Lavurs
Els exequeschan suandantas lavurs:
Preparar ils plazzals
- preparar il material, ils urdains ed ils apparats tenor instrucziun
- chargiar e fixar il material sin ils vehichels
- depositar il material en moda correcta sin il plazzal
- endrizzar il plazzal
Montar las storas
- mesirar las surfatschas e las distanzas sco er far simplas skizzas a maun
- installar e fixar las lingias, las storas e las autras parts uschia, sco ch'i stat en l'instrucziun
- enconuscher ed observar las reglas per la segirezza a la lavur
- far urden sin ils plazzals
- scriver simpels rapports da lavur
Demontar las storas
- prender dapart las storas e remplazzar las parts ruttas
- gidar a meglierar u ad automatisar las storas existentas
- tegnair ils urdains ed ils apparats en in bun stadi
- dismetter ils ruments en moda ecologica
Scolaziun
Durada
2 onns
Furmaziun en la pratica
En in manaschi da la branscha da las mantelladas d'edifizis
Furmaziun en scola
Curs da bloc en las scolas professiunalas spezialisadas ad Uzwil/SG u a Les Paccots/FR
Roms professiunals
- organisar lavurs a la mantellada d'edifizis
- montar ils sistems da protecziun cunter il sulegl e da storas
- demontar ils sistems da protecziun cunter il sulegl e da storas
Curs ordaifer il manaschi
Emprender la lavur pratica, approfundar ed exercitar las basas professiunalas, 25 dis durant 2 onns.
Diplom
Practicist / Practicista da montascha per tecnica da parasulegl e storas AFP
Premissas
Furmaziun preliminara
- temp da scola obligatoric terminà
Pretensiuns
- inschign manual
- chapientscha pratica
- chapientscha tecnica
- abilitad da lavurar en in team
- constituziun sauna e ferma
- agilitad
- senza sturnizi
Furmaziun supplementara
Curs
Purschidas da scolas spezialisadas e da scolas professiunalas spezialisadas, da l'uniun Polybau sco er d'interpresas da la branscha da la mantellada d'edifizis.
Emprendissadi supplementar
Practicists / Practicistas da montascha per tecnica da parasulegl e storas AFP pon per regla far ina furmaziun professiunala da basa scursanida sco spezialist / spezialista per tecnica da parasulegl e storas AFQ.
Suenter pon vegnir absolvidas las medemas furmaziuns supplementaras sco per spezialist / spezialista per tecnica da parasulegl e storas AFQ.
Cundiziuns da lavur
Practicistas e practicists da montascha per tecnica da parasulegl e storas lavuran en pitschen teams sut la surveglianza da persunas spezialisadas per tecnica da parasulegl e storas. Autramain lavuran els sin plazzals, ensemen cun autras persunas spezialisadas da la branscha da construcziun, per exempel cun constructuras da fatschadas, montaders da fanestras e constructuras da puntanadas. Lur temps da lavur èn regulars. Tut tenor la stagiun ston els mintgatant lavurar pli ditg, per che edifizis vegnian terminads a temp.
Practicistas e practicists da montascha per tecnica da parasulegl e storas lavuran per il solit en manaschis pitschens e mesauns da la branscha da las mantelladas d'edifizis. Quai èn manaschis che sa spezialiseschan sin storas e sin la protecziun cunter il sulegl. Las perspectivas professiunalas per la glieud da professiun bain scolada en ils fatgs da construcziun èn bunas.
Ulteriuras infurmaziuns
Center da furmaziun Polybau
9240 Uzwil
URL: www.polybau.ch
Associaziun svizra per tecnica
da parasulegl e storas VSR
8005 Turitg
URL: www.storen-vsr.ch