Zum Titel springen

Assistent / Assistenta da commerzi en detagl AFP

Assistentas ed assistents da commerzi en detagl lavuran en differentas branschas da vendita. Els cusseglian la clientella, fan il servetsch a la cassa e pacheteschan en ils artitgels vendids. Els guardan, ch'i saja adina avant maun avunda products per la vendita.

Lavurs

Els pratitgeschan las suandantas activitads en ina da las 22 branschas:

Tgirar il contact cun la clientella
  • vegnir a savair ils giavischs da la clientella e preschentar soluziuns
  • elavurar sin differents chanals las dumondas da la clientella en il commerzi en detagl
Administrar e preschentar products e servetschs
  • preschentar ils products ed ils servetschs dal commerzi en detagl en moda orientada a la clientella
  • elavurar sut instrucziun las infurmaziuns relevantas per il manaschi
  • s'infurmar davart ils products ed ils servetschs da l'atgna branscha
  • cooperar sut instrucziun a l'ulteriur svilup da products e da servetschs
  • identifitgar ils svilups actuals en l'atgna branscha ed integrar quels sut instrucziun en il mintgadi da lavur
  • garantir la circulaziun da las infurmaziuns en il commerzi en detagl sin tut ils chanals

L'emprendissadi po vegnir absolvì en ina da las suandantas 22 branschas:

automobil after-sales, automobil sales, pasternaria-confisaria, consumer electronics, DO IT YOURSELF, ferramenta, apparats electrics, colurs, chasada, Landi, victualias, mobiglias, traffic public, papetaria, parfumaria, posta, bischutaria-pedras preziusas-uras, chalzers, giugarets, artitgels da sport, textil, commerzi spezialisà da zoologia

Scolaziun

Durada

2 onns

Furmaziun en la pratica

En ina fatschenta da vendita d'ina da las 22 branschas d'emprendissadi e d'examen

Furmaziun en scola

1 di per emna en la scola professiunala

Roms professiunals

  • tudestg
  • lingua estra
  • economia
  • societad
  • pratica dal commerzi en detagl
  • instrucziun da branscha generala

Curs ordaifer il manaschi

Davart differents temas

Diplom

Attest federal professiunal "Assistent / Assistenta da commerzi en detagl AFP"

Premissas

Furmaziun preliminara
  • terminà la scola obligatorica
Pretensiuns
  • plaschair vi da la vendita e da la cussegliaziun
  • plaschair dal contact cun persunas
  • servetschaivladad
  • buna demananza
  • bunas cumpetenzas dal tudestg (a bucca)
  • buna memoria
  • senn per l’urden
  • buna sanadad (lavur en pe)

Furmaziun supplementara

Curs

purschidas d’associaziuns da branscha, d’associaziuns professiunalas e da differents auters purschiders

Spezialist / Spezialista da commerzi en detagl AFQ

Assistentas ed assistents da commerzi en detagl AFP cun in bun diplom e cun enconuschientschas da basa en ina lingua estra pon far in emprendissadi scursanì sco spezialist / spezialista da commerzi en detagl AFQ (access al 2. onn d'emprendissadi). Suenter pon vegnir absolvidas las medemas furmaziuns supplementaras sco per spezialist / spezialista da commerzi en detagl AFQ.

Cundiziuns da lavur

Assistentas ed assistents da commerzi en detagl lavuran en fatschentas spezialisadas, en gronds negozis ed en supermartgads. Il temp da lavur dependa da las uras d'avertura da la fatschenta.

Suenter avair terminà l'emprendissadi pon els en la gronda part dals cas midar la branscha.

Ulteriuras infurmaziuns

Bildung Detailhandel Schweiz
Hotelgasse 1
Chascha postala
3000 Berna 7
Tel: 031 328 40 40
URL: www.bds-fcs.ch



berufsberatung.ch