nettegiar las storas, remplazzar ils tocs defects
- dismetter ils ruments en moda ecologica
- meglierar, midar u automatisar ils sistems da storas gia montads
- recumandar a la clientella ils products da substituziun, sch'insatge na po betg vegnir reparà
- nettegiar e mantegnair ils apparats ed ils urdains
Ambient da lavur
Sco spezialista u spezialista per tecnica da parasulegl e storas lavuras ti suletta u sulet ubain en dus e fas savens viadi en abitaziuns privatas, en manaschis u sin plazzals. Sin plazzals coordineschas ti tia lavur cun autra glieud da professiun da la branscha da mantelladas d'edifizis, p.ex. cun constructuras da fatschadas e constructurs da puntanadas. Tes temps da lavur èn savens regulars. Mintgatant stos ti lavurar pli ditg, per che edifizis vegnian terminads a temp.
Ti lavuras per il pli en manaschis ch'èn sa spezialisads sin storas e sin tecnica da parasulegl. Suenter in'experientscha professiunala d'intgins onns pos ti surpigliar posiziuns da gronda responsabladad, p.ex. da manadra da project, manader da montascha, collavuratura da vendita u cussegliader da clientella. Ultra da quai has ti la pussaivladad da fundar in'atgna firma e da lavurar en moda independenta.
Pretensiuns e interess
- Inschign manual
- Senza sturnizi
- Chapientscha tecnica
- Abilitad da lavurar en in team
- Resistenza corporala
- Imaginaziun tridimensiunala
- Prontezza d'esser savens sin viadi
- Plaschair dal contact cun glieud
- Lavurar cun ils mauns
- Esser corporalmain activ
- Lavurar en il liber
- Esser savens sin viadi
Scolaziun
Furmaziun pratica en in manaschi da la branscha da mantelladas d'edifizis
Curs da bloc dad 8 emnas per onn al Center da furmaziun Polybau ad Uzwil (SG)
Uzwil: 42 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista per tecnica da parasulegl e storas AFQ
Furmaziun cuntinuonta
Curs
curs dal Center da furmaziun Polybau
Emprendissadi supplementar
Sco spezialista u spezialist per tecnica da parasulegl e storas pos ti per regla far in emprendissadi scursanì da cuvratetgs AFQ, constructura u constructur da fatschadas AFQ, constructura u constructur da puntanadas AFQ u isolatura u isolatur AFQ.
Examen professiunal (EP)
- Cussegliader energetic / Cussegliadra energetica d'edifizis EP
Examen professiunal superiur (EPS)
- Maister / Maistra mantellada d'edifizis EPS
Scola spezialisada superiura (SSS)
- Tecnicist / Tecnicista d'edifizis SSS
Scola auta spezialisada (SAS)
- Bachelor of science en inschigneria da construcziun
Tut tenor la scola auta spezialisada valan differentas cundiziuns d'admissiun.
Professiuns sumegliantas
