Zum Titel springen

Commerziant / Commerzianta AFP

Lavurs

Commerziants e commerziantas AFP exequeschan cunzunt lavurs da biro generalas. Els fan bainvegni a las persunas a la recepziun, respundan telefonats, copieschan, ordineschan e repartan documents tenor las instrucziuns da lur superiurs.

Els exequeschan suandantas lavurs:

Lavurs da biro
  • far bainvegni a la clientella a la recepziun
  • respunder dumondas da la clientella u transmetter ellas al post responsabelrs
  • pender encunter telefons, far notizias, infurmar, u transmetter il discurs a la dretga persuna
  • dar si e retrair la posta al spurtegl da posta
  • reparter la posta a las dretgas persunas entaifer l’interpresa
  • duvrar apparats sco computer e squitschader
  • emplenir palpiri u midar las patronas da tenta tenor basegn
Secretariat
  • planisar las lavurs dal di e far las chaussas impurtantas l’emprim
  • scriver ed elavurar sur sasez brevs, formular, glistas e tabellas al computer
  • scriver protocols ed communicaziuns internas
  • manar simpla contabilitad da debiturs e da crediturs, quai vul dir d’inditgar sin ina glista tgi che ha paja e tge quints ch’èn anc averts
  • cumpilar e metter a disposiziun documents cun agid da glistas da check, p.ex. per collavuraturas, clients, furnituras e visitaders
  • tschertgar infurmaziuns en differents programs e documents, p.ex. en l’internet u l’intranet, en partiziuns, registers, cudeschs da telefon intern e resguardar latiers las directivas
  • midar, adattar ed arcunar regularmain endataziuns, per exempel ina midada d’adressa en il cudesch da telefon intern e resguardar latiers las directivas
  • dismetter e stizzar document ed actas, sch’ils superiurs dattan l’incumbensa latiers
  • resguardar latiers la protecziun da datas, per ch’infurmaziuns confidenzialas na vegnian betg a la publicitad
  • gidar da manar l’archiv (en in archiv vegnan tut ils documents tegnids en salv sistematicamain)
  • duvrar apparats sco copiaders u squitschaders, chapir ed eliminar annunzias da sbagls u annunziar il problem a la persuna responsabla
  • dismetter il material da biro ed apparats electronics el dretg lieu, quai vul d’observar latiers la protecziun da l’ambient

Scolaziun

Durada

2 onns

Furmaziun en la pratica

En l’administraziun d’in manaschi

Furmaziun en scola

pussaivel a Basilea, a Genevra ed a Losanna

Roms professiunals

  • lavurar vid il svilup professiunal e persunal
  • communitgar cun persunas che han differents basegns
  • collavurar en process da lavur da manaschis
  • tgirar infrastructuras e duvrar applicaziuns
  • elavurar infurmaziuns e cuntegns

Curs ordaifer il manaschi

Emprender ed exercitar a moda pratica la basa professiunala,  8 dis durant 2 onns

Diplom

Commerziant / Commerzianta AFP

Premissas

Furmaziun preliminara
  • temp da scola obligatoric terminà
  • intgins manaschis u scolas fan in examen d’admissiun
Pretensiuns
  • interess vi da lavurs administrativas
  • plaschair da lavurar al computer
  • buna enclegientscha dal tudestg a bucca ed en scrit
  • lavurar exactamain e fidadamain
  • plaschair d’avair contact cun auters
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas ed en centers da furmaziun supplementara

Commerziant / Commerzianta AFQ

Commerziantas AFP pon far ina scolaziun da basa scursanida sco commerzianta AFQ cun fitg bunas prestaziuns. Silsuenter valan las medemas pussaivladads da furmaziun supplementara sco per commerziants AFQ.

Cundiziuns da lavur

Commerziants e commerziantas AFP lavuran en manaschis pigns, mesauns e gronds sco er en l’administraziun publica e privata. differentas interpresas e manaschis. En pitschens teams exequeschan els bleras, differentas lavurs. En partiziuns grondas èn las lavurs betg uschè vastas. Commerziants e commerziantas AFP lavuran cunzunt cun commerziants e commerziantas AFQ che controlleschan intginas da lur lavurs. Ils temps da lavur èn regulars

Commerziants e commerziantas AFP pon far ina scolaziun da basa scursanida sco commerziant u commerzianta AFQ.

Ulteriuras infurmaziuns

Kaufmännische Grundbildung
3011 Bern
URL: www.kaufmaennische-grundbildung.ch

IGKG Interessengemeinschaft Kaufmännische Grundbildung
3001 Bern
URL: www.igkg.ch

Kaufmännischer Verband
8021 Zürich 1
URL: www.kfmv.ch



berufsberatung.ch