Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist / Practicista da chemia e farmaceutica AFP

Practicists e practicistas da chemia e farmaceutica lavuran per la producziun da medicaments, cosmetica ni auters products.

Lavurs

Practicists e practicistas da chemia e farmaceutica lavuran en fatschentas da producziun da suandantas branschas: chemia e farma, biotecnologia, agrochemia e cosmetica.

En l'interpresa lavuran ils practicists e las practicistas da chemia e farmaceutica vid gronds apparats ed indrizs cun agid dils quals vegn fatg products chemics, biologics e farmaceutics ubain medicaments. Els retiran p. ex. materia processuala ord recipients ed emplainan quels en ils apparats ed en ils indrizs. Ils apparats ed ils indrizs utiliseschan els tenor las perscripziuns dal manaschi ni tenor l'instrucziun da las autoritads superiuras.

Suenter il process da producziun nettegian ils practicists e las practicistas da chemia e farmaceutica ils indrizs ed ils tocs pitschens. Lavurs simplas da mantegniment exequeschan els independentamain.

Practicists e practicistas da chemia e farmaceutica lavuran per il solit en in team ed en in sectur da lavur determinà. Els realiseschan las perscripziuns dal manaschi e resguardan las perscripziuns da segirtad, da protecziun da la sanadad e da l'ambient.

Scolaziun

Basa legala

Ordinaziun federala 21-10-2016 27-4-2018

Durada

2 onns

Furmaziun en la pratica

En ina  fatschenta da producziun u svilup da l'industria da chemia, da agrochemia, da biotecnologia, da farmaceutica ubain da cosmetica.

Furmaziun en scola

1 di per emna a la scola professiunala

Roms professiunals

  • preparar ed evaluar materia processuala
  • preparar ed evaluar secturs da lavur, products energetics, apparats ed indrizs
  • exequir process da producziun
  • nettegiar indrizs, apparats e secturs da lavur
  • Curs ordaifer il manaschi

    Lavurar ed exercitar a moda pratica la basa professiunala

    Diplom

    Attestat federal professiunal "practicist / practicista da chemia e farmaceutica AFP"

Premissas

Furmaziun preliminara
  • scola populara terminada
Pretensiuns
  • interess tecnic
  • abilitad da lavurar en in team
  • fidadadad
  • interess per process chemics u fisicals
  • buna sanadad
  • exactadad

Furmaziun supplementara

Curs

purschidas da firmas, dad 'aprentas' e da scolas ed associaziuns professiunalas

Tecnolog / Tecnologa da chemia e farmaceutica AFQ

Practicists e las practicistas da chemia e farmaceutica (AFP) pon far ina furmaziun da basa sco tecnolog / tecnologa da chemia e farmaceutica AFQ.

Cundiziuns da lavur

Practicists e practicistas da chemia e farmaceutica lavuran savens en manaschis da l'industria da chemia, dad agrochemia, da biotecnologia, da farmaceutica u da cosmetica. Ils blers manaschis enconuschan la lavur en squadras. La purschida da plazzas d'emprendissadi correspunda pli u main a la dumandà sin il martgà da lavur. I dat oravant en las regiuns da Basilea e dal Valais  bleras pussaivladads da lavurar en manaschis gronds. En autras regiuns predomineschan manaschis pli pigns e mediochers.

Ulteriuras infurmaziuns

aprentas
Associaziun per furmaziun da basa e perfecziunament professiunal
Mauerstrasse
4002 Basel
Tel: 061 468 18 30
URL: www.aprentas.ch

scienceindustries
Nordstr. 15
Chascha postala
8021 Zürich 1
Tel: 044 368 17 11
URL: www.scienceindustries.ch

ASC – Associaziun svizra dals mastergns da chemia e farmaceuticaceutica
Chascha postala 509
4005 Basel
Tel: 079 688 08 91
URL: www.cp-technologe.ch

Revistas professiunala:
"ChemieXtra"



berufsberatung.ch