Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Logisticher / Logisticra AFP

Logistichers e logisticras AFP lavuran en differents lieus: en deposits, tar firmas da transport, en centers da brevs e pachets e sin staziuns da la viafier. Els prendan encunter rauba, assorteschan posta, elavuran furniziuns u collian ils chars cun ils trens.

Lavurs

Logistichers e logisticras AFP lavuran là nua che rauba, brevs, pachets e bagascha vegnan transportads, deponids e repartids. Els preparan la rauba per la distribuziun u per la spediziun, la pacheteschan ed etichetteschan, scrivan ils documents da furniziun e chargian ils vehichels. Ultra da quai controlleschan els regularmain ils inventaris dal deposit per ch’i haja adina avunda rauba. Els lavuran surtut cun il computer ed il scanner.

Logistichers AFP retschaivan la rauba furnida en ils deposits. Alura examineschan els, sch’igl emballadi è donnegià. Els controlleschan, sche la furniziun è cumpletta e cumpareglian la rauba cun las indicaziuns sin il document da furniziun. Sch’i fa da basegn, paisan u mesiran els la rauba. Els charreschan la rauba cun auzaders al dretg lieu e la deponan là. Cura ch’els retschaivan in’empustaziun da clients e clientas, van els per la rauba en il deposit e la preparan per la furniziun.

Logistichers lavuran era en centers da distribuziun da brevs e pachets. Els stgargian la posta che vegn furnida en containers, camiuns u trens. I po era capitar ch’els retiran la posta da la clientella u da lieus da rimnada. Cun indrizs da transport moderns assorteschan els brevs e pachets.

Logistichers en il champ da traffic chargian e stgargian rauba. A la staziun da viafier retschaivan els bagascha da viadi e procuran ch’ella arrivia al dretg lieu.

Scolaziun

Basa legala

Ordinaziun federala  9-11-2015

Durada

2 onns

Furmaziun en la pratica

En in deposit resp. in lieu da producziun, in center da brevs u in servetsch da pachets.

Furmaziun en scola

1 di per emna a la scola professiunala

Roms professiunals

  • retschaiver rauba
  • controllar rauba
  • distribuir rauba
  • segirezza da la lavur, protecziun da la sanadad, da datas e da l’ambient
  • qualitad, rentabilitad ed effizienza da las resursas

Curs ordaifer il manaschi

Tar differents temas

Permiss da manischar plunaders

Durant la furmaziun da basa acquistan ils emprendists il permiss da manischar plunaders renconuschì da la SUVA.

Diplom

Attest federal professiunal "logisticher / logisticra AFP"

Premissas

Furmaziun preliminara
  • scola populara terminada
Pretensiuns
  • inschign manual
  • buna sanadad
  • fidadadad e senn da responsabladad
  • perseveranza ed abilitad da sa concentrar

Furmaziun supplementara

Curs

purschidas da la federaziun professiunala

Logisticher / Logisticra AFQ

suenter la furmaziun d’attest pon logistichers AFP absolver ina furmaziun da basa scursanida da 2 onns sco logisticher / logisticra AFQ. Alura èsi pussaivel da frequentar las medemas furmaziuns supplementaras sco logistichers / logisticras AFQ.

Cundiziuns da lavur

Logistichers AFP lavuran cunzunt en deposits e tar la posta. Era servetschs da pachets, interpresas da transport e centers da distribuziun da firmas emploieschan logistichers AFP. La purschida da plazzas d’emprendissadi variescha tut tenor branscha. Il temp da lavur po esser irregular, mintgatant vegn era lavurà la notg, la damaun marvegl e la fin d’emna.

Ulteriuras infurmaziuns

Schweizerische Vereinigung für die Berufsbildung in der Logistik SVBL
Rigistr. 2
5102 Rupperswil
Tel: 058 258 36 00
URL: www.logistiker-logistikerin.ch
URL: www.svbl.ch



berufsberatung.ch