?global_aria_skip_link_title?

Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Practicist / Practicista cuvratetgs AFP

Practicists e practicistas cuvratetgs gidan a cuvrir tetgs spundivs. Els tschentan quadrels da tun ed autras materialias da cuvrida uschia ch’il tetg daventa resistent al vent ed a l’aura. Els creeschan subconstrucziuns ed installeschan isolaziuns cunter la chalur. Cun lur lavur procuran els per edifizis protegì cunter fradaglia, chalira, umiditad ed uschè po energia vegnida spargnada.

Lavurs

Els exequeschan suandantas lavurs:

Preparar il plazzal
  • preparar il material, ils guaffens ed apparats tenor instrucziuns
  • chargiar e segirar ils vehichels, transportar e deponer il material sin il plazzal
  • gidar d'installar las maschinas e da segirar il plaz da lavur
Cuvrir ed isolar tetgs
  • gidar da far l'elecziun dal dretg material per cuvrir ils tetgs, p.ex. quadrels da tun, plattas da metal u plattamorta
  • mesirar las surfatschas dal tetg e far simpels plans
  • fixar las subconstrucziuns or da lattas da lain cun agid da struvas e montar material d'isolaziun
  • transportar ils quadrels u auter material sin il tetg,  gidar ils cuvratetgs / las cuvratetgs da tschentar, adattar e tagliar quels sch'i fa basegn
  • enconuscher e resguardar las prescripziuns davart la segirezza da la lavur
  • exequir lavurs da finiziun vid chavas e colliaziuns
  • rumir ils plazzals e scriver rapports da lavur
Lavurs da reparatura
  • renovar e nettegiar ils tetgs, stuppar stgarps
  • remplazzar quadrels ruts u auter material
  • mantegnair guaffens e maschinas
  • dismetter ils ruments a moda adattada a l’ambient

Scolaziun

Basa legala

Ordinaziun federala 21-10-2016 (versiun dal 1-1-2018)

Durada

2 onns

Furmaziun en la pratica

En in manaschi da la branscha da paraids e mirs exteriurs d’edifizis

Furmaziun en scola

Curs en bloc a la scola professiunala a Uzwil/SG u Les Paccots/FR

Roms professiunals

  • prescripziuns e mesiras davart la segirezza da lavur e la protecziun da la sanadad e da l’ambient
  • installaziun da stresas e sistems vi da paraids e mirs exteriurs
  • tschentar ils sistems da tetg
  • Curs ordaifer il manaschi

    Emprender ed exercitar a moda pratica la basa professiunala

    Diplom

    Attest federal professiunal "practicist / practicista cuvratetgs AFP"

Premissas

Furmaziun preliminara
  • temp da scola obligatoric terminà
Pretensiuns
  • inschign manual
  • enclegientscha pratica
  • enclegientscha tecnica
  • sanadad robusta
  • flexibilitad corporala
  • esser senza sturnizi
  • abilitad da lavurar en in team

Furmaziun supplementara

Curs

purschidas da scolas spezialisadas e scolas professiunalas, da l’uniun Polybau sco era da manaschis da la branscha da paraids e mirs d’exteriur d’edifizis

Cuvratetgs AFQ

Practicists cuvratetgs AFP  pon frequentar ina furmaziun scursanida sco cuvratetgs AFQ (entrada al 2. onn da furmaziun da basa).

Silsuenter han els las medemas pussaivladads da furmaziun supplementara sco cuvratetgs AFQ.

Cundiziuns da lavur

Practicists e practicistas cuvratetgs lavuran en manaschis da la branscha da paraids e mirs exteriurs d’edifizis u en uschenumnads manaschis maschadads (mirs exteriurs d’edifizis e tolaria). Quai èn per ordinari manaschis pitschens u mesauns.

Practicists cuvratetgs pon era lavurar en manaschis d’industria che fabritgeschan products per paraids e mirs exteriurs.

La branscha da paraids e mirs exteriurs gioga ina impurtanta rolla per la strategia d'energia da la Confederaziun. Tar la construcziun u sanaziun d'edifizis contribuescha ella per exempel che quels vegnan pli effizients areguard l'energia. Per persunas dil fatg èn las perspectivas professiunals bunas.

Ulteriuras infurmaziuns

Verein Polybau
Lindenstr. 4
Postfach
9240 Uzwil
Tel: +41 71 955 70 41
URL: www.polybau.ch




berufsberatung.ch